السلم عليكم ورحمة الله وبركاتة
ابسدح لكم هنيا موقف صار لي وابغى ردت فعلك لو انتي في مكاني
ووش راح يترتب على الموقف
اول شي بأقلكم عن بطلت الموقف معي
حماتي وهي لها حوالي سنتين متزوجة من حماي وعندها ولد وماكنت والله اشوفها الا زي وحدة من خواتي الصغار ونبداء
قبل كم شهر كان عندنا زواج ورحت انا وبنتي للمشغل عشان استشوار وتسريحة وكان المشغل كلة مريات تعرفون اغلب المشاغل كذا يعني بسهولة تشوفين الداخل والطالع للمشغل
واكنت على كرسي وبنتي جنبي والعاملات يشتغلون في شوشتي وشوشت بنتي
وانا قربت اخلص الا واشوف حماتي( زوجت حماي) طالعة من غرف المكياج
وطبعا ماانتبهت لي في البداية انا شفتها من بعيد وكاني حسيت انها نحفانة وهذا الي ترتيب علية موقفي معاها بعدين
المهم شهقت وقلت يالله شوفي مرت عمك معنا
وش ذالصدفة الحلوة بأخلص واروح اسلم عليها
وانا ماغير اتابعاها بعيوني
وشوي الا وهي تكلم بالتلفون وكانها زعلانة ومتضايقة وطول الوقت تكلم
انا خلصت وقعدت واقفة بعيد بس تشوفني لان المشغل زي ماقلت كلة مرايا وراح تشوفني بسهولة
حتى اني وقفت في مكان واضح عشان تلاحضني بس قلت خلي تخلص تلفون واروح لها وتخي لو ولا عبرتني وكانها ماشافتني
وصراحة انصدمت البداية وقلت معقولة ماعرفتني لا و قاعدة تقرب من المرايات
وهي تكلم عشان تتأكد اني انا وبدون مالاحظ انها شافتني
وشوي تروح بعيد شوي عن المكان الي انا فية وهي ماغير ماسكة الجوال
انا احتقرت تصرفها وتراجعت عن فكرة اني اكلمها
وماعاد شفتها لاني جلست على الكراسي وماعاد دورت عليها خلصت بنتي
وقلت لها شفتي مرت عمك وش سوت ليكون ماهي هي
قالت بنتي اصلا جتها اختها من برى وماغير كلمتها كلمة وعلى طول ياامي ناضرت للجهة الي انتي قاعدة فيها
وماادري وين ذلفويمكن دخلو لغرفة المكياج مرة ثانية
طبعا انا صابني ذهول من موقفها الي ايلى الان ماني عارفة تفسير له وقعدت اقول يمكن انا مشبهه بس والله لواني عمشى مااشوف زين
المهم رحنا الزواج وجت لطاولة الي كنت عليها ((اكيد بتستغربون لانها مامعها احد وعشان تبين اني مو انا الي في المشغل او اني ماشفتك والله اعلم )) اول ماجت الصراحة مدنقة وكانها حجلانة او ان هذا الشعور الي حسيت فيه وتأكدت انها هي من الظل الي كانت حاطتة
لانها اول مرة اشوفها حاطة الظل هذا
طبعا سلمت عليها عادي وشلونكم كيف الصغير
وسألتها عن اهلها قالت باقي ماجو
ولاعاد دار بينا أي حوار ولا سألتها وهذا غلطتي كان فشلتها لو قدام نفسها
وشوي واروح لطاولة ثانية فيها كم وحدة من قرايبي واطنشها
طبعا من بعد هذا الموقف ماتقابلت انا ويها
زوجها مو اجتماعي بالحيل بس يمر على اخوة
في المكتب بحكم ان عملهم سوى
عشان كذا مانروح لهم الا في المناسبات
وماحصل مناسبة عشان نروح لهم
الحاصل لو انتي في مكاني هل تتصرفين زيي
وش تتوقعون سبب تصرفها
وحدة من خواتي بحكم قرب سنهم وتعرفها معرفة صطحية بي تقول اعرف نوعيت حماتك ذي
عشانها حلوة وشياكة وكلامها واسلوبها تقولين ذي بنت ناس هاي لاي على ماقالو
ولو احد شافك معها تفشلينها لان برستيجها
مايصلح يمشي مع وحدة زيك بسيطة وغير متكلفة قروية وكلامك على طبيعتك
صدمتني كلامات اختي اكثر من الموقف نفسة
ان فية ناس كذا للاسف
وللاسف تاكدت من كذا اني كم مرة اكلمها عشان نتقابل في الملاهي وتتعذر كل مرة بعذر شكل
مع انها دائما تروح مع اهلها للملاهي ولا مرة كلمتني وقالت قابليني
انا طبعا ضربت عليها اكس لان الي تنكر معرفتي مايشرفني اعرفها والحمد للة انها زوجت حماي مو زوجت اخوي
كان انبلشت في مقابلتها عند اهلي والحمد للة بعد ان زوجها انطوائي ومايحب الناس عشان لايجوانا ولا نجيهم اذا يبغى اخوة يجي لوحدة
يشوفة
طبعا زوجي قال كم مرة خل نروح عند اخوي نشوف الصغير لانه يحبه تعذرت وقلت صراحة اخوك مايحب الناس وانا ماابغى افرض نفسي على احد حتى لو قالها لك مجاملة
وطبعا ماقلتلة بسالفتنا لانها سولف حريم ومااحب ادخل زوجي فيها
ادري طولت عليكم بس تكفون هل تصرفي صحيح ولا كبرتها وهي ماتستاهل
*غدي * @ghdy_23
عضوة فعالة
يلزم عليك تسجيل الدخول أولًا لكتابة تعليق.
