~~~ لو عنستي واهلك لين الحين يشوفونك بزر وش تسوين ؟ ~~~

السلام عليكم



ابي وحده تقول لي وش تسوي لو هي مثل حالتي




عاااااااااااانس وباقي لها دفة وحده وتصير عجوز :(

اقصد وصلتي 25 سنة وداخله 26 :44:



ومع ذلك الاهل وخاصة الام تشوفك لين الحين طفله:04: ومستحيل تتزوجين وانتي طفلة !!!!!!!!!! وش الحل ؟؟


طبعا انا استحي مثل اي بنت لكن حسيت من كلام امي وطريقتها انها ماتبيني اتزوج ولا عمرها دعت لي اتزوج بالعكس طول الوقت توصف العرس بأنه افشل شي في الحياة هي هذا فكرها

تشوف ان الوحده عايشة بين اهلها احسن لها مليون من مرة من الزوج وغربلة الزواج والمسؤليات

اي وحده بس تلمح لأمي عني او عن خواتي على طول امي تخترع سالفة وتقول البنات محجوزات لعيال عمهم رغم ان ماعندنا عمام من الاساس :hahaha:

بس عشان تصرفهم حتى من غير ما تسأل عنهم ابد


مرة حرمة كبيرة شافتني واقفه مع امي هالحرمة ماتعرفنا ولانعرفها بس وقفت جنب امي وقالت لها ممكن رقم جوالك
ويوم خذت رقم جوال امي ثاني يوم دقت عليها وقالت انها تدور عروسة امي على طول قالت لها ماعندي بنات كلهم محجوزات !!!!!!

يوم علمتني امي قلت لها (بطريقة غير مباشرة) مابي ابين لها اني انقهرت

قلت لها ليه يمه ماسألتيها او عرفتي من هي او من اي عائلة يمكن اغنياء فلوسهم كثير هههههههههه واقول لها يمه ناسية ان عندك بنات اقصد خواتي الاصغر مني .. قلت لها شكلك تبين تخللين بناتك ماتبينهم يطسون هههههه ومسوية السالفه بعيدة عني مع اني اكبر وحده بس حطيتها براس خواتي .. بس من كلامها اكتشفت انها رافضة الفكرة تماما

وانتو تدرون ان الام اهم شي في موضوع الخطبه مستحيل تنخطب بنت وامها تصد الحريم من وين الناس بتعرف ان فلانه عندها بنات بسن زواج الا من خلال الام


وانا مستحيل اصرح لأمي بهالموضوع وهي شايفتني بزر وتو الناس ومو قد المسؤلية ودايم تقول لي انتي حيلك ضعيف ومافيك طاقة ( يعني تقصد انتي ماتصلحين للزواج ولا الحمل والولادة ) .. وفعلا انا كسولة ودلوعه من صغرنا ماما مدلعتنا وتحبنا كثير ولا عمري دخلت مطبخ ولا اعرف ادبر اي شيء في البيت حتى لو امي سافرت عننا يوم نحتاس بعمرنا لو ماعندنا شغالة

وهي عارفة اننا بنات رفلات هههههههه ودلوعات يمكن عشان كذا قالت مايصلحون للعرس


انا فكرت اني اغير الصورة قدام امي

يعني بحاول اتعلم طبخات وادخل المطبخ لاول مرة في حياتي :cook:


<<<<<< كل يوم مسنترة في اطباق حواء


بس ان شاء الله افلح

وبشترك في نادي صحي عشان تدري ان فيني طاقة :35:


وبحاول اغير في شكلي وستايلي واهتم بنفسي اكثر يمكن تنتبه اني بنت والزواج امنية من امنيات البنات وخاصة الاطفال :( اموت عليهم

بس دائما محسسه امي ان الاطفال مسؤلية وغثا ومفهمتها فكرة ان الزواج اشين شي في الحياة وانا من داخلي العكس بس عشان تستانس لاني احسها تنبسط لما ابين لها ان الزواج اخر شي افكر فيه

اشرايكم ؟ عندكم نصائح معينة