على طول المطبخ اسوي اشياء خفيفه وقد ما اقدر اكتر الاصناف لان لمن اطلبه شي ما يقصر

الحمدلله زوجي مو راعي هالحركات
بس اذا مرة اضطر انه يسويها اعتقد انه بيجيب الأكل كله من برا
لأني انا حواااااااااااااااااااااااااااااااااااااسة
يعني عشان اطبخ لينا لوحدنا في رمضان احوس المطبخ فوق تحت
فمابالك لوعزومة تجي على فجأة

هالموقف صار لي اليوم يعني طازج
لأن زوجي دق على الرجال قبلها بيوم يعزمه عالفطور ورد عليه الرجال يمكن ما نقدر نجي للفطور
واليوم وانا مروووقه ومتحممه وقصدي اسوي الفطور على روووااااق لأن فطورنا شوي ما يتعب حق شخصين
ويوم طلعو الناس من صلاة العصر إلا وزوجي يدق علي ترا الرجال بيجي وليته لوحده بعد حرمته بتجي ليشششششششش يوووم انها بتجي ترتز هي وعيالها معه ما دقت علي من بدري وهي تدري ما عندي شغالة........ طبعا هذا أول رد لأن الرد كان على مراحل
بعدها تحلطمت شوي وقربت اصيح (يعني ابكي)
بعدها قلت له ما يمديني اطبخ نملة وقلت كلام ما فهمته اتوقع انه تحلطم بس بصوت اعلى شوي
وقلت لازم اكل من برا ولا ما يمدي وش اعطيه ما فيه شي جاهز غير العصير تصرف وقمت ابكي من الروعة (يعني من الخوف)
والحمد لله جاب لي اغراض من برا ودبرت نفسي بس اذن وانا توني ما وديت التمر والقهوة للحرمة وش اسوي من الركض والحوسة اللي كنت فيها
وخليت الأكل الساخن مثل الشوربة والحلو والمكرونة والرز بعد المغرب

اقوله الله يحييهم وسم وآمر وابشر باللي يبيض وجهك واسوي اللي اقدر عليه والجود من الموجود,,

ماشاء الله عليكم يعني كلكم سنعات وربات بيوت ممتازات..
أختي خليصيه بصراحه أنك ماشاء الله تبيضين الوجه وتستاهلين هديه على هالشي مو شكر بس
لكن فيه رجال يعتبرون هذا الشي واجب من واجبات الرجل على زوجته .. ولا تزعلين أو تتضايقين أولا أحتسبي الأجر عند الله لأنك فطرتي صايمين وثانيا لأنك أرضيتي زوجك ولو مابينلك هذا الشي صدقيني هو مبسوط منك داخله بس فيه رجال يحبون يكابرون..
لوزه الأموره شكلك مثلي ماأحب هذي المفاجئات..
الوناسه الله يونسك ويبعد عنك ضيقة الصدر والعزايم المفاجأه ولا بعد فيها حريم والله حاله..
مشكورات حبيباتي على ردكم على الموضوع.. وأنا طرحته بصراحه لأنه قبل كم يوم وحنا راجعين من المدرسه وفي النقل وحده من المعلمات دق عليه زوجه وقال أني عازم رجال اليوم وهي مسكينه عنده ثلاث بزارين ولا عنده شغاله.. لكن وش كان رده؟؟؟ شوفو وش ردت عليه..


قالتله سم إنشاء الله .. ويوم خلصت أنا تعجبت بصراحه لأني ماأحتمل مثل هذي المواقف وخصوصا أيام الدوام لأني أجي منهد حيلي وهلكانه من التعب وشلون أبي أسوي فطور لرجال بعد....