لو زوجك جا وقالك معزوم فرح في مصر وحيروحه

مشاكلال االسلام عليكم
انا اكتب في المنتدى بس تقريبا ما عمري كتبت موضوع عن مشكلتي الزوجية دائما اكتب عن اولادي اسئلة واستفسارات ونقاشات يمكن لاني ما اشوف نفسي متزوجة حق وحقيقي زي باقي البنات
او يمكن خوفا لا اقول مشكلتي وبعدين الشي دا ينعكس عليا او في يوم من الايام وحدة تجي تعايرني بمشكلتي المهم
بأكتبلكم وودموعي بتنهمر بدون مبالغة
اتزوجت من ولد عمتي وهوا اول واحد دق بابنا و وافقت على طول هروبا من مشاكل بيتنا
ومن ايام الملكة ما اتفقنا ويمكن ماحب يطلق وقتها عشان القرابة وما كنا مبسوطين وقتها واتزوجنا وقاليانه كان حق بنات وعلاقات جنسية وسهرات مختلطة ورقص وكله دا ولسه احنا عرسان وعاد اتخيلو وحدة زوجها يقولها عن ماضيه هوا ماقال للتباهي انا اقنعته يقول وهوا لو التزم ولا شي لو قلت تاب اما نفس الشب مايصلي لين دحين سبعة سنين زواج
المهم الرجال دا اللي المفروض انا اكون بنت خاله يعني من لحمه ودمه
من اول شهر ايش من اول شهر من رابع يوم زواج بدأت المشاكل الرجال رسمي رسمي باين ما يبغاني وموبعيدة انه مو طايقني لانه حاس انه علق معايا ولو كنت وحدة مو قريبته لو انفصلنا بس يمكن خوف من توتر العلاقات بين العيلتين
من رابع يوم زواج واول خروج لنا رحنا زورنا بيتهم وبعدين بيتنا
ّولما خلصنا راجعين للفندق سألني ايش تبغي عشا وعشان عارفة انه على قد حاله وياما امي قالتلي لو ما جاب لا تطلبي يعني قدري وضعه وعرسان اتخيلو اطلب حاجة ويروح ينحرج ماعنده حقها قلت اي شي هوا يقول ايش تبغى انا اقول والله عادي اي شي مافي شي محدد
المهم نزل بقالة وجاب نواشف ورجعنا الفندق معصب وزعلان وقام نام في الصالة بدون عشا ولا شي
وانا من الغرفة ارسله رسايل اعتذار ومعليش ومارضى
ومن تاني يوم الصباح قالي يالله جهزي هوا مسافر المدينة الي فيها عمله والي فيها حنسكن
وقالي انتي في تبغيني اوديكي بيت اهلك ولا بيت اهله هوا
فكرت قلت لو دحين بنت من اول اسبوع زوجها رجعها بيت اهلها يقولو اكيد شاف عليها شي وكدا يجبلي الكلام قلت وديني بيت اهلك بيت عمتي اخت ابويا وهوا ما اتوقع اقول كدا
شوية دخل الغرفة وطلع قال امي تقول اوديكي بيت اهلم وهوا كداب ما اتصل ولا شيوبدأت اجهز اغراضب
وطلعنا من الفندق وداني السوق قالي انزلي خدي فستان لانه فرح بنت عمه كان بعد فرحنا بأسبوع
قلت انت مسافر دحين وانا كنت راح احضر الفرح عشانك انت انت لو ما راح تحضر ليش اروح انا عروسة ايش الي يخليها تروح فرح بنت عم زوجها بعد اسبوع لو زوجها اصلا مو رايح
لاحظو هنا كنت اناقشه وارد
قام زعل وقال لو كدا بدايتها ماراح نكمل مع بعض وديه الكلمة والتهديد صرت اسمعه على طول اتخيلو شعور عدم الامان لما وحدة تعرف انه زوجها ممكن لابسط الامور يطلقها
وما وداني بيت اهلي قام وداني غرفة مفروشة كحيانة وصخة ام مطبخ مشترك الي تجي ب50اربعين ريال الليله يعني حاجة مرة مرة مهينه ولساتي عروسة من 5يوم
شوية طلع وامي تتصل عليا اتريه راح كلم امه واشتكاني وامه كلمت امي
وامي اتصلت ياحيوانة يا مدري ايش فضحتينا طفشتي الرجال ومن الكلام دا وانا بس ابكي وابكي جا شافني بأبكي ولا قالي شي
ديه او مشكلة تصير بيننا
تاني مشكلة برضو لساتنا ما كملنا الشهر ولا سافرنا ولا شي وعلى طول في البيت وما بيخرج يعني مافي فرصة انظف وهوا موجود ومرة سابني المغرب وقال يبغى ينام ولين راح انا سألتو متى اصحيك قالي بعد ساعتين يعني لو شغلة مهمة لو قال ضروري صحيني لا هنا انا سألتو وماقال عنده شي
المهم استغل الشغلة ورحت دخلت المطبخ وطلعت الي في التلاجة كلها وتنطيف بالكلوركس والبوتوجاز وكل شي تنظيف عميق فرصة لانه ما بيخرج ولا شي وخلصت واتحممت وما خلصت الا عالساعة وحدة رحت صحيته صحي مبوز وما اتكلم كلمة وحدة عرفت انه زعلان انا احسبه زعلان عشان المطاعم قفلت ودحين من فين ننجيب عشا
بعدين يقول انا روحت عليه مشوار مهم وكان مواعد رجال ومن الكلام دا
