لو قالك خذي ملابسك وروحي بيت اهلك شتسوين

السلام عليكم ورحمة الله وبركاته


خياتي بختصر لكم الموضوع لان راسي يألمني من العصبيه


اول حاجه بقولها لكم انا قبل لا اتزوح شخصيه اميل للبرود الهدوء الخجل مب مختلطه كثير بالتاي
تزوجت بالبدايه زوجي عسل ومع لعيال صار عصبي جدا وصرت مثله ماتحمل اعصب انقهر اكتئب
المهم جيت لزوجي قلت له بشوف لي عامله بالساعات اليوم بس ترتب معي بالشقه لان مفيني لحالي ارتب ونفسيتي تعبانه
وهالوقت حاسه بضيقه بالصدر وماحب اشوف شقتي كذا رفض رفض تام قلت له طيب خل نتساعد اهي اشيا بسيطه ابيك بس ترفع الملابس ال مابيها وتودي الجمعيه كذلك وتشيل الحاجات الل ماابيها حاليا عصب ورافض طيب انا مفيني مقدر مع العلم من اربع اشهر يمكن وانا ارتب وابيه يشيل ذول الاغراض ولا حياه لمن تنادي كل همه شغله طيب خذ وقت لهالاشيا ولا شيء
قلت له اوك خلاص العامله فيه سواق يوصلها لشقتي واعطيهم انا المبلغ لا تدفع صرخ بوجهي
بتشوفين شيء ماشفتينه ان جات هنا عامله
قام بيودي عيالي بنتين بعمر 3سنوات وسنه وكم شهر موعد بالمشفى قال قومي قلت ماني رايحه ماخبي عليكم هو عنيد وانا عنيده انقهرت من تصرفه قلت له مفيها شيء ودهم بعدها قلت خل اقوم لا يعصب زود لان معصب على العمال قمت قلت له بعدها نزلني بيت اهلي بس نخلص من المشفى عصب ليش قلت له بس اهو دايم تفكيره اني على كل كلمه والثانيه ابي بيت اهلي
قال مفيه قلت له خلاص روح مع عيالك المشفى وانا بريح عصب تقومين ترتبين الشقه مابي اشوف شيء قلت له والله ولا راح اشيل شيء عصب قومي اجل بيت اهلك قلت له بس ماني رايحه غيرت رايي قال اوديهم وارجع ووديك
قصده طبعا خذي ملابسك وروحي
قمت لبست رحت معه المشفى خلصنا رجعني الشقه قال نزلي خذي ملابس ويلا بيت اهلج قلت له اوك اريح بعدين تعال ودني يتكلم وهو يخز
قال انا قلت لج تجهزين ملابس ويلا روحي بيت اهلج وقلبها علي ان هذي كلمتي قلت له لاتقلبها علي وتراك مب اول مره تقولها اذا تبي راحتك ودني ماذل نفسي وقال ان هذي كلمتي اني انا ال ابروح المهم نزلت الشقه قال اجي مابي اشوف شيء كل شيء مرتب قلت له والله ولا راح ارتب يلا يلا شب ليش اقوله يلا انا اصغر عيالج تقولين لي قلت له وانا اصغر عيالك على طول تخز فيني وتعصب علي قالي اذا اجي ومب كل شيء مرتب تجهزين ملابسك ولبيت اهلك وطلع
انا خلاص طول الوقت مغبونه من كلامه اتصلت في اختي الل همي وهمها واحد حيل وياي بس مذا اتصلت وماتحملت طاقة الصياح كلها طلعت من القهر قلت لها تعالي يمي خلاص تعبت نفسيتي ماني متحمله اضل وياه على اسلوبه وياي