انا صارت لي كثييير من وحده معينه لاتصب لاقهوه ولاشاهي ولا اي شي تجيبه عليهم بالعافيه ماتحسبني فيه لو بالمجلس 30 وحده عدتني وراحت للي بعدي لو اصغر مني وبالاخير تجي لي تقول انتي تبين؟ تعز علي نفسي اقول مااشربه هذا الشاهي فعلا مااشربه لكن القهوه ممكن اخذ الفنجال يوم تحطني الاخيره عشان وحده كبيره بالسن تعزني وماابي تتضايق وكنت اسوي نفسي مااشوف ومو مهتمه لان هذا اسلوبها كانت تحاول تستفزني وتطلعني من طوري قدام الناس لكن اسيطر على نفسي وابين مطنشه وماجبت خبرها مع اني اقدرها واحترمها بس بالاخير صرت اشوفها زي اي احد مااعرفه نهائي لاتقدير ولااساءه-وبعد سنين صارت هي اللي تعمد تسولف معي وتتقرب لانها عرفت من انا مو زي ماتوري لها نفسهاوصرت عاديه معها اسولف واضحك بس بحدود مااتعمق-انتي اختي اذا تمونين اضحكي وقولي صبي والا بصب لروحي واذا ماتمونين اسكتي ولاتهتمين مابتموتين من دون قهوتها-صح تصرفها غلط كمبدأ بس هذي عقولهم الله يعافيهم ولايبلانا طنشي واتناسي لاتحطينه ببالك مايستاهل تفكرين فيه عشان ناس همها تضايقك الله يهدينا ويهدي لنا.

مره ثانية خدي قهوتك معك وقولي من تبي قهوه=هههههههههه =امزح دعابة
بس فيه ناس يتلخبطوا وهم يصبوا بس لوحصل لك مره ثانية وانت تضحكي قولي طعم القهوة مررررررره حلو وهم بيستحون بس بعدها لاتاخدي الا فنجال ادا اللي تصب قاصدة
ولا تحطي ببالك فيه ناس ماتنعطى وجه

والله انتي تعرفين الناس وش قصدهم من الحركة,,
عن نفسي فيه ناس انا متاكدة انهم ناسيني لان نفسياتهم سليمة مايغارون مني,,فما ازعل نهائي بلعكس ارحمها اقول شكل بالها مشغول مره
وفيه ناس ادري ان نفوسهم ضعيفه والحركات هذي تعني لهم الكثير ممكن يبردون نارهم وغيرتهم اذا ماصبوا لي,,فالنوعية هذي فعلا تضايقني وانقهر خصوصا اذا رايحة اسلم عليهم والحق لي,,
لكن
ابدا ما أبين
المره لاولى ممكن اصب لي وعادي جدا كلنا بشر وننسى
الثانية اجيبها بمزح اقول ابي قهوة مثلا والا ماتكفي؟؟<<ضحكة خبيثة
الثالثة اصب لنفسي او اعطي وحده تصب لي لكن احطها في بالي واسحببببببببببببببببببببب عليها
يعني ماكأنها موجودة مجرد اسلم عليها وانسى انها بالمكان
صدقيني ترتاحيييييين من ناحية وهي بعد تصير قد النملة وتفهم اني اكبر من اني اتنرفز او ارد لها حركتها ,,مافيه زي الحقران دواء لأصحاب النفوس المريضة,,

فعلا ظاهرتين غريبات عندنا ,,,
السلام والصب!!!
مادري ليه يربطونها بمشاعرهم ونفسياتهم,,
احيانا اكتشف ان البنت حاقدة علي او تغار مني من طريقة سلامها او صبها,,<<مع العلم مابينا الا الخير
طيب في خاطرك شي قوليه وارتاحي,,ارحمي نفسك هههههه
وش دخل القهوة هههههههههههه
بعض الناس عقولهم صغيرة الله لايبلانا
الحمدلله لو يكون بيني وبين اي وحده سوء تفاهم لايمكن افكر اني مااسلم عليها زين او ماأصب لها,,
لانه يدل على قلة الأصل والتربية..!!
فيه اسالب ثانية للتنفيس وحل المشاكل..

ياطول ردي طولااااه
بس حبيت افضفض لأني من جددددد ارحمهم ودي اقولها في وجيههم مو حلوة ابدا الحركة حتى لو الموقف صاير لشخص ثاني,,احس ان الناس يضحكون عليهم!!!!

والله أنا بصراحة بقولهم صبولي تراكم ماصبيتوا لي

ليش انا على راسي ريشة علشان مايصبون لي

والله مراح اشرب قهوتهم لو صبوها لي بعدين
ولا راح اجلس بيتهم دقيقه وحدة