السلام عليكم ورحمة الله وبركاته
أخواتي البارحة حطني زوجي في موقف ما ينحسد عليه...الله ستر إني ما رحت فيها الصراحة...
المهم عقب ما تعشا زوجي ورحنا الغرفة بنام....تقرب صوبي وقال لي.....
لو دار الزمن عليّ بتتخلين عني؟؟؟؟
قلت له سبحان الله من فترة وأنا أبغي أسألك هالسؤال...هل ممكن تتخلا عني؟؟؟...بس مب قادره أسألك....
فرد وقالي بإصرار أنا سألتج ردي عليّ...(الصراحة إصراره كان فيه نوع من الجدية في الموضوع)
قلت له تأكد إني مستحيل أتخلا عنك...
فقاااااااااااااااال لي....( وهنين المصيبة)
باركيلي جتني بنت
قلت له ...شوووووووو....نعمممممممممممممم....جتك بنت.....احلف...
قال والله جتني بنت...
قلت له احلف إنها مب مني....قال جتني بنت.....
عاد أنا تعالوا شوفوني لحظتها.....صابني ضيق في النفس...رعشه شديده في جسمي.....لفت الدنيا ودارت بي...تعبت...
قلت له لا تلعب بأعصابي...قولي الصدق....من وين يبتها...بالحلال وإلا بالحرام....على الأقل خلني اتحمل المصيبه اللي طاحت على راسي....
قال هذا بدال ما تباركيلي تقولين لي مصيبة.....
قلت له على شو أبارك لك....على إنك تعرس علي...وتقولي أبارك لك...
أعصابي إنهااااااااارت...وانربط لساني..(ودار في بالي... بعد كل اللي سويته على شانه...بعد صبري عليه...بعد كل الأيام المره اللي عشتها معاه....وصبرت عليها لين الله فرجها عليّ...ألحين يوم حسيت إني بديت استقر في حياتي في بعض الأمور..وصبري على أمور مازال يسويها...يجازيني بهالمصيبة...اللهم اجرني في مصيبتي واخلف لي خيراً منها)
بعد شوي...........إلا واشوفه يضحك...............بكل بروووود يضحك....
قمت عنه وعطيته ظهري وأنا أبكي.....
قال اسوي سوالف عليج.........
نعم سوالف....هالأمور ما فيها ضحك وسوالف...............
قال يعني حرام اسولف وياج......
قلت له افرض استوى علي شي....مت من الصدمه...بتقول سوالف....
قلت له والله انها مب سوالف....رد علي والله إني أسولف وكنت اقصد بنتي الصغيرة هي اللي جتني....
قلت له هالأمور ما فيها سوالف....وبعدين أنا كنت شااااااااكه ( كنت احس إنه بيتزوج عليّ)
قال كنت احسب إنج تحبيني.....( شوفوا الأنانية)...واتقولي لي إنج كنتي شاكه...في شو شاكه....( ما قلت له في شو)
قلت له كنت تحسب إني أحبك...وردت فعلي هذي ما بينت حبي لك؟؟؟؟ يعني على شان أحبك لازم عليّ اقبل بزواجك عليّ ...بعد كل اللي مريت به وياك....
قال لي
وزعلت عليه....لكني ما قدرت أنام ليلتها.....وهو طبعاً راح في سابع نومه....
قمت وصليت وأنا أصيح..وادعي ربي إن السالفة صدق تكون مزحه...زوجي الله يسامحه حطني في دوامه ونام...
هالموقف جاء في وقت كنت قبله الشك والوسواس ما لي عقلي....كنت من فتره أحس إنه بيتزوج عليّ...خصوصاً إنه لمح لي بإنهم حللوا زواج المسيار....وبالنسبة لزوجي هالنوع من الزواج جداً مناسب لإمكانياته...
كنت في حاله تعبانه واااايد.....وما صدقت إني أتخلص منها....لكنه بالموقف اللي سواه لي البارحه...رد وفتح عليّ هالباب مره ثانية....خصوصاً إنها في بدايه كلامه قالي....وبكل جديه...( لو دار الزمان عليّ بتتخلين عني؟؟؟)..( ما بيقول هالكلام إلا إذا في شي في داخله مخبنه عليّ)...كأنه يبغي يشوف ردت فعلي في الشي كيف بتكون...هل بتقبل الأمر وساعتها يخبرني بالصدق...أو إني أعارض وأزعل..وساعتها يدعي إنها سوالف وضحك...ويخليني على عمايه
ما أعرف شو أقولكم...لكنه موقف لا أحسد عليه...
