لو عندكم عزيمة على العشاء لناس اجانب ..شو بتعملولهم ؟؟بسرعة رجاءا

بنات ..!!!!!!!

وينكم .. ليه ما بتردوا ؟؟؟

شو اطباقهم المفضلة...ايش بيحبوا ارجوكم ...

هم من كندا والدنمارك ..عندي امل ... لا تتأخروا اكثر ..

أهلين ماما رويدة

نورتينا

شوفي النصيحة أنك ما تكترين كتير من الأطباق و ركزي على شكل السفرة و طرق التزيين

و اعملي نوع مقبلات و سلطة و شي 2 أو 3 أطباق رئيسية و ممكن طبق معجنات إذا زاد عندك وقت
و طبق حلو واحد (أو كيكة) بيكفي

هادا طبعا إذا كان عددهم قليل و تكثري عدد الأصناف حسب عدد الزوار
و طبعا لا تنسي أول شيء الخبز و الزبدة

و أنا أقترح عليك
فطائر بجبنة و طبق معكرونة كاللزانيا أو المعكرونة المحشية (الأصداف الكبيرة)
و طبق أرز (كبسة أو أي نوع) و ممكن طبق محشي متل الكوسا أو اليبرق (ورق العنب)

و مقبلات ممكن مسبحة أو فلافل و هدول بيحبون الأجانب كتير

ان شاء الله كون أفدتك و لو بالقليل

مادري يمكن فات الفوت لأنه توني بس أشوف السؤال..

عالعموم الأجانب يحبون الأِياء العملية أكثر من الأشياء التقليدية مالنا..

مثل الفطاير والبيتزا وهالأشياء الخفيفة.. سويلهم كذا صنف من هالأشياء ومقبلات من نوعين من السلطات وشوربة..

ومن الأصناف الرئيسية سويلهم صينيتين من أي شي.. وحلويات مثل كوكيز وكيك ..

انشالله بس أفدتج ولو بالقليل.. وتسلمين يا ……….. ماما رويدة..

من تجربتي في الغربه متل ماقالت الاخت مسافره الاجانب يفضلون الاشياء العمليه في بيتهم, ولكنهم بيحبوا يجربوا الأطباق المميزه لغيرهم اثناء السفر او عند غيرهم من الجنسيات ويقدرون ذلك، ومثل ما قالت الاخت الفتاة الشاميه هناك اشياء تحقق نجاح اكيد متل المتبل والحمص بالطحينه وكذلك السلطات المعروفه عندنا متل الفتوش والتبوله, ومن تجربتي ايضا اقول انهم مع انهم يقدرون الاطباق اللي بتاخد وقت متل الكبه وورق العنب ولكن مو ضروري يكون الأكل معقد وبياخد وقت, اطباق متل الفريكه ورز بفول او رز ببزاليا تحقق نجاحا كبيرا دائما ،بالنسبه للحلويات انصحك بقطايف عصافيري كمان هذه الحلوى لم تخيبني ابدا امام الأجانب..نسيت اذكر لك اكلات اللبن ايضا متل اللبنيه والشيشبرك وغيرها ايضا لم تخيبني ابدا..هذا ما حضرني وارجو لك التوفيق ان شاء الله. :24: :26:

انا من رايي تسويلهم اكل عربي وتبعدين عن الغربي حتى في الحلو..هم جايين عندك انت عربية لازم تذوقيهم اكلك
وماشاء الله بلاد الشام مليانة من الاكل الطيب..ممكن المقبلات تكون تبولة او فتوش..مع حمص ومتبل..والطبق الرئيسي رز وكبة او كوسة باللبن..او اي اكله شامية..والحلو ممكن تعملين ام علي..او بسبوسة