لو عندك أحد يشكي صعوبات التعلم تعالي هنا ()

السلام عليكم ورحمة الله و بركاته ..
كيفكم حوائيات :::::::
المهم بنات بقولكم سالفتي مع صعوبات التعلم ..
عندي سلمكم الله بنت اختي عندها صعوبات تعلم .. من الدرجة المتوسطه الحمد لله
البنت سليمه عقليا و فكريا .. لكنها بطيئه الحركه ,, عندها تشتت انتباه و تنسى احيانن ..
المهم .. هي عايشه معنا بالبيت ..
المفروض انها تلتحق بمركز ينمي المهارات عندها و بعدها خلاص تصير طبيعي الحمد لله ..
قصرنا معها و لا دخلناه مراكز و لا شيء .. و لظروف ما رافقتني لمدة سنه ..
و حرام مدري وش اقدم لها ابيها تتحسن و لا اعرف شيء يساعدها و لأني كنت مشغوله ..
صرت احرص اسمّعها القران يعني افتحه وقت النوم افتحه الفجر .. صرت اقرا عليها الفاتحه و المعوذات و بعض الايات
الي تشمل التوحيد و اسماء الله و ايات الانشراح ..
صرت احرص اني احفظها سبحان الله و الحمد لله و لا اله الا الله و الله اكبر و لا حول و لا قوه الا بالله ..
يعني مثلا لما تتنهد اقولها قولي لا اله الله .. لما تتضايق احاول ابسّطها و اقولها قولي اللهم اشرح صدري و يسر امري ..
مثلا لو بطلع امشي اخذها معي و خلال هالفتره نردد سبحان الله الحمد لله الله اكبر و كذا سويها لها بشكل انشوده و حببيها بهذا الشيء
اعلمها مثلا دعاء دخول الحمام اعلمها تسمي قبل تسوي اي شي حتى لو قبل نطلع من البيت اعلمها تسمي بالله ..
صدق تتعبين معه و يبي لك صببببر بس و الله نتايج تبرد الكبد .. خصوصا لو حصل و التحقت بمركز تأهيل بتتحسن اكثر و اكثر
بعد هذا التعب معها لمدة تقريبا سنه
وديناه مركز تأهيل و انعجبوا بالنتايج ..
قالوا انتم مدخلينها قبل بمراكز تأهيل ؟؟!
* نصيحه لكل من عندهم صعوبات تعلم .. لا تعتمدون على المركز فقط .. نمّو الجانب الروحي عند الطفل المصاب
تراه يشعر بمعاناة و يشعر بخوف و يشعر بألم لأن محد فاهمه لأن التشتت يتعبه
لذا لا تلومون اي مصاب بصعوبات التعلم لو صار عنيف او منعزل ..
تابعوا هالفيديو و بتعرفون

و نصيحه حبيباتي القران القران و الاذكار كرروها كثير على مسامعهم و عطوهم من وقتكم تراه عاطفه تتحرك و يمتنون لك لو بشي القليل