لو حصلك هذا الموقف وش تكون ردت فعلك

السلام عليكم
كيفكم اخواتي ورمضان كريم مقدما ههههه
طلبت اخت زوجي مني اسويلها طبق بدون ذكر اسم الطبق 
وانا جدا اضبطه ويطلع لذيذ معايا 
قالت اخت زوجي بتجيني صديقتي
وراح اعشيها وابي منك تسوي الطبق هذا لانه يطلع معك لذيذ
وكان ودي اناديك بس تعرفين امي ماتبي البزران واساسا محد جاي  قلت ابد معذوره واساسا صديقتك انا وش دخلني بينكم ومن عيوني ارسله مع اخوك
وقمت اتدهر بالمطبخ اطبخ له 
وحطيت اللمسات الاخيره وعطيته زوجي ووداه
المهم عزمت سلفتي في بيتي اليوم
قالت وينك امس ماجيتي قلت انتي موجوده قالت ايه
ومناديني قايلين ظروري تجين وسألت عنك قالو انك مرتبطه
مع اهلك قلت ايه فعلا كنت مرتبطه مع اهلي عاد وش قدمولكم عشاء
قالت ابدعوو وفلانه اللي هي اخت زوجي مسويتلك طبق روووووعه لذيذ وقلتلها منين قالت انا مسويته وقلتلها عطيني مقاديره وقالت كاتبتها بجوالي ارسله لكم بكرا
انا انجلطت ليش تكذب وتقول هي مسويته والمشكله تقول ان امها تقول ايه من الظهر جالسه تطبخ لكم ها الطبق 
وكمان ام زوجي ياخزياه مشاركة بالكذب 
اللي قهرني انهم منادين سلفتي وساحبين علي وزياده يخلوني اطبخ لهم قهروني وكمان ليتهم يقولون انه فلانه الله يجزاها خير مسويتها لا تنسبها لها تقول انا اللي مسويته
وارسلت واتس اخت زوجي العصر تقولي قلنالهم انه انتي وصديقتي تقول خلي مرت اخوك ترسل المقادير 
شوفي النصب 
قهرتني الصراحه طبعا ارسلتلها المقادير بس بعد ماخبرتني سلفتي بالسالفه الحقيقيه  انجلطت 
المشكله سلفتي تضحك وتقولي ان اخت زوجي ضابطه الدور وانها تقول كل يوم بالليل اسويها وهذا طبقي المفضل وانا ابدع فيه وتقول سلفتي انا مصدقتها لانها بقوه ضابطتها شوفو جرئتها بالنصب ههههههه 
الصراحه قهرتني الله يهديها 
عاد قلت السلفتي انها انا وتراها تكذب عليك 
تستاهل ليش تكذب 
وش رايكم بالموقف اخواتي بكل صراحه لو انتي مكاني وش سويتي