لو عندك زوج مثل هذا وش بتسوين ؟؟!

عندي وحده من صديقاتي لها فترة حالتها النفسية سيئة مرة وكل يوم تبكي وهي تطلقت قبل 9 شهور وإنتهت عدتها أكيد

تقول المصيبة مو في الطلاق المصيبة إنها إكتشفت إن زوجها اللي طلقها ستر عليها قلت كيف !!

قالت هي ماكانت تبيه وتكره سيرته وماتحب تعيش معه وكارهه نفسها وهي متزوجته وعاشت معه وجابت منه بنت

ومع المشاكل والمضاربات والهواش كل يوم طلبت الطلاق وطلقها اخيرا وطلب يكلمها بالجوال قبل تنتهي عدتها

بحكم أنه باقي زوجها وهي عند أهلها يوم طلقها رغم ان في الشرع المرأة تبقى في بيتها الى أن تنتهي عدتها

قال شوفي يافلانه كم مرة عذبتيني وجرحتيني وقهرتيني وأنا صابر ومحتسب :44:

قالت يااخي ماابيك الحب مو بالغصب قال طيب قبل تنتهي العدة أحب اعلمك بسر خطير عمري ماعلمته احد او تكلمت به

عند الناس ابدا ومحتفظ فيه بصدري يقول لها تزوجتك وطلعتي مو بنت وسترت عليك ادور الجنة و للأسف تجازيني

بالإساءة لكن يافلانه انا ادور وجه الله وشوفي عفا الله عنك وانا سامحتك ولايمكن اسألك عن ماضيك لأني شفتك

انسانه محترمه وراعية دين ويمكن عشان كذا سترت عليك لأن الله سخرني لك عشان أستر عليك وكنت احبك وابي

اعيش معك بس ماعطتيني فرصة وسكر منها :icon33:

وصديقتي من الصدمة اغمي عليها وجلست تبكي الى اليوم وحاسه بتأنيب الضمير وتذكرت موقف وهي صغيرة

ولد الجيران حاول يغتصبها وهي سكتت لأنها على بالها الموضوع مااحد راح يكشفه وتوقعت انه ماقدر فيها لأنها

تقول الموضوع صار بسرعه وطلع منها دم خفيف ويوم راحت البيت وشافت الدم تحسب انها الدورة ياحرام وتقول جلست تتألم فترة بس ماجاء

على بالها انه بسبب الإغتصاب تقول ولد الجيران وسخ مرة ورحت عند جيرانا وانا صغيرة عمرها تقول 12 سنه

عشان تنادي امها ويوم دخلت الحوش ويمسكها ولد الجيران ومااحد شافهم لان الحوش كبير وفيه مزرعه وتقول

امها عصبية ماتتفاهم عشان كذا البنت سكتت اتاريها صارت مو بنت تقول الولد عمره 16 سنه رغم انها صاحت

يوم جاها بس مسكها ومسك فمها وقال لو صحتي قتلتك وتحلف بالله ان الموضوع صار بسرعه ماتدري كيف قدر فيها سبحان الله

يمكن ماحست او نومها تنويم مغناطيسي والا رشها بشيء ماحست مسكينه بنفسها ,,,

وهي ياغافل لك الله ماتفهم شيء في هالامور من برائتها وطفولتها وحاولت تبلغ طليقها عشان مايشك فيها بس ماعاد رد عليها

وارسلها طليقها رساله من جوال اخته قال ماعاد يجوز اكلمك

وكانت تبيه يرجعها بس الشيخ يقول لازم تتزوجين واحد ثاني لأنها تطلقت 3 طلقات تقول ماتبغى تتزوج وحالتها مرة متدهورة :angry:

وعلمتني بسرها وصراحه قلت لها خليني انزل موضوعك واشوف رأي البنات

بس يابنات أرجوكم بلاش تجريح ترى كل وحده تنزل موضوعها تبي مواساة أو دعوة طيبة ماتبي تجريح وتشكيك

وتكذيب وكل وحده تتحمد على الستر والعافيه عشان مايبتليها ربي

وأقسم بالله القصة حقيقية 100%

وجزاكم الله خيرا وكل عام وانتم بخير