لو زوجك قالك خطبناك بالغلط أدخلووووو

الأسرة والمجتمع

السلام عليكم ورحمة الله وبركاته

أخواتي العزيزات يعلم الله إني عادتكم مثل أخواتي وأكثر عشان كذا بقولكم مشكلتي وأبغى منكم المشوره

البارحه أنا وزوجي سوالف و إلا يغلط ويقول أصلا أهلي غلطو يوم جو يخطبوك وكانو يبغون أختك



طبعا أنا :angry: تحطمت صار لي أربع سنوات وعندي بنت وحامل هو قالها وما توقع ردة فعلي أصلا كان على أول ما تزوجت



أهله يلمحون بسالفه زي هذي ولكن أنا كنت أطنش بمزاجي بس هو كان في أوقات يتعمد يجيب سالفتها وفي أوقات
خاصه جدا وكان أوقات يعتذر وأوقات أسوي عمري إني ما سمعت شي



بس البارحه ما أدري ويش اللي صار هو قالها من غير ما يقصد وكان الموضوع بنظره مزحه لكن أنا ماتحملت أكثر وأنفجرت فيه زي البركان <<<<<<<<<<




المهم هو جلس يقولي خلاص لا تسوينها سالفه أنا أنسدحت بعدها لين نمت

ماخلص الموضوع على كذا لا أعزمتني صديقت سلفتي وأنا قلت لهم خلاص لأنه ما يرفض وهو بيروح الدوام يعني بيودينا أخوه وأنا أعطيته خبر قبل ثلاثة أيام وما قال شي والبارح أتصلت أمي تقولي بكره زواج بنت جيرانا وأبيك تحظري معانا

قلت أنا بشوف وأرد لك خبر قبل لا أنام قلت له طيب باأروح مع سلفتي قال لا قلت يمكن بعد ما يصحى يغير كلامه لأنه هو اللي غلط علي بسالفة أختي وقلت بأمشيها صح عصبت شوي بس بالنهايه قفلت الموضوع وقلت له كلمه وحده ونمت (للأسف )


واليوم صحيت قبله وقلت أجهز نفسي على أساس يوديني وهو رايح الدوام لبيت أهلي عشان أروح العرس مع أمي لأنه مايرجع من الدوام إلا بكره المهم شاف أغراضي عند الباب وراح يلبس ملابسه وجيته وقلت له بأروح عند أهلي عشان العرس قال لي ماني موصلك وأقعدي في بيتك قلت له العزيمه ورفضت أروح وأهلي بتمنعني منهم وبتخليني لحالي في البيت قال لا تطولين الكلام قلت له كيفك بتتحكم فيني زي ماتبغى وطلعت من الغرفه ورحت الغرفه الثانيه وراح الدوام وخلاني بالبيت



بالله انسان زي هذا كيف أتصرف معاه يعني وويش أقول لأهل العزيمه وويش أقول لسلفتي وبأي حجه أعتذر وأنا قايله اني باروح قلت ممكن اذا رحت العرس أعتذر بالعرس لكنه راح ولا فكر فيني
تصدقون ما نفسي اشوفه بكره إذا رجع من الدوام فشلني من أهلي ومن الناس لا تقولو أنتي مكبره السالفه بصراحه لو زوجك اللي مسوي فيك كذا راح الدوام وحشرك في البيت وكان ممكن يونسك وهو في دوامه ويرجع لك بكل حب

بس خساره أنتظر ردودكم الواعيه :(
72
7K

يلزم عليك تسجيل الدخول أولًا لكتابة تعليق.

تسجيل دخول

لولو2009
لولو2009
بالنسبه للعزيمه قولي لهم انك تعبانه شوي
وخلاص اصلن هم راح يتفهمون
وبالنسبه لزوجك اصبري ولا تتكلمون بهالمواضيع ثانيه
تجنبيها والزمي الاستغفار والله يعينك ويصبرك
قلبfars
قلبfars
صح قولي لهم انك تعبانه
وعاد انتي غير الصوت

واهلك عادي قولي زوجي مارضي ولا راحت علي نومه يوم صحيت لقيته راح الدوام ولا يقدر يرجع لي

واهم شي اذا جاء زوجك لاتكلمينه و سوي نفسك برئيه و مكسوره الخاطر
dorat aseer
dorat aseer
الله يسخره لك ويجملك ويزينك ويحليك في عيونه ويرزقه القناعة فيك
والله ماحبيت اخرج وماارفع موضوعك ولو انها قاهرتني سالفتك وحاسه فيك واللله بس ماعندي حل الا الاستغفار وربك يحلها اكثري من الاستغفار خليه دايم على لسانك راح تشوفين كل شي تبغينه يتحقق لك وهذا عن تجربه
مدري وش احس
مدري وش احس
اتعذري بأي سبب بس خليه قوووووووووووي
ام ايزو
ام ايزو
الله يفرج همك ويسخر لك زوجك

اعتذري بالمرض وانك تعبانه شوي

الله يهديهم الرجال كذا احيانا يحبون يتحكمون لكن كبريها وتكبر وصغريها وتصغر

طنشيه ولا تفتحين سالفة العزومه والزواج واذا رجع لاتبينن انك كنتي طفشانه بالعكس كأنك انبسطتي لوحدكّّّّّّ عشان ماياخذها عاده ويصير

يحبسك بالبيت اذا زعل معاك وموضوع اختك هو غلطان ومليون غلطان لكن لاتخلينه يستفزك بهذا الكلام لو كنتي مااعجبتيه ماكان

تزوجك والله يسخره لك ويصلح بينكم