لو صديقتك تقولك رح اجي ولابسه شورت ؟؟ومعاك زوجك وش رايكم ؟

السلام عليكم
بنات صار لي موقف مع صديقتي وللحين افكر فيه ؟؟
صديقتي اولا منفصله المهم اتصلت علي وزوجي معاي وكنا نتعشى ماحبيت اصدها من بداية اتصالها ظليت اسمع شوي كلامها لانها كانت تفضفض لي عن مشاكلها مع ان اتصالها ماكان مناسب المهم ظليت اتكلم معاها وزوجي منزعج طبعا وانا مو عارفه كيف اسكر كنت انتظر على الاقل لين تخلص كلامها الا زوجي ظل يناديني عشان اتعشى وفي نفس الوقت قصده ان صديقتي تننتبه فهي قالت جالسين تتعشون قلت لها ايه قالت خلاص اجل بسكر قبل لاتسكر ماحبيت انها تتضايق فتكلمت معاها بنوع من الدعابه قلت لها تعالي تفضلي تعشي معانا قالت عادي ؟ وزوجك معاك ؟ بشكل مزحه قلت لها ايه عادي عشان لاتتحسس لانها جددا حساسه الا قالت لي اجل خلاص بجي اتعشى معاكم وبكون لابسه شورت ؟؟!! :mad:يعني عشان زوجي معاي تقولي بتجي ولابسه شورت :30:! المهم سكرت عادي ولاوضحت لها اي شي لكن صراحه تضايقت على كلمتها حتى لو مزح كيف تقولها وكأن ورى هالكلمه شي ثاني ؟؟ بنات تخيلوا انتوا في موقفي وش رح تكون فكرتكم او ردة فعلكم ؟؟

بنات هالمقطع توني كاتبته بعد ماقريت بعض الردود عشان ابيكم تحكمون على الموضوع ويكون على الاقل الموضوع واضح
والله يابنات ماحب اني اشك فيها ولا الغرض شي متيقنه منه لكنها احسها صارت غير بصراحه صرت اخاف عليها وللاسف بعض الاحيان منها :44:صارت اكثر من مره تحب شخص ومتزوجين بعد وكل مره تتمنى انه يتزوجها بغض النظر زوجته واحاول اني اقنعها بالغلط لكنها بعد فتره استغرب القى قصه جديده وحب جديد لشخص متزوج والله اني حزينه عليها ولا ادري وش اسوي ما ابي اوصل لمرحلة اني حقيقي مو واثقه فيها لكن تصرفاتها صارت تخوفني هي صادف انه ثنين تقدموا لها لكنها رفضت لانها اكثر من مره تعيش حالة حب لاشخاص متزوجين ويحبون زوجاتهم وتحاول ان هالشخص يتزوجها بالله عليكم وش رح يكون تفكيري ؟؟