لو سمحتو بنات المنتدى الله يجزاكم الجنه .ارجوكم اقرؤا موضوعي؟

المشكله هي لرفيقة دربي وانا طرحتها قبل كدا .
وسوف اعيد مشكلتها .رفيقتي متزوجه ولها اولاد والحمد لله وسعيده مع زوجها
واولادها بس المشكله انها لاحظت على زوجها حركات غريبه.. مره من المرات كانت
تلعب بجواله وهي من النوع التي لاتخبي على زوجها شي وصريحه معه لاحظته رساله غريبه له من رقم غريب رساله مااقدر اكتبها وهو بطبعه يخزن ارقام مع الاسم اما هدا الرقم مو مخزن .قالت في نفسها يمكن الرساله بالغلط وطنشت الموضوع, وكمان هو من النوع
الي يفتح جوالها وماتقول له شي .وفي يوم من الايام اخدت جواله وفتحته وياريت ما فتحته لقيت الرقم هو الاول نفسه وهو الدي متصل كم مره .لدرجته انها بغت تروح فيها وتخرب بيتها بس الله الهمها الصواب واستعانته بالله وهدا صارله سنه على الموال وبعد كم شهر من المشكله راحت واخدت الرقم واتصلت طلعت امراه .
وصارت نفسية صديقتي تعبانه ورحت واهديها واخفف عنها وقلت لها انه لازم تفاتحه في الموضوع علشان ترتاح وفعلا فاتحته وانكر انه يعرف الرقم وقالت له ليش
ما تحفظ رقم جوالي في مخك وهدا الرقم حافظه قال مخي مو كمبيوتر علشان يحفظ كل شي وهي قفلت على ا لموضوع ونسيته علشان ماتبغى مشاكل .وحطت زوجها تحت المراقبه وكل ماجا من الدوام تشوف جواله وارقام المتصلين لاحظت انه الرقم
مو موجود الايوم الاربعاء بعد الدوام .والله انها تعبته معاه لكنها انعدمت الثقه في
زوجها بعد ماكانت معيشته احلى عيشه كل زملائه يشهدون عليه بكدا لدرجت انه واحد من زملائه طلب منه انه يحل مشكلته مع زوجته وتكون زوجته هي واسطته خير.بنات نسيت اقولكم انه امس المساء فتحت الجوال ولقيت الرقم وهو المتصل وبعد ربع ساعه رجعت وشافت الرفم ممسوح وراحت واتصلت علي وقالتلي هدا ايش معناته .
بنات ارجوكم ادا عندكم حل لاتبخلو عليها ولكم الاجر انشا الله . :( :(