لو عندكم افكار لتنظيم وقتي

الله يعينك شوفي هالموضوع يمكن ينفعك
https://www.hawaaworld.com/showthread.php?t=3761497

ايوه الموضوع اللي حطته الأخت جزاها الله خير جدا جميل و بيعطيك أفكار
أساس تنظيم الوقت هو تنظيم النوم و أطفالك ما شاء الله أعمارهم تناسب انك تنظمين نومهم ماعدا اللي عمره 6 شهور ممكن يبي له وقت شوي بس ترى ممكن يتنظم نومه ..
اللي اعمارهم 5 و 2 اشغليهم طول النهار علشان ماينامون و لما يجي الوقت اللي تبينهم ينامون فيه طفي كل شي و قولي لهم يلا ننام و ياليت ماتحسسينهم إن الأمر غصب بالعكس حاولي تبينين لهم انك حتى انتي بتنامين معاهم و طلبي منهم بهدووووء و بإبتسامه و خلي لهم عادات قبل النوم يعني مثلا لازم يكونون متعشين و شبعانين و لما تقولين لهم يلا وقت النوم خليهم يدخلون معك الحمام الله يكرمك و غسلوا اسنانكم مع بعض و لو مايعرفون انتي غسلي لهم اسنانهم و خلي كل واحد يقضي حاجته علشان ماينزعج لما ينام (طبعا طلعي واحد برا و خلي الثاني يخلص ههههه ) بعدها لبسيهم ملابس النوم و حطي كل واحد بسريره و لحفيهم و اطلعي عنهم


اللي عمره 6 شهور لازم ينام الظهر شوي ماراح يقدر يواصل طول النهار .. انا ولدي اذا ابيه ينام اخفف نور اللمبات و أقول له يلا ماما ننام و طبعا اكيد اغير له حفاضته قبل و احطه بسريره و اعطيه الرضاعه و انا انسدح على سريري و يكون سريره بجنبي على طول طبعا ماراح ينام على طول بيظل يحوس و يلعب بس مااااا ألتفت له ابدا بالأخير بيستسلم و ينام


و زوجك بعد خليه ينام اول مايجي من الدوام لايسهر ههههههههه طبعا هذي تعتمد عليكم يعني ما شاء الله لكم سنين مع بعض اكيد تعرفين الطريقة اللي تنومه


ماعليه احس اني هذرت عليك كثير بس والله حابه اساعدك وصدقيني مافي شي مستحيل و بتقدرين تنظمين حياتك و كل شي .. انا كلمتك عن النوم فقط و ودي بعد اعطيك أفكار تنظيم الشغل و الاهتمام بنفسك بس ما اعرف الوقت اللي عندك بالضبط ومتى يبدأ دوام زوجك وهل هذا وقت دوامه على طووووول و الا أوقات و أوقات .. و ياليت تكتبين لنا وضعك الحالي بالضبط يعني متى تنامون متى تصحون متى تطبخين يعني أشياء كذا

الاخت كنوز الف شكر على الرابط
هو حلو بس مااقجر اصحى بدري


الاخت شيمو تسلمي الله يجزيكم الخير
اولا اقولك عااادي اهذري وكثري
ابغا اسمع كل افكارك ونصايحك
ثانيا نوم اولادي الحمد لله بعد معاناه ومشاكل صار منتظم ينامون 10 ويصحون 9 او 8
المشكله في نومي انا
انام 2 او3 الفجر والسبب زوجي
مايرضى ينام مع اني اجهز العشاء واخلص كل شغلي بدري عشان نتعشى وننام بس هو يحب السهر
واولادي يصحوني لما يصحوا
مافي داعي اشرح لك حالتي النفسيه كيف تكون
اقوم وانا مش عارفه ابداء بالعيال اكلهم ونظفهم


ولا بالبيت ولا بالغداء
دوام زوجي 10 الصباح
يرجع الظهر يتغدى وينام
الى 5العصر يصحى ويروح الدوام الى 11ونص الليل
وهذا دوامه على طول
بانتظار بقيه افكارك شيمو

