لو عندك مبلغ جاك فجأه تخبرين زوجك وتساعدينه أو. ... ادخلو ابي رايكم

السلام عليكم ورحمة الله وبركاته.

راح اشرح كل حاجه عشان تفهمون سؤالي. .

انا متزوجه من سنة وحامل وزوجي موضف وراتبه 3700 ريال ،

وقبل الزواج ابوي كان متسلف مني 5000 ريال رجع 3000 ريال وحاليا عندي هذا المبلغ
أدري ان البعض منكم يقول مبلغ قليل وفرحانه فيه
ايوة فرحانه فيه لان راتب زوجي ضعيف بس للحين ماقلت له ان عندي هالمبلغ

المهم
زوجي من النوع الي يعطيني مصروف شهري 200 ريال لكن مايرضى اشتري منه دايم يقول جمعيه لك وكل مره اشتري شي اهو الي يدفع مع ان مرات يكون متضايق ماديا بس مايبي انا الي ادفع
ونظرا لراتبه القليل ودي اساعده لتجهيزات البيبي
بس خايفه من شيئين
1/ اخاف اقوله ان عندي ثلاثة آلاف ويعتمد علي اعتماد كلي

2/ ودي ماخرجهم عشان بعدين كلما اشتهيت ادخل السوق مع اهلي ع الاقل يكون في بوكي فلوس واشتري الي ابي حق البيبي حتى لو صار عمره سنه مايقصرني شي
يعني لمدة سنتين عندي فلوس وماحس ناقصني شي. .

انتو لو بمكاني شتسوون ؟؟
خصوصا ان اليوم ياقلبي والله حزنت عليه قال كل شهر بشيل من راتبي 300 ريال عشان اشتري لك لولادتك عصيرات وبقلاوة حلويات ورز و.... اشياء النفاس وضيافة الضيوف
قلت له ماله داعي تكلف على نفسك اشتر اشياء خفيفه قال لا بسأل أمي
وأمه كرييييييييمة لدرجة تقصر على نفسها لأجل ضيوفها

قولو لي لو انتو بمكاني تقولين له ان عندك هالمبلغ وتساعدينه أو تاخذين الحذر عشان مايعتمد عليك وعشان تصير هال 5000 ريال مبلغ يخدمك لسنتين او 3 سنوات كل ماشتهيتي شي تشترينه