لو زوجك مثل زوجي ايش راح تسوي

ماعرف كيف ابتدي بس احس نفسيتي مرة عدم الصدق مو من زوجي بشكل خاص بس من كل شي حولي

يمكن عشان تعبت من كل الظروف اللي بتمر حولي

امي مريضة وطول اليوم تبكي وتتالم وانا مو قادرة اسويلها شي غير اني اقرا قران واخفف عنها

طول الاسبوع وانا محبوسة بالبيت انا واولادي ماطلع الا بس اذا يبون شي للمدرسةوارجع البيت

زوجي ميجلس معانا بعد رجوعه من الدوام واكيد هذا حال اكثر الحريم ادري مو هنا المشكلة انا تعودت على كذا

المشكلة ان زوجي له صديق قديم اعزب مو متزوج بعمر زوجي صديق زوجي هذا مرابط عندنا يوميا المصيبة انه عندي الشبابي المطلة على الحوش تبين يعني اللي يجلس برة يشوف الللي جوا بوضوح

صديق زوجي يجي على غفلة ويجلس بالحوش يمكن 3 مرات او 4 كلمت زوجي قلتله عيب ميصير كدة يجي ويخل البيت على غفلة يتحجج يقول انه قلتله بس نسيت :o



والله حارق دمي تجاهله لنا ميفكر يطلعنا او يمشينا هو حاط لي سواق خاص بس بعد السواق لتقضيت احتياجات البيت بس المفروض اذا نبي نتمشى نطلع مع ابو العيال صح ولالا


السبت للاربعاء مع صديقة يجي ويخرجو ويتمشو ويسهرو مع بقية الشلة يوم الاربعاء اسبوعيا والله مابالغ

الخميس يطلع مع صاحبه من الصبح 8 او 7 ويرد المغرب يقول تعبان بنام

الجمعة اخوانه واهله وبس يجو عندي هم ميفكرو يعزمونا وهو الي يقولهم تعالو عشان ميطلعنا واذا اعترضت اكلت على راسي تهزيء وطبعا بيتي كبير دورين ومعندي شغالة الاخت هاربة من سنة ومالقيت ولا وحدة للان وانا انذبحت من شغل البيت او نطلع معاه بس لازم اخوه وزوجته معانا يطلعون يعني ممنوع نخرج لحالنا

واذا تكلمت يقول انتي تبغي تحرميني من اخواني انتي وانتي طول الاسبوع مع اهلك
ماختلفنا اخوانك على العين والراس وعلى سلامتهم مابيني وبينهم شي بس والله اني ماعزم اهلي بيت اهلي جنب بيتي على طول انا طول اليوم جالسة لوحدي طبيعي اروح اجلس معهم اذا اهو معطيني طناش

اليوم انحرقت واله وجلست ابكي من الطفش زهقانة خصوصا انه في كل خرجة يقول لاخوه وتصورواوقات اخوه زوجته تكون معزومة او مالها نفس تخرج يجي لحاله هو وعياله وانا اجلس بين الاخوين يعني مرة مالها داعي والله اني انحرج واقوله عيب والله ميصير انت متقبلها على اخواتك

طولتها عليكم لكن من طفشي والله

الخلاصة ايش رايكم لاتقولون كلميه لانه ميسمع مني ابد ولايعطيني وجه

الظاهر اني هطنشه واخرج وادخل وامشي اولادي لو مع السواق ليش اضيع عمري بقهر ونكد وهو ولا على باله ولاحس والدنيا يكلها عادي عنده