لو عندك مثل اللي عندي وشلون تصرفين

بنات ابدخل على طول بالموضوع

عندي قريبه غريبه الاطوار وتوني اكتشفها بعد ما انلدغت منها كانت زي الفل معي حبيبه وطيبه ابعد الحود معها وفجاه قلبت علي

ودايم كذا يعني كل سنه تمسك لها وحده وتصادقها بزياده وبعدين تقلب عليها وتحقرها وتسبها وتنقل اسرارها وانا كنت اصدق انها مظلومه وارحمها لان عندها قدره على المسكنه وتسوي روحها ضعيفه

وما تقدر تتصرف مع الناس

المهم الحين الدور علي سحبت علي فجاه وماتكلمني وتحاول تستفزني اذا شافتني مثلا تسلم على كل الصغار

الا عيالي او تمدح احد قدامي وتضحك وتسولف معه وانا ماتناظرني وانا لاني واثقه اني ما اذيتها

عرفت ان سبها للعالم قبل وتشكيها موب صدق لانها ظلمتني وانا واثقه تمام الثقه بنفسي

طبعا انا فاهمه نفسيتها وما همتني بس المشكله بنتي توها صغيره بالمتوسط وحساسه حيل مستلمتها

تمدح البنات قدامها وتسولف معهم وتعطيهم هدايا وهي تحقرها كل هذا عشان تنتقم مني

مع اني والله اللي يشهد على كلامي ما اذيتها واخر مره شفتها اللي بعدها قلبت علي كنت عازمتها عندي بالبيت

ومكرمتها واهديت لها وفرجتها على اشياء تخصني ما اعلمها الا المقربين مني مره

المهم الحين ابي لو كنتو مكاني وشلون تتصرفون انا مو مشكله اعرف احسم الموضوع معها بس المشكله

بنتي يضيق صدرها وترجع للبيت متكدره يعني تنكد عليها مع العلم انها حرمه كبيره بس تشتغل على جميع

االموجات ادري طولت بس عساكم فهمتو الصوره زين