معليش انا يمكن غير عنكم شوي في ردود فيه مبالغه شوي يعني فيه ناس تخاف يشوف ردها احد يعرفها وكذا وانا مايهمني من يشوف ردي لان الصراحه زينه

والله ياوخيتي انتي ابخص بعمرك مع خالتك اذا هي حبيبه وطيبه وماهي راعيت مشاكل حطيها على راسك من فوق واذا انتي حاسه انه ممكن يصير فيه مشاكل فيه حل انك يكون بيتك جزء لاامه يعني لها ولضيوفها ويكون لها خادمه تخصها اذا جاها احد يعني يروحون بالغرفه المخصصه لهم لضيوفها هي والوقت اللي ماعندها ضيوف تكون بينكم وووسطكم ومعكم ويازينها من جمعه وناسه وفله حتى زوجك بينبسط بس انتيهي موب على حساب نفسك لانك بتخسرين بالاخير وبتفجرين

يعني تكون الام عسل والزوجه عسل والزوج ياسلام بس تجي الاخوات ويتدخلون ويحرشون ولاتجي وحده تقول لا انا ما اعم لاني انا مثلكم لي حرايم اخوان واغليهم واقدرهم مثل مايقدروني لاكن من اللي اشوف واسمع تغير الام على مرت الولد

فاذا تقدرون ان البيت يكون كبير ويكون لها جناح خاص غرفه نوم وغؤفه ضيوف لحبايبها افضل عشان لاتتبهذلين ولاترتبطين لانها خلاص بتعيش عندك وماراح تطلع

واذا لها عيال غيره مع اني اشوف دامهم تبيكم اكيد تحبكم تخلونها عندكم

بس نصيحه ياختي

استخيري والله يكتب لك اللي فيه خير

وصادقه البعيد دايم غالي واللي قدام الوجه مشاكل لازم تجي اسالي اللي تبين وخلي عنك بعض الردود للي فيها مبالغه



وعلى فكره كلامي موب للكل للبعض هم ابخص