شحالكن يالغاليات .. عساكن بخير ؟؟
من كم يوم يخطر في بالي موضوع .. واليوم توكلت على الله وقلت بكتبه لكم
ولكم المايك في التعليق والاضافات عليه فديتكم
//
نبدأ ... بسم الله
//
افرضي ان شخص زعل عليج ..
أمج أو أبوج
أخوج أو اختج
زوجج أو عيالج
صديقتج أو أهلج
سواء انتي السبب او الشخص الزعلان عليج هو السبب وانتي زعلتي
....
وصار اللي ما تقدرين تتقبلينه او بالاحرى اللي ما تتوقعين انه يصير..
إن يكون هالشخص الزعلان عليج او انتي زعلتي عليه هو آخر يوم في حياته
وسار في دربه او كان معاج في البيت << و صار أي سبب لا سمح الله وراح من هالدنيا
تعددت الأسباب والموت واحد..!!
ممكن يكون مرض .. حادث .. فجأه .. قتل .. اي حادث من الحوادث لا سمح الله << الله لا ييب هالحوادث للغوالي علينا يارب
وراح هالشخص الغالي
راااح وما بيرجع
؟؟ شو تتمنين ساعتها ؟؟
يرجع تعتذرين ،، او يرجع وتسامحينه لانه زعل قلبج
شو الفايده عقب ما زعلنا !!
أو عقب ما زعلتي من يغليج من قلبه ؟؟
بكيت وهل بكاء القلب يجدي .. فراق أحبتي وحنين وجدي
فما معنى الحياة إذا افترقنا .. وهل يجدي النحيب فلست أدري
فلا التذكار يرحمني فأنسى .. ولا الأشواق تتركني لنومي
فراق أحبتي كم هز وجدي .. وحتى لقئهم سأضل أبكي
....
خلنا نفكر لو كل واحد فينا يعرف متى اخر يوم في حياته ؟؟
لو عرفت ان اخر يوم في حياتي هو باكر مثلا؟؟
بحاول اسوي كل شي يرضي الله عشان اموت وربي راضي عني صح؟؟
وكل شخص زعلان علي بسيرله بعتذرله عشان يوم انقبر مايكون حد زعلان علي او ماخذ في خاطره مني
بستسمح من الجميع صح
https://yyi7hg.blu.livefilestore.com/y1mm4RD4-hCj6893r4hN9MbM2Xwhw-ck32IPbiZ9egkLwaVc37uPa3wdXEAEU3szRSP0XkCMF75IVDWlZ_7b5Q2bvtZmgJp1_g0VnDAgQEf2k0rNcnfzG4zOPLb3FovCBa1lpcftJSGYcJPJq4t_LOarw/موت-خذني.png?psid
اوكي خلينا نقول إن أغلى شخص عندي في هالدنيا اليوم زعلان لاني لاي سبب كان زعلته.. خلينا نفرض ان اليوم هو اخر يوم في حياته .. عرفتي ان هاليوم هو اخر يوم في حياته .. طبعاً مستحيل تخلينه يروح بدون ما تراضينه صح والا انا غلطانه ؟؟
....
خلونا نخلي حياتنا بدون زعل
ليش ما نحط قانون نخلي حياتنا بدون زعل
خلونا نرفع شعار ونقول فيه الزعل ممنوع ..
لا يجور ابدا في حياتي ان يزعل حد علي او ازعل حد من اللي اغليهم
....
اقولكم ليش ؟؟
والله دايما اذا حد زعل علي افكر في هالشي ..
يمكن اليوم يكون اخر يوم في حياتي او حياته وهالشخص الغالي زعلان علي
ليش ما اعتذر
شو ماخذين من هالدنيا عشان نزعل ونكابر
حنا من في الاخر
كلنا بشر
وكلنا نخطئ
ليش ما نعفو
ليش ما نسامح
ترا العفو والتسامح من فضائل الدين ومن محاسن الاخلاق
قال الله تعالى في كتابه { وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ }النور 22
شو استنتجنا من هالايه :
إذا عفى الإنسان عن غيره من البشر عفا الله عز وجل عنه, إن صَفَحَ وغفرَ للناس أخطاءهم, غفر الله عزّ وجل له.
خلونا نسامح الجميع .. ترى والله مب ماخذين من دنيانا شي
والزعل ما بيفيدنا ..
//
المايك لكم الآن :
شو بتسوين لو اليوم هو اخر يوم في حياتج؟
أو
لو هو آخر يوم في حياة من تحبين؟
أو
لو شخص زعل عليج؟ وما اعتذرتيله؟
أو
لو شخص زعلج وما اعتذرلج؟
//
انتظر اجاباتكم ...
وان شاء الله موضوعي ينال على اعجابكم
تقبلوني :
اختكم .. طـيبة قلبي