السلام عليكم
انا بدخل لكم بالموضوع على طوووووول
انا زوجي الحمد لله مو ناقصه شي من ناحيه الفلوس ربي منعم عليه لاديون ولا احد يطالبه ولاشي والراتب يكفي وساعات يزيد وعنده رصيد في بنك ثاني
السالفه ومافيها اننا لما نطلع نتمشى مثلا في السياره واطلب انا ايس كريم او ساعات اطلب قهوه كابتشينوا او موكا حاره مايطلب معاي اقول له ليه ماتبي تشتري لك يقول مابي ولما نطلب كلنا اللي بالسياره ايس كريم يقول للعيال اللي مايبي حقه يعطيني اياه وانا اقول له ليه ماتشتري لك معنا دام انك مشتهي الشي لاتاخذ من عيالك يمكن بتقولون لي زوجك مايحب الحلويات والحلى عشان كذا مايطلب معاكم طيب ومن ناحيه الاكل لما نروح مثلا ماكدونالدز نطلب انا وعيالي ماياخذ له وجبه معانا مع الرغم ساعات اعرف انه جوعان مره تدرون وش يسوي ياكل البطاطس اللي من وجبات عياله يصبر نفسه فيه لين يروح البيت وياكل جبن وبيض بتقولون مايحب اكل المطاعم لا يحبه انا اعرف زوجي زيييييييييييين بس مادري ليه هو مايمتع عمره وحارم روحه اقرب شي من يومين رحنا انا والعيال مطعم كنتاكي عشان نتغدا وجلست انا معاه في طاوله وعيالي الاثنين في طاوله ثانيه وطلبنا كلنا توقعت انه بيطلب له ويوم جا الاكل بس لقيت طلبي قلت له وين طلبك قال انا ماطلبت وتخيلوا جلس يتفرج علي وانا اكل وجلس ياكل معاي بطاطس حق الوجبه وانا منحرجه منه ماحب احد يطالع فيني وانا ااكل لحالي ويوم خلصت قالي ليه ماكلتي اكلك وجلس ياكل بقيه الاكل حقي انا قلت في نفسي يعني لو هو ماهو جوعان ليه ياكل بقيه الاكل اللي مابقى منه شي مثل القطاوه اللي يلحسون العظام استغفر الله بس والله ياخوفي يفشلني قدام الناس من هالتصرفات البايخه لا وماقلت لكم في الدوام ساعات اسأله اقوله وش افطرت اليوم يقولي والله واحد عزمني على الفطور واجبرني اكل معه قلت اكيد شافك ماطلبت وراح طلب لك قال يمكن وثاني يوم اسأله اقوله وش افطرت يقولي مافطرت شي اقول له ليه ماحد عزمك اليوم على الفطور والا ايش بصراحه مدري هو ليه يتصرف كذا مع الرغم ان زوجي مو فقير وعنده فلوووووووووس كثيره بس مدري ليه يحرم روحه من هالاشياء لو زوجك يتصرف معاك كذا وش بتسويين لاتقولين لي اطلبي له انتي وادفعي له لالا انا مابيه يتعود علي وعلى الناس تتوقعون كيف اخليه يغير تصرفه البايخ
دلعي برستيجي @dlaay_brstygy
عضوة نشيطة
يلزم عليك تسجيل الدخول أولًا لكتابة تعليق.
حبيبي أنت
•
لااله الا انت سبحانك اني كنت من الظالمين
وعليكم السلام والرحمه....
اسمحي لي شر البلية مايضحك ( والله غصبن عني)
بس المره الجايه اذا طلعتوا خذيلك طاوله معاه وعيالك طاوله ثانيه
واذا جات الوجبات وهو ماطلب ...قوليله اجل دامك مو جوعان خلك هنا وانا ابروح لم عيالي اكل واذا خلصت جيتك
واتوقع بعد كذا مره راج يتعدل ان شاء الله
الله يسخر لك زوجك ويهديه....
والله يسخر ازواجنا لنا ويهديهدم يارب ياكريم
اسمحي لي شر البلية مايضحك ( والله غصبن عني)
بس المره الجايه اذا طلعتوا خذيلك طاوله معاه وعيالك طاوله ثانيه
واذا جات الوجبات وهو ماطلب ...قوليله اجل دامك مو جوعان خلك هنا وانا ابروح لم عيالي اكل واذا خلصت جيتك
واتوقع بعد كذا مره راج يتعدل ان شاء الله
الله يسخر لك زوجك ويهديه....
والله يسخر ازواجنا لنا ويهديهدم يارب ياكريم
والله غريب تصرفه اللي نعرفه العكس يطلب لنفسه ويخلي اللي حوله
ماأقول غير الله يتتم لكم ويرزقكم ويفتح على قلبه ويسخره لكم
ماأقول غير الله يتتم لكم ويرزقكم ويفتح على قلبه ويسخره لكم
وعليكم السلام والرحمه.... اسمحي لي شر البلية مايضحك ( والله غصبن عني) بس المره الجايه اذا طلعتوا خذيلك طاوله معاه وعيالك طاوله ثانيه واذا جات الوجبات وهو ماطلب ...قوليله اجل دامك مو جوعان خلك هنا وانا ابروح لم عيالي اكل واذا خلصت جيتك واتوقع بعد كذا مره راج يتعدل ان شاء الله الله يسخر لك زوجك ويهديه.... والله يسخر ازواجنا لنا ويهديهدم يارب ياكريموعليكم السلام والرحمه.... اسمحي لي شر البلية مايضحك ( والله غصبن عني) بس المره الجايه اذا...
ههههههه الله يسعدك من جد رايك عين العقل
الصفحة الأخيرة