حاولت إني أزعل عليه وما أكلمه على شان يحرم يسولف علي بهالطريقة القوية...
لكني هالشي بيزيد المشاكل بيني وبينه....وأنا الصراحة وحده تعقدت من المشاكل....وعديت السالفة له
بس أخاف يسويها...ويتزوج عليّ...
الله يسامحه دخل الوسواس في راسي...
ادعوا لي أخواتي إن الله ما يجعله حظ مع النساء غيري يا رب...ويغض بصره عنهن ويجعل بينه وبينهن غشاوه يا رب
يلزم عليك تسجيل الدخول أولًا لكتابة تعليق.
بداوه
•
حبيبتي
اتوقع انه يسولف وانتي خذتي السالفه واااااااااايد جد ....لانه لو صدق معرس ما كان هو اللي بيخبرج كنتي بتعرفين عن طريق اي حد غيره ..... واتعوذي من البليس .....
وابدا لا تخلين الشك يلعب بينكم .....لانه المدمر العووووووود بين العلاقه الزوجيه ......(( اعوذ بالله من الشك لما يدخل ما بين الزوجين )) .......
الله يهديج ويريح بالج ..........
اتوقع انه يسولف وانتي خذتي السالفه واااااااااايد جد ....لانه لو صدق معرس ما كان هو اللي بيخبرج كنتي بتعرفين عن طريق اي حد غيره ..... واتعوذي من البليس .....
وابدا لا تخلين الشك يلعب بينكم .....لانه المدمر العووووووود بين العلاقه الزوجيه ......(( اعوذ بالله من الشك لما يدخل ما بين الزوجين )) .......
الله يهديج ويريح بالج ..........
اختي لا تخلين الشك يدمر حياتك واذا تبغين الصراحة كثير حريم يشتكون ثقل ودفاشة ازواجهم بالمزح
بس خلاص يتعودون عليهم بعد شيسووون بس اهم شي لا تخلين المزح يتحول للشك مهما كان لنك كذا انتي اللي بتخسرين حياتك وبتدمرين نفسيتك بس اكثر شي يقهرني لما تصير مشكلة بين الزوجين ويكون الزوج المخطئ وبكل بساطة يروح ينام ولا كأن مهتم والزوجة المسكينة تسهر الليل ومخدتها تسبح بدموعها ولا حد حولها
آآآآآآآآآآآآآخ بس مدري اشلون يجيهم النوم وطبعا هذي مشكلة اغلب الحريم على ما اظن
بس خلاص يتعودون عليهم بعد شيسووون بس اهم شي لا تخلين المزح يتحول للشك مهما كان لنك كذا انتي اللي بتخسرين حياتك وبتدمرين نفسيتك بس اكثر شي يقهرني لما تصير مشكلة بين الزوجين ويكون الزوج المخطئ وبكل بساطة يروح ينام ولا كأن مهتم والزوجة المسكينة تسهر الليل ومخدتها تسبح بدموعها ولا حد حولها
آآآآآآآآآآآآآخ بس مدري اشلون يجيهم النوم وطبعا هذي مشكلة اغلب الحريم على ما اظن
الصفحة الأخيرة
بصراحه انا بقولج انا زوجي واها معاي مره بس قالي انه متزوج وحده ثانيه لأنه نحن تونا امكملين سنه من عرسنا
وانا مرات كنت اشك فيه يووم اشوفه يتكلم تلفوون ويووم ادخل عليه ايغير الموضوع
بس بعدين تم يضحك ونفس موقف زوجج بالضبط وطلعت السالفه كلها مزح
وهو بعد في البدايه سألني قالي اذا انا تزوجت وحده ثانيه بتزعلين ؟؟ او بتهديني وبتروحين بيت ابووج ويوووم قلت له ما بروح بيت ابوي بقعد في بيتي قالي تراني متزوج وحده ثانيه ولا فلبينيه بعد
عصبت وزعلت ويوووم شافني بصيح قالي انه يمزح ومرات اتي هالفكره ببالي واشك فيها بس اتعوذ من الشيطان :) وانتي كل ما اتيج الفكره اتعوذي من الشيطان يقعد ايوسوس لج واتصير المشاكل بين الزوجين