لو طلبت وحدة مساعدة مادية في المنتدى .. تساعديها او تكتفين بالدعاء لها

بسم الله الرحمن الرحيم

السلام عليكم ورحمة الله وبركاته

اسعد الله صباحكم / مساءكم :)


كيف الأجواء عندكم :icon36: أحس ان الشتاء الان دخل بجد
الله يعيننا
تدفوا زين حبوباتي ... و استعيذوا من نار جهنم و زمهريرها


المهم ادخل في موضوعي
هو مجرد أخذ آراء الجميع مع اختلافها اكيد


كيف تتصرفي مع المواضيع اللي تطلب فيها العضوة المساعدة
يعني مبلغ مالي او أثاث او أجهزة

لأني سبق وطرحت موضوع في المنتدى تقريبا قبل سنتين
وكان مخصص لمحتاجين المنطقة الشرقيه
نتعرف على بيوتهم او احد يعرف مكانهم او عن طريق أرقام حساباتهم
من باب الأجر
لكن وحده حذرتني وقالت أن الأغلب ينصب ويكذب ..
وأنا على نياتكم ترزقون كنت حابه اساعد ونتعاون كلنا ونعرف المحتاجين

لان كثير تجيني رسائل خاصه وممكن انتم كمان
تطلب مساعدة و تشرح حالتها
وبعدها تجئ وحده و تحذرك من هذي الحركة .. وتقول معروفه و مكشوفة
حتى اللي تطلب بطاقات شحن


انتم من أي نوع
ممكن تساعدوا على طول و على النية ..
او تحذروا منهم و تكتفون بالدعاء لهم