لو رحتوا تزورون وحدة وقالت لكم ؟؟؟؟

السلام عليكم ورحمة الله وبركاته
عندي سؤال بسيط
قريبتي راحت تزور وحدة وشارطين عليهم بس شاي من دون عشاء فلما دخلت وجلسوا شربوا القهوة بدت الحرمة كل شوي تروح المطبخ وبدت تشم ريحة طبخ وجت قالت خلاص العشاء لازم عندنا بديت اطبخ ومن كلام المجاملات ليش وراه
المهم جت قالت لها اللحمة كم تحتاج علشان تستوي قالت على حسب لحمتك قالت قومي شوفيها وقامت الحرمة بتشوف اللحمة لما دخلت صارت تقول لها كم نحط رز طلعي الرز وحطي طلعي السلطة قطعي ذوقي الملح ليش ماحطيتي زيادة ملح وهلم جرا
يعني كثرت الاوامربالصح هي الي طبخت العشاء كله غصب قالت عادي اخوات ونتعاون
ولما جت الحرمة تغسل المواعين قالت ماله داعي قالت ابساعدك خلتها تغسل وجابت الجوال وجلست تتفرج على المسجات وترسل والحرمة واقفة تغسل بلحالها قالت عادي يمكن تعبانة وماصدقت احد يساعدها
الضيفة عندها اطفال داخلين طالعين والصراحة حاسوا البيت يشيلون اغراض من المطبخ لبرا وامهم تحاول توقفهم بس صاحبة البيت مكثرة الاوامر ماتدري تلحق عيالها والا اوامر المضيفة والمضيفة تضحك قالت الحرمة عادي يمكن هي ما يهمها او تستملح الاطفال
وهم على السفرة يتعشون التفت المضيفة يمين ويسار وقالت ماشاء الله على فلانة اذا جتني ماتطلع الا وهي منظفة البيت ومغسلة المواعين تقول انا وعيالي الي وسخنا بيتك
الضيفة تقول طلعت ماقدر امشي من التعب والله ماتسوى علي العزيمة
المهم وش رايكم في القصة وش رايكم في تصرف المضيفة وكيف تتعامل معها قريبتي مستقبلا هل هي طيبة ساذجة وما تعرف تتصرف والا تخفف من زيارتها لها وتخلي العلاقة رسمية
انا عارفة انها خرابيط حريم بس قريبتي محتارة واستشارتني وحيرتني معها