اعذريني اذا تأخرت عليك في الرد بس النت عندي مدري وش صار له من امس مو راضي يشبك


المهم نرجع لموضوعنا .. أولا دام عيالك نومهم منتظم هذا شي تمااااام و اذا على زوجك مثل ماقلت لك لازم تقنعيه انه ينام بعد مايجي من الدوام او اجلسي معه الى الساعه 12 وبعدها خلاص نامي لأن جسمك له عليك حق بعد و اذا ماكان جسمك مرتاح و نفسيتك مرتاحه هذا الشي بينعكس على بيتك و عيالك زوجك
انا ما اقصد اني احرضك ضد زوجك او اقول اسحبي عليه و طنشيه لا لكن انا متأكده مثل ماقدرتي تنظمين نوم عيالك ترى تقدرين تنظمين نوم زوجك لأن بالنهايه كلهم أطفال هههههه حاولي تغيرين الجو اللي هو متعود يسهر فيه و خلي الجو جو نووووم ( و ارجع و أقوووول اكيد تعرفين كيف تنومينه و لو ماتعرفين حاولي تكتشفين ايش اللي ينومه )
إذا مره مره هو رافض انه ينام اجلسي معه الى 12 و بعدها اعتذري منه و قولي له خلاص انا مو قادره افتح عيوني بروح انام تجي تنام معي ؟ اذا جاء خير و بركه و اذا قال لا قولي له طيب تصبح على خير و روحي نامي
بالنسبه لشغل البيت اول ماتصحين او بمعنى اصح لما يصحونك عيالك روحي جهزي اللي بتسوين للغدا و العيال عطيهم فطور و جهزي فطور زوجك لو كان يفطر قبل مايروح و لما يروح دوامه اخذي العيال روشيهم ولبسيهم وخليهم يلعبون بمكان واحد بالبيت يا اما بالصاله او بغرفة الالعاب لو عندك و بعدها روحي و زيتي شعرك بأي زيت عندك وحطي فازلين على رجلينك و ألبسي شراب و روحي اشتغلي في البيت ترتيب سريع ومسحي الغبار عن الأسطح و روحي سوي الغدا وبعدها تروشي و لو عندك وقت او خصصي يومين بالاسبوع سوي تقشير لجسمك بأي مقشر يناسبك و نفس الشي لوجهك و حطي ماسك و اذا طلعتي حطي كريم على جسمك و تعطري (مو لازم تكشخين آخر كشخه و مكياج و تسريحة شعر أهم شي يكون شكلك مرتب و نظيف و الريحه حلوه ) لما يجي زوجك وتتغدون و ينام مثل ماقلتي يا اما انك تاخذين غفوه شوي مع الصغير اللي عمره 6 شهور او اجلسي مع عيالك العبي معهم شوي او نظفي أي غرفه عندك تحتاج تنظيف اكثر او غسلي ملابس او شوفي ايش عندك ممكن تسويه لما يصحى زوجك و يروح دوامه حاولي انك بهذا الوقت تخصصينه لك رياضه او قراءة او اهتمام بجسمك او تجلسين على النت و بس سوي العشاء كالعاده و بعد مايتعشون العيال و ينامون رتبي حوستهم علشان لما تصحين من النوم الصباح مايكون عندك شغل كثير و اذا جاء زوجك من الشغل اجلسي معه الى الساعه 12 ونااااامي
^ هذا مجرد اقتراح بس انتي غيري و رتبي في الجدول باللي تشوفينه يناسب وضعك بس اللي اقصده انك حتى لو انشغلتي في البيت و العيال لاتنسين نفسك و صدقيني جربي تزيتين شعرك و الفازلين مع الشرابات بس و بتحسين انك مبسوطه انك مهتمه بنفسك و انتي تشتغلين ههههههه

ماشاء الله شيوم افكارك حلوة عجبتني ..