همسات الخافق :

ياليت اشوف مصداقية في الردود والتعليقات بعيدا عن تصنع المثالية والشخصية الملائكية ... وهذه اللي بحد ذاتها اشوفها مشكله في هالقسم ... و اللي يخليني اشمئز زوووووود ان بعضهن يكونون طرحو مشكلات يتشكون فيها من ابسط الامور اللي تعتبر اهون مقارنة مع مشكلة صاحبة الموضوع وفوق هذا الاقي الردود متناقضة مع نوع الشخصية ...:/ ياليت البعض لما تقرا اي مشكلة تحط نفسها مكان صاحبة الموضوع وترد بكل شفافية وموضوعية لأن صاحبة الموضوع ما تكون طرحت الموضوع الا لطلب استشارة والنصيحة والاقتراحات اللي من خلالها ممكن توصل لحل وسط .. لو صاحبة الموضوع كانت تنتظر رأي ملاكي او فلسفة وهمية ما كانت طرحت الموضوع بالاساس ... ياليت كل وحدة تقرا اي موضوع بهذا القسم ..ترد وتعلق بكل تلقائية وتظل على طبيعتها ... لأن البنت اللي تدعي المثالية وتسوي فيها انا الشخصية اللي قمة ....تراها بالنهاية تضحك على نفسها وتستخف بعقلها المتناقض قبل لا تضحك على صاحبة اي موضوع ينطرح ...:pinklove: واتحدى اي وحدة انها ممكن تشوف مثل هالموقف في بيتها وتتقبله ...نحن بنااات ونفهم بعض ... الا اذا كانت وحدة عديمة الغيرة والاحساس:pinklove:... اما بخصوص صاحبة الموضوع ... عزيزتي رح اكون حيادية مع موضوعج ... لاشك ان تصرفات الخدامة مثل ما ذكرتيها حرفيا ممكن تدخل الشك وتخليج تخافين من عاقبة تصرفاتها سوا على زوجج او عيال البيت ... بالنهاية رجال البيت بشر وغريزتهم ممكن تتحرك ولو من اشيا سطحية حتى لو من ظل المرا فما بالج مفاتن الجسم والكحل ... واتحدا اي وحدة فينا تنكر هالشي وتتحجج بالحجج الواهية مثل انها خدامة وما تفرق او ان ماحد ممكن يفتكر فيها او تحددون لي الجنسية!!. ترااااها بالنهاية بنت بننننننننت انثى.... يعني اللي فيكم فيها ...... اذا كان حتى صوت الخلخال في ريوول الحرمة محرم في الاسلام من باب انه ممكن يفتن الرجال لها حتى لو كانت ساترة من فوق لتحت ولبسها فضفااااض وما يدرون اذا هي مرا ولا عفريت فمابالك برسمة عيووووووون ولبس راص عالجسم ويظهر مفاتنه !!... عزيزاتي ربي هو خالقنا وادرى بطبيعة كل من الرجل والمرا وما حرم وحلل الامور عبثا ... ولو كانت الامور عادي لناس وناس ما كان جا التحريم بالتعميم .... يعني من ناحية لبسها ومظهرها ما نقدر ننكر انه غلط حتى لو من باب حسن النية انها على نياتها تبغي تكشخ او تستانس بالعيد .... بس بما انها على علم بوجود رجال بالبيت فالمفروض تخفف الكشخة من تلقائية نفسها بس نقدر نقول ان العمر يلعب دوووور فانتي مثل ماذكرتي انها بعمر 17 سنة يعني مراهقه وهالفتره من العمر كل بنت تكووون فيها هالنزعة الفطرية انها تكشخ وتتزين وتظهر انوتثها وعقلها يكووون خفيف .. وهذا اللي يحصل للغالبية من في سنها ... من هالناحية الدور عليكم ... البنت صغيرة وانتو اصحاب البيت واكيد لكم نمط معين تمشون عليه وبما انها فرد غريب على بيئتكم الاسرية فيعني يحق لكم تحددون معايير تمشي عليها وهي الواجب تحترم هالنمط وتمشي عليه ...مب القصد احتكار حريتها الشخصية او سجنها او اضطهادها .. بالعكس يحق لكم لاطالما رح تعاملونها باسس التعامل مع الخدم وتخافون الله فيها فماظنتي بيشكل اشكاليه ... عاملوها بالحسنى وباسس تحفظكم من اي سوء ...ولابد من مراقبة تصرفاتها وتقويمها في حالة الخطأ .. كلامي ليس المقصد منه اني اعتبرت هالانسانة الفقيره كنها وحش كاسر ممكن بنقض عالبيت او انها رعب بس الحيطة والحذر واااجب .... والله اعلم بالنفووووس ... عزيزتي الغيرة ممكنة بس لا تخلينها توصل بج لظن السوء بها فمثل ما ذكرت البنت ممكن تكون على نياتها بس انتو من واجبكم تصلحون اذا شفتو شي مب لين هناااك او شي ممكن يضركم من دون القصد منها ... فيعني حاولي بطريقتج توصلين المعلومة لام زوجج من دون ما تظهرن الغيره عشان ما تفهمها بشكل خاطئ وتفتكرج حاقدة على هالمسكينة يعني فهميها ان تصرفاتها ممكن تضر عيال البيت وتفتنهم ويقعون في الخطا ... ياما صارت مثل هالقصص في بيوت خلق الله والسبب كان التسااهل والتجاهل من باب ان محال يصير ... بس صاااار ... يعني حاولي تقنعينها ان الشغله اخلاقية وفي مصلحة البيت مب لشي شخصي .. تحيااااتي ..:biggthump

ياليت اشوف مصداقية في الردود والتعليقات بعيدا عن تصنع المثالية والشخصية الملائكية ... وهذه اللي...