لو صادقتو ناس واكتشفتو انهم ……

مرحبا بنات
كيفكم
امانه بنات اتركو كل مواضيعي
وكل شي على جنب وركزو معي بهالموضوا
ابي حل ابي شي يطلعنا من المصيبه
حنا ناس
عايشين بمحافظه ماحد يدري عنا كنا
كافين خيرنا وشرنا
امي بالموت كانت تطلع مره بالشهر مع قرايبي
وترفض احاول قد ماقدر اطلعها كوفي مطعم ترفض ولا يعجبها
طلعنا مع قريبه لنا الله لايوفقها
وجابت ناس معنا بالشاليه
اقل كلمه ممكن اقولها عنهم مرفوع
عنهم القلم!!
بالبدايه شفتهم بالشاليه ام ومعهم3بنات
اعمار بناتها 37
32
28 ولا تزوجو وحده منفصله فقط
بالبدايه حسيناهم طيبين
وسنع وذوق ماكانا ندري بالخافي
هالشي قبل ثلاث اشهر تقريبا
فجاه
كانو يقىلون لنا تعالو كوفي ويختارون
كوفي مليان شباب ويجيبون امهم
بالاول امي ماعجبها الوضع
شوي شوي امهم نشبت بامي
وامي ماعندها غيري اسوق كل شوي تغثني
فلانه وبناتها طالعين للكوفي الفلاني
امشي معهم واطلع ع اساس اغير جو لامي
لكن للموضوع زاد عن حده
يجلسون بالكوفي لين2بالليل
بناتها عادي جدا تفتح اي دروب وتقبل العيال
وتكلم وتتكلم قدام امها البنت انها
تكلم واحد وجاب لها هديه!!
وجاب لها جوال
وطلعت مع واحد وواحد كان بيتزوجها
بس طلعت معاه لكوفي وبطلت
لما شفتهم كذا حاولت اسحب نفسي
ماقدرت امي تغيرت180 ذرجه
انجنت فيهم
وانهبلت بالكافيهات اللي عمرها مادخلتها
وكل شي كنت اقول لخواتي
يقولون انتي مكبره الموضوع
خلي امي تطلع تستانس ليش بتحرمينها؟
صارت تواعد شباب البنات ويجيبونهم
قدام طاولتنا بالكوفي !!
امي ماتدري وش الموضوا
امي انسانه غريبه دايم تحب وتميل
للناس اللي فيهم بلاوي او فيها نجاسه
اما الطيبيبن ماتبيهم
هم يعطيون امي من الكلام المعسول والمدح
وامي ماتشوف غيرهم اتوقع تبيهم اكثر منا
اخر موقف
قبل كم يوم اتفقو يروحون لكشته بالبر
وكان المكان فلللللللل شباب جت بنتهم شغلت مسجل بسيارتها وهات يارقص وردح هي وامها قدام الناس انا مادري وش اسوي وجهي طاح بالارض واستحيت من نفسي
وش وضعي والسمعه قدام الناس وانا بمحافظه
لما رجعنا وهاوشت امي قالت عادي ىش صلحو؟؟
وخواتي صارو يحطون اللوم علي
قالو لو خربت سمعتنا منكم ماغير تطلعون
معهم!!
وتهاوشت مع خواتي ان انتم الي غثتوني
حاولت بالبدايه امنع امي تختلط فيهم
كانو ضدي
يقولون خليها!!
انتي وش فيك بتحبسينها كنت اقولهم حركاتهم
مب مضبوطه ماحد صدقني
لما شافو بعينهم لما طلعنا للبر !!
بنات بكل امانه
اناًودي اقطع العلاقه هذي نهائي
كيف ؟
هم ناشبين فينا
وامي متمسكه فيهم وكان امهم ساحرتها
للاسف ماتشوف ولا تصدق فيهم
وكل شي عندها عادي كل شي يسونه عادي
تعبت معها قلت اذا ماخفتي ع نفسك
خافي على سمعتنا بس ماهمها شي
انا ابي انهي العلاقه كيف؟