السلام عليكم ورحمة الله وبركاته
ابغا استشيركم بموضوع واحدة صديقتي طلبت مني اكتب الموضوع
هيا عندها صديقة انا البنت شفتها وقابلتها كم مرة صراحة ما حبيتها ولا ارتحتلها وانا من النوع اللي نظرتي الاولى ولله الحمد ماتخيب هيا البنت اجتماعية درجة اولى بس فيها عيب واحد لسانها طويل و فيها صفات مو حلوة الاستهانة بالناس لانه وضعها المادي ماشالله بيتعدل فصارت ماتراعي مشاعر اللي اقل منها صحبتي كم مرة تنجرح منها خاصة انه صحبتي ظروفها المادية ضعيفة فصحبتها تعمل حفلات دايما واعياد ميلاد كثير لها ولاولادها وفي اماكن كبيرة وصحبتي ماتحب اولادها يروحو الاماكن دي صح بينبسطو بس ماتبغا اولادها يجو في يوم يطلبو حفلات اعياد ميلاد ويقولو ولد فلانة عمل هيا انا اعرفها ماتروح حفلات ميلاد بس راحت كم مرة لحفلات صحبتها
وغير كده صحبتها اثرت عليها كتير في فترة من الفترات واتغيرت صار لسانها طويل و اتجرات صحبتي واتضاربت مع امها وقطعتها فترة واللي فهمتو من قبل انه صحبتها من النوع اللي تضارب مع اهلها وامها وتقطعهم بالشهور
انا نصحت صحبتي وقلتلها تبعد عن البنت دي لانه بتاثر عليها من سي لاسوا فصحبتي حاليا متضايقة من نفسها لانه وصلت لدرجة اتاثرت فيها وياريت على شي حلو على شي سىء كلمت صحبتي قلتلها انصحيها قالتلي المشكلة البنت لو نصحتها بتقل ادبها ومايعجبها الكلام وبتقول اننا حسوديين
وحاليا صحبتي قطعت البنت دي وصحبتها بتراسلها على الواتس اب تبغا تعرف السبب قلت لصحبتي ردي عليها قالتلي ما ابغا احوج نفسي لمواجهة واحدة لسانها طويل خاصة النوعية دي الرد يكون جاهز على طول وممكن يحرجك
في شي حبيت اضيفو صحبتها من النوع اللي اذا اخوات صحبتي ولدو راحت ووجبت ماشالله عليها و اذا في مناسبة اول واحدة بتوقف مع اهل صحبتي فجمايل البنت دي كثير عليها وعلى اهل صحبتي دا الشي اللي مخليها ضايعة يعني البنت فيها جانب حلو وجانب سي
بنات هيا محتارة ايش تعمل معاها هل اللي عملتو صح انها قطعتها خاصة انها خايفة على نفسها انه تتاثر فيها:confused:
charming_roro @charming_roro
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
وخليها تستمر بالتطنيش واذا زاد الوضع تتحجج بانشغالهابالبيت والبزورة وزوجها منزعج من كتر خرجاتها ومايبغاها تمسك الجوال كتير
الله يعينها يارب