أنا بحملي الأول على طووول علمت صديقتي بنفس اليوم اللي حللت فيه .. طبعا حملي تأخر
وهي تزوجت بعدي بثلاث سنين وحملت بسرعه وماقالت الا بعد شهر
وحملها الثاني مادريت الا يوم دخلت الرابع .. وانا حملت بعدها وعادي علمتها على طول
صحيح شي يحز بالخاطر .. بس في بعض الناس الحمد لله والشكر على بالهم ماحد حمل الا هم

ايوه ازعل وصارت في صديقتي بعد خمس شهور من حملها بعتتلي مسج بتحكيلي صحيح انا ما قلتلك اني حامل توها تذكرت
مابعرف شو نيتها بصراحه كانت خايفه على مشاعري ولا خوف من الحسد
من راي هاده موضوع حلو انه ينحكى ليش يتخبى والحامي رب العالمين

انتو مالاحظتو شغله في ردود البنات؟؟
معظم اللي قالو درينا بعد فترة من حمال فلان يقولون انهم درو وهي في الرابع
لان الحمل مايثبت الا في الرابع

احيان كثيرة الوحده مو بيدها زوجها يجبرها ومايسوى تسوي مشاكل مع زوجها اللي عايشه وياه تحت سقف واحد عشان ناس ماتشوفهم الا في الشهر مره
اول الشهور تكون حساسه جدا والدكتورة تظل تقول وتكرر على مسامعكم ومسامع ازواجكم ان الجنين سهل يطيح بأي لحظة من حقه الزوج يخاف على ولده خصوصا لو كان اول ولد وانتو تعرفون رجالنا الخليجيين والعرب عموما عدهم حرام الوحده ترفع صوتها على رجلها وتعانده حتى لو هو غلطان برايه عليها تتبعه وهي ساكته حتى بلا نقاش ..اذا مو كل الرجال جذي اغلبهم والباقي ماخذين هالطبع على خفيف احنا مو نفس الغرب كل واحد حر بنفسه المسلمين الزوجه تمشي ورا زوجها
ولو صار و الزوجه عاندت وتكلمت بدل لا يدلعها اول الشهور وهي صدق بتكون محتاجه الدلع لانها بتكون تعبانه وحالتها حاله ,,بيقعد يلومها ويهاوشها و يهددها على الطالعه والنازله ان صاب الجنين شي بتكونين انتي المسؤوله ولو صدق صابه شي لا قدر الله بحس انها السبب في فقدان طفله ومو بعيده ينفصلون او يقاطعها مده طويله الوحده منا ما تتحمل زوجها يقاطعها دقيقه الا ايام وبظل يحسسها بالذنب طول عمرها لان طبعا هالشي مابينسى في يوم او يومين دائما بيذكر ان كان له طفل وراح وكان المفروض عمره يصير هالكثر

ناس في اول الحمل هي تبي تخبر وهو مو راضي والمشكله ان كل من شافها يسالها ها ليحين ماحملتي ,والوحده تضطر تجذب انزين تالي بشنو تبرر جذبها ان زوجها ماكان راضي؟
وناس يزودوها يعرفون ان زوجها من النوع اللي يحاسب وحاسين انها خاشه ولو ان غصبا عنها يجون قدام الناس ونفس اللي يمزحون معها يقولون لها انتي حامل بس خاشه انزين الاوادم اللي قاعده حواليهم توهم سائليها قالت لهم ليحين ماحملت ويجون هذول يقولون انتي حامل اللي بيسمعهم من بعيد بقول هذي جذبت علينا

يعني الوحده حتى لي جت بتخبرهم بعد مايثبت الحمل انها كانت حامل وخاشه بسبب زوجها ماتقدر لان معظعم البنات والنسوان يقولون لها زوجك يتحكم بك وانتي بلا شخصيه ومايصير يتحكم بك وانتي ساكته وصراحه ذا الكلام يجرح البنت ويخليها تكبت في خاطرها وبس تتلاقه وياه حتى لو كانو سمن على عسل تتهاوش معاه وتدور حجايج
واذا من اهلها اول شي بسوونه بضربون على زوجها اكس كبيرة يعني لا بيعطونه وجه ولا هي بيعطونها وجه شلون بتعيش وياهم وهم على مشاكل وتخيلو الوضع بعدين اذا ولدت وماحد من اهلها جا يزورها طبعا مابجون وزوجها ماكان راضي يخبرهم بحملها


يعني مافي الا انها تتحجج بحجه غير ان زوجها ماكان راضي يعني بسبب الحمل صارت الوحده تضطر تجذب مئة جذبه عشان تمشي الوضع وماحد يزعل وفي النهايه بعد يزعلون
صراحه المفروض تتفهمون يبنات ولاتزعلون لان الشي مو بيد الزوجه بس حتى لو ماقالت لك ان زوجها السبب بس هو السبب وانتي ماتدرين وش الكلام اللي صار بينهم ووش قال لهم ويمكن هي متزاعله وياه كانت عشان تخبرك وهو ظل معند مو راضي وهددها لو قلتي لاحد بصير كذا وكذا او انه ياخذها ويحلفها انزين وش بسوي اهي في هالحاله؟؟ ترى البنات والشي فيكم وفينا اذا درو بالشي خاصه اذا يفرح يبون يقولون للكل وخاصه اذا الكل يسالون وهذي مشكلة مجتمعنا من وحده تعرس من يشوفونها ها ماحملتي ها لمتى بتحملين ..وليش تاخرتي ماحملتي ليحين!! لو بيدها الوحده من اول يوم تدري تخبر الكل بس مو بيدها بعد

ترى الحامل تتعب طول الحمل ماتحس لاحد لمن يبارك لها لان اولشي نساه ومشاكل على سالفة ليش ماقلتي وهذي بتزعل وذاك بيزعل وتظل خايفه على الجنين لي تطلع من الثالث ويروح الخطر وتالي تطلع سالفة الامراض والتشوهات يا دافع البلا وبعدين تطلع سالفة الحبل السري ولفته على الجنين الله يدفع الشر عنا وعنكم وبعدين تطلع سالفه الولاده مادري اولد طبيعي لو ما بقدر و...
وفوق كل هذا يجون البنات اي ماقلتي لنا وخايفه على روحش وعلى ولدش احنا مابنحسدش واحنا واحنا ووو
انتو لو صح ربعها او اهلها تحاسبون لها وتحطون لها كل الاحتمالات وبدل لا تفكرون انها ماقالت تفرحون انها حامل وبتصير ام وماتفكرون بشي ثاني ...هي طول عمرها ماخشت عليكم شي بس سالفة الحمل حساسه وفي النهاية انتو بتعرفون مو معقوله بتظل 9 شهور خاشه وهي مو غبيه تعرف ان الحمال ماينخش



بس تعبت وانا اكتب سي يو

لا ماراح ازعل

لانه انامو زوجها والولد بسمي علشان اعرف

والا بموت اذا ماعرفت


والا بتتوقف حياتي على حملها

اذا في الشهر الاول او الثاني ماازعل اما الشهر الرابع شئ يزعل طبعا اذا كانت شخص مهم ليه بس اذا شخص عادي ماراح ياثر فيه