أحسني الظن فيها يمكن مو قصدهاا...وفعلا فيه نوعيات من الي انتي قلتي انا في قمة الشياكه وصديقتي بسيطه جداا والكشخه يمين وهي يسار بس مابدلها لو بأيشششش اهم شيء الجوهر مو المظهر ......
تقبلي مروري فديتك
تقبلي مروري فديتك
همس قلم
•
حبيبتي يمكن انا اصغر منك وانتتي الله يسعدك بتكونين اكثر تعقل وحكمه ...بس صراحه كله ولا كرامتي واللي يشوفني بنص عين ما شوفه بالمره...ولو منك كان احرجتها بيني وبينها و اوصلها اني كاشفه هالحركات فا ماله داعي التذاكي...وفعلا احمدي ربك انها سلفه وبس..انا صارلي موقف من حماتي يشبهه له في الجمعات والمناسبات ما تعرفني ولا تكلمني واذا ما فيه غيري بلطت بس صرت انا اللي ابعد عنها لو اجلس لحالي!!!
أحلا حلا
•
لاياقلبي لاتخلين تفكيرك كذا انااعرف نوعها وربي اعرف ناس زي نوعها تدرين ليش سوت كذا يمكن خجوله وتستحي تبادر بالسلام ويمكن شكت انه انتي اوموانتي ويمكن تحسبك شفتيها ومطنشتهالاياقلبي لاتخلين تفكيرك كذا انااعرف نوعها وربي اعرف ناس زي نوعها تدرين ليش سوت كذا يمكن خجوله...
مع الاخت وبقوه لاتظلمينها
على فكره انا من هالنوعيه
على فكره انا من هالنوعيه
لا يا اختي وش هالكلام ما اعتقد شوفة نفس
مو انتي تقولين انها مشغوله بالتلفون وشكلها متضايقه خلاص انتي قلتي السبب
احيانا فيه ناس يحبونك ويجيهم ظرف يتضايقون شوي ولا لهم خلق لاحد حتا لانفسهم مالهم خلق وانا من هالنوعيه احيانا
اذا فيه موقف مضايقني ما اسلم على احد واحب اكون لحالي حتا لاحد يلاحظ اني متضايقه او اخاف بعد اغلط عليها وما اسلم عليها زين ولا لي خلق اهلي وارحب واسولف
فلذلك ابعد عن المكان حتا مايكون فيه احتكاك ====== واضح
واها ماتروح معك الملاهي ترا اكثر الحموات مايحبون احتكاك مع الحمايل خوفا من قال وقيل وتحب تكون بحالها
اما شوفه نفس ماشوفه نفس هذي عاد مايصلح الا ان الواحد يصفي النيه
الله المستعان
مو انتي تقولين انها مشغوله بالتلفون وشكلها متضايقه خلاص انتي قلتي السبب
احيانا فيه ناس يحبونك ويجيهم ظرف يتضايقون شوي ولا لهم خلق لاحد حتا لانفسهم مالهم خلق وانا من هالنوعيه احيانا
اذا فيه موقف مضايقني ما اسلم على احد واحب اكون لحالي حتا لاحد يلاحظ اني متضايقه او اخاف بعد اغلط عليها وما اسلم عليها زين ولا لي خلق اهلي وارحب واسولف
فلذلك ابعد عن المكان حتا مايكون فيه احتكاك ====== واضح
واها ماتروح معك الملاهي ترا اكثر الحموات مايحبون احتكاك مع الحمايل خوفا من قال وقيل وتحب تكون بحالها
اما شوفه نفس ماشوفه نفس هذي عاد مايصلح الا ان الواحد يصفي النيه
الله المستعان
الصفحة الأخيرة
ويمكن شكت انه انتي اوموانتي ويمكن تحسبك شفتيها ومطنشتها