الصراحة الأخت أم لندا كفت ووفت.....

بس بضيف: اسطنبول فيها أربع أماكن سياحية حذال بعض....

1- متحف توبكابي...متحف آثار اسلامية ( فيها مطابخ السلاطين وكنوزهم) يعني لازم تذكرتين, وفيه متحف لغرف حريم السلطان, بس الدليل السياحي قال مافي داعي تقطعون له تذكرة , لأن كل الأثاث اللي فيه نقلوه قصر ثاني, يعني الغرف فاضية.

2- مسجد آيه صوفيا...هو كان كنيسة قبل, يعني يوم بتدخلينه, بتشوفين اسم الجلالة واسم النبي محمد- صلى الله عليه وسلم- والصحابة الكرام,ومحراب وفوقه صورة لمريم العذراء.

3- مسجد السلطان عبد الحميد( وهو للصلاة فقط), وجدامه أولاد يبيعون لعبة الزبوت اذا تعرفينها( سعرها=مليون ليرة)

4- بركة تحت الأرض ما يعرفون مصدر المياه اللي فيها...بس انتبهي...ترى تسكر خمس ونص العصر.

:27: :27: :27:

في محل وانتي رايحة بورصة اسمه أوزديليك, محل بضائع متنوعة, هذا المحل بعد ما تحاسبين اطلبي منه ورقة الأعفاء من الضرائب tax freeويوم تروحين المطار,يردون لج قيمة الضريبة اللي دفعتيها, هي مب وايد, انا اشتريت ب100دولار وردولي 33 درهم.



الملاحظ في تركيا انه صايرة وايد غالية , مقارنة بقبل....وترى يلوة ما فيها مولات...محلات ثياب عادية , بس الأسعار ضو, وتحسين القطعة ما تستاهل, يعني تلاقين بلوزة ب 150 درهم, وانتي ممكن تحصلين في مولات الامارات بلوزة أحلى وأرقى منها بنص السعر,,, سيري وشوفي.

ومب بس الثياب والشنط, حتى المطاعم غالية.....


ومطعم المطار ترى وايد غالي السندويشة ب27درهم وعلبة البيبسي ب13 درهم!!!



للحديث بقية بس ألاقي الورقة اللي كنت كاتبة فيها يومياتي

ايوه فعلا صارت غاليه بس مافية حلاوة من غير نار وهي ارخص الدول مقارنتا باوروبا واغلى لو قارناها بمصر وسوريا المهم انك تروحي وتنبسطي

طوق البنفسج
مشكوره اختي واايد على المعلوماات ويزاج الله الف خير... :)
احيد يوم سرنا قبل كاااانت وااايد رخيصه بس انا بعد سمعت انه الاسعار تغيرت...
على العموم يسلموووووو


دانه وسط دانه
هلا الغاليه... ماشاء الله الخوااات ماقصروا كل وحده تساااعد شوفي الموقع بعد بيساعدج اكثر :27:


dantaeel
صدقتي اختي... العالم كله استوى نار...
لمهم ان شاء الله نروح ونستاانس... :)

مشكورييييين وااايد يا حبايبي والي تبى اي شي من هناك فالها طيب :39:

يعني رايكم تركيا غاليه