لو حكيتلكم مشكلتي اجد من يسمعني و يساعدني؟

لانك تجمعي الشغل مرة وحدة فيكون صعب
مثلا فتحتي الثلاجة لقيتها مو مرتبة ارتبها بنفس اللحظه
ورجعي كل شي مكانه اول باول لاتاجلي اي شي

السلام عليكم أختي اولا اهلًا بك. معنا وبيننا
ثانيا أنا اكثر شئ لفت نظري في موضوعك أنك مقصره حتى في أمور دينك
الدنيا شغلها ما يخلص وكل يوم تفكرين في شي وتهتمين بشى
اول شئ أبدئ بإصلاح أمورك الدينية خصوصي وقت للقرآن ولو وجه يوميا مهما كنت منشغله او كسلانه وحافظي على صلواتك ولا تنشغلين عنها أبدا وعليك بالنوم المبكر والتسبيح قبل النوم فهو وصية الرسول صلى الله عليه وسلم لابنته قبل النوم أبدي بشغل بيتك شوي شوي رتبي واكنسي امسحي وغرفتك اهم شئ رتبيها دائماً ما يرجع زوجك الا وانت مرتبه غرفتك ومبخرتها وحمامك نظيف معقم واضغطي على نفسك في البداية تعب وبعدين بتكون متعه لك ولا تنسين الذكر والاستغفار وانتي تشتغلين واستمري وكان الله في عونك

السلام عليكم ورحمة الله
أولا/ امورك الدينيه اذا حافظتي عليها كسبت كل شي واولها رضى الرحمن
أما بالنسبه للنظافه فأنتي ذكرتي انك لوحدك ماعندك أطفال وهذا راح يسهل عليك التنظيف
يالله نبدأ يومك الأول
أولاٌ / غرفت النوم أول ماتصحين رتبي فراشك وعطري الغرفه..وسكري الباب علشان ريحة الطبخ.
ثانياٌ / اذا دخلتي دورت المياة لحاجه :3_13_11:بنفس الوقت المنظفات رح تكون موجوده فيه أبدي بتنظيفه وراح تطلعين منه نظيف كلما دخلتيه وهذايسهل عليك مسألة تنظيف دورة المياة.
ثالثأ / المطبخ نفس الشي اي حاجه تاخذينها رديها لمكانها والثلاجه فتحتيها لقيتيها ملخبطه او فيها بقع من الاكل امسحيه بوقتها لاتأجلين شي لوقت ثاني والمواعين استخدمتيها :angry:نفس الوقت نظفيها وانتي تطبخين يعني راح تتغدين وماعندك مواعين وسخه الامواعين السفره الي تاكلين فيها واذا خلصتي اكل روحي المطبخ شغلي الجمرعلى الفرن وكملي غسيل مواعينك وتنظيف كونترات المطبخ والارضيه وبنفس الوقت راح يجهز الجمر ودخني فيه بيتك ولاتنسين تنظفين الفرن وراح ترتاحين طول وقتك الى فترةالعشاء وراح تكونين واثقه من نظافة المطبخ لما هو يدخل له. راح تتعبين لكن تحملي ياحبيبتي....
رابعاٌ ٌ/غرفة الجلوس الدائمه كنسيها قبل لاتنامين يوميا ورتبيها علشان لوقمتي اليوم الثاني تكون نظيفه.
وباقي البيت كنسيه معها
مجلس الرجال:arb:/ يوم وترك شيكي عليه.
وأعتمدي هذي الاسترايجيه وراح تحسين بالراحه والثقه حتى لوجاءك ضيوف فجأة البيت راح يكون نظيف وريحتة روعه....
...أتمنى اني افدتك....:)

الله يحييك معانا وان شاء الله تستفيدي
طبعا كلام الاخوات اللي قبلي ما يحتاج ازيد عليه
بس حابه انبهك انك انتي بتحبطي نفسك وبتفكري باشياء سلبيه لازم تتركي هدا الاسلوب مع نفسك وتتقوي بالعباده والدعاء وادا تحسن وضعك لا تنتضري ان زوجك يمدحك استمري واستمري لانك بترضي ربك اولا وبترضي نفسك ثانيا واتوقع ان زوجك بيشوف ويرضى كمان

وعليكم السلام ورحمة الله وبركاته

أهلا وسهلا فيك

راح اكتب جدول بسيط امشي عليه وشوفي كيف بترتاحين

1- اصحي من النوم صلي الفجر واقرأي الاذكار وورد من القران روحي المطبخ سوي فطور وافطروا زوجك راح العمل شغلي القران واستمتعي بجو الصباح والراحة النفسية حطي غسيلك فالغسالة وارجعي لغرفة نومك رتبيها وزينيها والدواليب مري عليها اعطيها وجه ترتيب وقفليها واخرجي طلعي الغسيل وانشريه وصلي الضحى وخلاص ارتاحي نامي او اجلسي عالنت اواي شي تحبيه واشربي كوب عصير ينعشك

2- ارتحتي خلاص يكون باقي شوي عالى الظهر توضي وافرشي سجادتك واقرأي قران يكون اذن للصلاة صلي وروحي المطبخ سوي الغداء لما خلاص تحطينه على النار مري على غرفة الاكل وزينيها ببخور حلو ونظفيها ورتبي السفرة ولاتنسين غداك ينحرق شوفي كل مرة وروحي غرفتك وتزيني ... بس يجي زوجك بيلقى غرفة النوم مرتبة ونظيفة وغرفة الاكل نظيفة وانتي مرتبة وحلوة ايش يبغى أكثر من كذا تغدوا وانبسطوا وشيلي المواعين وغسليهم ومسحي المطبخ ونامي

3- اصحي صلي العصر واقرأي اذكارك وورد القران وسوي شاهي وتقهوي عاد اذا عندك كوي سويه او عندك اي شغله سويها

4- صلي المغرب وسوي قهوة وانسطوا وصلي العشاء وسوي العشا وتعشو وغسلي مواعينك ورتبي المطبخ لاتخرجين منه الاوهو نظيف ومري على غرفة الطعام ورتبيها وسكريها اشطفي الحمامات وتروشي ونامي اصحي على 3 صلي القيام وادعي ربي باللي تبين واقراي قران ونامي للفجر

ملاحظات

المواعين لاتراكمينها لوشربتي عصير قومي واغسلي الكاسة اذا تراكمت المواعين تتعب

البيت كل يوم قبل ماتنامين اكنسيه ترتاحين نفسيا

الدواليب اي شي تخرجينه منه رجعينه فمكانه موترمينه فاي مكان بكذا ماراح تحتاجين ترتبين دايم

ذكر الله مهم جدا يريح نفسيتك ويعطيك نشاط

حطي فبالك انه هذي مملكتك الصغيرة وانتي ملكة هذا البيت فلازم يكون حلو ويشرف

اذا استفدتي ادعيلي