لو صار لك زي موقفي وش راح تسوويين

السلام عليكم ورحمة الله وبركاته.      إبدخل الموضوع ع طول  انا بنت بثاني كلية  الحمدلله مميزة واحب اللي حولي وهم يحبوني واحب بنات جيراننا وعلاقتي معاهم مررررة حلوة الحمدلله وبصراحة كنت احب ولدهم وكان يعجبني بس مو لدرجة التعلق فيه بس بصراحة كنت أتمناه زوج لي لأني كان يعجبني وكانوا أهلي يمدحونه ويحبونه ،، قبل سنة بالضبط جتني أخته وقالت لي ابصارحك بشي قالت لي اوعديني لا يطلع لأحد ووعدتها قالت لي فيه وحدة تبيك لولدها وودهم يخطبونك بس ينتضرون أختك متى تنخطب 0 قلت لها مين قالت مستحيل أقولك اخافك تتعلقين فيه ومايكون نصيب وتنصدمين وأنا أصر أنها تقولي مين بس كانت الصدمة قوية يوم اكتشفت انه أخوها قالت لي لا تحطين ببالك يمكن ما يكون نصيب وصارحتني انه حتى هو يبيني ويقول أبيها عشانها محتشمة وغير عن البنات طبعا أهلي الحمدلله ربونا على الاحتشام والدين وهذا من فضًل الله ، ومرت الأيام وتعلقت فيه وحبيبته وعشقته من كل قلبي ومرة شفته بالصدفة وشافني عند باب بيتهم بس كنت لابسه عبايتي  وكان وقتها عيد الأضحى واجتمعنا مع جيرانا وأنا كنت فرحاااااانة ووتنخطب أختي اللي أكبر مني بس رفض أبوي ومرت الأيام واسمع خبر خطبته سبحان الله كانت صدمة قوية لدرجة أني بكيت قدام إخواني الله لا يعيد ذاك اليوم كان موقف لا احسد عليه واكتشفت ان خطيبته وحدة من زميلاتي ورحت وأرسلت  لبنت جيراننا الله يوفقه وتراي ما صار بخاطري هذا قضاء الله وهذي خيرة وردت علي وقالت عارفة انه خيرة طبعا هو ماخطبني لأن لي آخت أكبر مني وصعبة يخطبوني قبل الكبيرة استلمت لقضاء الله وأنا متأكدة ان الله راح يعوضني أحسن منه وحدد زواجه وزواجه الأسبوع الجاي وزواجه خاص بس راح يجون أقاربه وحنا لأن حنا علاقتنا معهم قوية وأنا صعبة ما احضر لان ما ابي الناس تشك لازم احضر بس انا خائفة أخاف انفجر بالزواج أخاف ابكي أخاف يصير لي شي انا والله مو زعلانه ع اخته انا اللي اصريت عليها تقولي مين هالشخص بس والله موقف صعب ارقص واضحك وأسولف وهو داخل ع وحدة غيري وربي اكتب لكم وأنا ابكي تكفون قولوا لي حل انا فكرت أني أجي متأخر للزواج بس مشكلتي ما عندي احد يؤيدني متأخر ابي حل انا والله متأكدة أن الله ما أخذه مني الا أني راح يعطيني أحسن منه بس مدري أخاف ابكي ، قبل شوي قعدت أتذكر أيامي بعيد الأضحى اللي فات وبعيدي هذا يارباااااه شعور صعب تكفون ابي حل خلاص مو قادرة أتحمل ودعواتكم لي  وان الله يرزقني باللي أحسن منه ويصبر قلبي