طيب مواعد قولي صحيني الساعة الفلانية لانه عندي موعد
انا احسب ما وراه شي وما حبيت اصحيه وانا لسه ما خلصت ويشوفني عروسة وملكلكة بالكلوركس وحالني حالة المهم عشان الشي دا والله قعدنا شهر ما يكلمني زعلان مني شهر كامل
ومرة طلقني بعد شهرين يمكن ولا تلاتة من بعد الزواج
لانه البيت فاضي مافيه مقاضي وانا كنت لسه توي حامل
جا من شغله معصب ليش ما تقوليلي اجيب قلتله يعني دحين انت ما تدري انه مافي شي في المطبخ
قال الا ادري بس ابغاكي تتكلمي تقولي وانا كله من كلام امي ونصايحها لو الرجال ما جاب لا تطلبي عشان ظروفه
قام طلقني ونزلني مدينة اهلي ورجعني بعد اسبوع واكيد مارجعني الا من ضغط العيلة والقرابة
المهم اتوالت المشاكل والشكوك وعدم الثقة والامان
وبعدين قرر عني انه اقدم بعثة يبغى يستغلني كان يحسب انه راح يقدر يجلسني في البيت ويكمل هوا وشافرالقوانين ما تسمح قام رجعنا بعد تلاتة شهور
مافي مصروف لبس مافيه زي الناس طلعات روحات مافيه
فقط خوف وقلق لانه من النوع المسيطر المتحكم ويعرف نوعية اهلي يعني لو عرف انه ما راح ارضى على نفسي لو احترمني بس عارف ومتأكد ايش ما سووا وفعل ما اقدر اسوي شي
غير انه يحسسني انه مستواه الفكري اعلى من مستواي مع انه شهادته ثانوية صناعية
وقبل لا نسافر بعثة قالي بعدين انه كانوفي جلسة فيها بنات هنا في السعودية وبرضو ما اتكلمت
لانه مرة عرفت انه يكلم وحدة ورحت اتصلت علئ نفس الرقم والبنت راحت قالتلو زوجتك اتصلت اتصل معصب وهوا في الطريق ويسبسب وجا وكنت خايفة منه ومن ردة فعله
جالس في الصالة وانا في الغرفة بأعشي ولدي كان عمره ستة شهور يعني بعد اقل من سنة ونص زواج بعدين جا معصب ومسكني من وجهي ليش اتصلتي ليش ليش واعطاني كف
وانا رحت وقلت اسفة وحق عليا والله يهنيكم ومن الكلام الفاضي دا
وانا وديني بيت اهلي شوف هنا كمان كنت بآخد ردات فعلت وباتصرف ماكنت اسكت
بعدين قال طيب وراح ركبني انا والولد النقل الجماعي واعطاني 50ريال
في الليل
وقعدت شهرين في بيت اهلي وبعد الشهرين اتصل قال راح اجي اخدكم قلت كدا ولا كأنك مسوي شي
قال والله يا فلانه لو ما تبغي تجي بكيفك خليكي في بيت اهلكّ
قلت الا اجي واكون خدامة ليك ومن الكلام دا
نسيت اقولكم مرة جاني معصب وقال البس العباية نروح ننزل البيبي
قلتله لو ما تبغاني طلقني بس مو تجبرني انزل الولد وجالس يقول ايوة عشان بعدين الولد يطلع .....لو ربيته انا لحالي
انا عارفة ومتأكدة انه المستشفيات ما يسوو اجهاض انا خفت يودني احياء شعبية ولا اماكن يسوو فيها الشغلات ديه والله بالقوة اخدني
ورحنا المستشفى قالو ما نسوي
ورجعنا البيت انا صرت انام خايفة لا يجي يضربني على بطني عشان اجهض استنيت لين ما نام دقيت على اختي اللي اصغر مني وكلمتها قولت ايش اسوي دحين اطلع النقل الجماعي وانزلكم اخاف يروح يسوويلي شي قالت استني اكلم بابا المهم ناسية يمكن نزلني هوا
وخلاص عدت السنين ولدي صار ماشاء الله ستة سنين
ووجبت غيره
اعرف حتجي اللي تقول علاقتك بزوجك كدا ليش خلفتو كمان
دحين صرت ابدا ابدا ما اناقشه ولا اقوله لا مصروف ولا ملابس من عيد لعيد
ومقتدر وراتبه يوصل ال15ماشاءالله
ولما اخدته راتبه 3او 4 والمفروض دحين يعوضني عن سنين الحرمان والفقر
مافي ياخد الراتب يطلع 600 او 800للمطبخ وبعدين ما اشوف شي ما ادري فين بقية الراتب يروح
وشقة ب16كل ستة شهور ندفع 8مقدم
ودحين شقتي غرفتين بس
غرفة مخليها مخزن لانه اغراض امطبخ كتير
وجينا الشقة ديه مطبخها راكب جهة وحدة بس يعني ما تاخد اغراض وصحون المطبخ كلها
وانا مين عشان يسويلي دولاب للمطبخ عادي خلي الاغراض في كراتينها
ننام عالارض على مراتب مقطعة مشققة انا وهوا وعياله
اخوه كان ساكن في المدينة اللي احنا فيها قام نقل اخوه اخد الموكيت الوصخان حق اخوه وسلفتي
حطه في شقتنا
اول مرة اشوف موكيت مستعمل
اعرف مفرشة ممكن لو نظيفة واصلية
اما موكيت اندعس لين ما لونه اتغير تشيلو تحطي في شقتي لديه الدرجه مرخصني انا بنت خالك