لو حبت الحماة الكنة كان ابليس دخل الجنة! بنااااات موضوع خطير!!!

مرحبا بنات

حابة اطرح موضوع مهم جدا يثير قلقلي وقلق الكثير من البنات الشابات و الامهات

يعني يا بنات كثير هالايام نشوف حالات طلاق ، عذاب، اهانة ، قسوة بسبب الحما ، العمة ، او البعض يسمونها ب الخالة ، كل هالمفردات تعني ام الزوج

حابة اسآلكم سؤال وكل وحدة تجاوبني بصراحة اذا الله رزقك ب ولد وكبر وصار رجال وزوجتيه وانتي كنتي تعانين من ام الزوج وماعتقد في انسانه في الكون ما عانت ولو القليل من ام الزوج وتدخلاتها في الحياة الماديه او الشخصية او العام .


يا ترى انتي وقت الي الله يرزقك بولد ويكبر ويصير رجال ويتزوج ببنت الحلال ، بنت الناس الي اهلها تعبوا على تربيتها يمكن اكثر من تعبك على ابنك لان في مجتمعاتنا العربيه تربية البنت و تعليمها و تفهميمها تعني الكثير واهم بكثير من تربية الولد ، لان في مفهومنا العربي الولد ولد لو شو ما عمل .

انا حابة اوصل لنقطة وهي انا اطلقت بسبب ام زوجي وهي كانت الداعم الاكبر لطلاقي الي محيرني في الامر انو هي كانت معذبه من قبل ام زوجها وعانت الامرين وانا كان لي علم قبل الزواج عن الي عانته لان هي كانت كثيرة الحديث و الشكوى وتذكر الماضي ، الي حابة استفسره ليش طبقت كلشي على زوجة ابنها الي هي انا ، ليش ما راعت الله فيني ،

وحابة اسآلكم بنات ليش الكنه تنظلم و وقت الي يجي دورها ك حماة اي ام زوج تبدي تلعب دور الشريرة وتدخل في كلشي كان يزعجها تدخل حماتها فيه ، ليش ؟؟ هل نحن في دورة بيئية دورة عادات و تقاليد ام دورة فكرية ، ليش هذا الوباء سائد لا منتهى له ؟؟؟

آنا اطلقت وانتهى امري بس شو بالنسبه لبنات و جيل المستقبل ، شو بلنسبه للخطر الفادح الي يهدد مصير بنات المجتمع العربي ، خراب البيوت هيك صار سهل ؟!! الله اكبر !!!

في امهات تصلي وتصوم ومكفية دينها وكلشي بس وقت تجي عند الزوجة اي زوجة ابنها خلاص لهنا وبس اتصير لا تعرف دين ولا خوف الله اهم شي عندها خراب بيت ابنها حتى يرجع لحضنها وشو بالنسبه لبنت الناس ؟؟؟ طبعا ما نقدر نعمم ونقول انو كل الحموات مثل بعض بس الاكثريه و ما نقدر نقول انو الكنة منيحة و مظلومه بس الكنة واجبها الاحترام وارضاء زوجها غير هيك نقطة ع السطر يا بنات نحن في كارثة اليوم ، يعني العروس مو بس تتزوج العريس لا تتزوج امه وخواته و العيله بحالها ، ولازم تخدم و تعمل الف حساب ، و في الاخير يجازوها بكلمة مطلقة ؟ !