يكمن لها ظروفها

الله يسترنا دنيا واخره ويانون النسوة ترى الدنيا قلابه وغلابه

أنا أعرف اللي عندها ظرف والي أصلا وسخه لأن النظيفه مهما كان لازم تلاقين لمسات للنظافه في نفسها وفي بيتها وعيالها أما وحده كل مارحتيلها بموعد قبل يوم أويومين والكركبه والوسخ فهذي فعلا مالهاحل ألا إذا غارت من وحده نظيفه أسألوا مجرب

طيب بقولكم اللي صار لي واحكموا
في اجازة عيد الاضحى قررنا نسافر دولة اوربية وفيه قرايب زوجي عايشين هناك من 15 سنة طبعا ترتيب حجوزات الاوةتيل كانت عن طريقهم واخترنا واحد يبعد عنهم تقريبا 150 متر مشي ،،،
وصلنا حطينا اغراضنا في الاوتيل وزوجها كثر الله خيره استقبلنا في المطار وانتظرنا نزلنا الشنط وعلى طول رحنا عندهم
يوم دخلت الله يسامحني نطامر انا وزجي عشان ماندعس الملابس والالعاب والكتب على الارض والمطبخ انا اغسل الصحون وزوجي يطبخ ايه والله ،،، وبعد مرة سحبت الكرسي حق المطبخ بجلس عشان اسوي السلطة وينتثر علي الشعر من الكرسي اثاريها تحلق عيالها في البيت بنفسها وطبعا ما تنظف الشعر بعد الحلاقة وحوافي الكرسي مليااااااانة شعر
الحمام تكرمون طبقات العفن على المغسلة وعلى البانيو والملابس الوسخة على الارض وعلى طرف البانيو والله العظيم صار معاي امسك لمدة 8 ايام بغيت اموت لاني امسك نفسي ما ادخل الحمام الا اذا رجعنا الاوتيل وفي التمشيات طبعا مستحيل استخدم حمامات عامة
اليوم التاسع اللي بكرة بنسافر جلست انا وزوجي نرتب المكتبة اللي فيها 100 سلك كهرباء طالع ولون الغبار اسوووووووووووود قد شفتوا غبار في اوربا ؟؟؟؟ بس لانها من يوم سكنت ولها 9 سنوات في الشقة ما مسحت ولا نظفت ولا رتبت والحجة ان البيت صغير والاغراض كثيرة وهي ممش موظفة وعنده ولدين 7 و6 سنوات وطقلة رضيعة 6 اشهر
وكثر الله خيره استقبلتنا احسن استقبال وزوجها ما ترك مكان الا ومشان فيه رغم مشاغله وهو طبيب جراح واكثر دوامه في الطوارئ ومناوبات ليلية يجي وعلى طول يبداء برنامج التمشيات ما قصروا معانا ابدا لكن الكمال لله
الحمدلله رجعنا من السفرة بامساك والتهاب بول من الحصر تكرمون الى الآن اتعالج منه وبالغرم من كذا انا مبسوطة حسيت اني ملكة وحسيت ان زوجي انطم وما عاد علق علي بيتي اللي الحمدلله يفتح النفس وانا موظفة دوامي 10 ساعات في اليوم وما قد احد انتقدني حتى قبل يكون عندي خادمة وبطني 5 امتار قدامي ومعرضة للولادة المبكرة في عز دين تعبي كل يومين يعزم اقاربه على الفطور واجي من الدوام واوقف في المطبخ ،، بس اذا اشتهى ينغص علي ويكرهني بوظيفتي قال نظافة بيتك متغيرة بسبب الشغالة ،،
الله يتكفل بعباده يا بنات انا قررت ما عاد اتعب نفسي ولا اجهد عمري الرجال اذا حب المرة حبها لو هي تكرمون معيشته بحضيرة
والحمدلله اننا نهتم بانفسنا وبيوتنا عشان احنا كذا وعشان تربينا على هالشئ
يارب تسامحني بس كل ما اذكر دورة المياه تجيني صدمة كاني اشوفه اول مرة ما دري كيف يطاوعها قلبها تحمم عيالها فيه
ما دري وش بالي فرطت المسبحة بس هذا موقفي ساعدتها قد ما اقدر بس والله البيت كان شئ لايوصف الله يعينها على حياتها ويساعدها يارب والحمدلله ما تكلمت بها عند احد وكله لاني اتذكر (حديث صحيح رواه مسلم عن أبي هريرة -رضي الله عنه- عن النبي – عليه الصلاة والسلام- أنه قال: (من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلما ستره الله في الدنيا والآخرة)

يعجبني الواثق من نفسه بس احيانا تجي على الوحدة الا ويكون بيتها في وسخ
حرق اعصاب خخخخخخخخخخخخخخخخخ:27: