لو سمحتوا ابي طريقه الجريش بس الجريش التركي ؟؟؟؟؟ ساعدوني

HsOoOos :

إلا أنا بعطيك الطريقه أبشري بسعدك وأتشرف وهذي طريقة الوالده الله يحفظها،، اول شي تغسلين كاسين جريش وكاس رز بعدين تحطين عليه اللبن <نصيحه جربي حليب البعارين أحسن طعم> ويصير على نار هاديه،، بعدين تصلحين لحم <نصيحه لاتحطين بهارات كثيره باللحم >وخلي الماء كثير وإذا استوى اللحم تصفين مرقته وحاولي تشيلين الدهن عنه <تعرفين حنا صحيين:)> ثم تصبينه عالجريش عاد حاولي انك تقدرين وش كثر يبغى من المرق بحيث مايصير سايل مره لأني ماأعرف بالضبط وش كثر<ايه صح نسيت ماأقولك انتبهي لايصير الجريش يطبخ واللبن باقي عليه شوي وينشف لازم تحطين المرق قبل مايجف>،، بعدين احمسي تقريبا أربع بصلات متوسطات <خلي منها شوي>وحطيها عالجريش وحركيه ثم تذوقين كم يحتاج من الملح والماجي وتحطين وبالأخير قبل ماتطفين عنه بربع ساعه تحطين فوقه ملعقتين كمون وتحركين فيه واذا حطيتيه بصحون الباقي من البصل حطي عليه شوي من البهارات حقة الكشنه الي عادة تحطينها للرز وحطيها فوقه وبس بالهناء والعافيه:27:.. وأقل شي لطبخ الجريش 6ساعات يعني كانك بتصلحينه غدا بعد صلاة الفجر ،، نصيحه جربي الطريقه هذي ماراح تخسرين.. وأخيرا لقيت عندي صوره لجريش أمي وهو توه عالنار :icon28:

إلا أنا بعطيك الطريقه أبشري بسعدك وأتشرف وهذي طريقة الوالده الله يحفظها،، اول شي تغسلين كاسين...