السلام عليكم ورحمة الله وبركاته
بدايتاً احب احيي جميع اعضاء المنتدى
وحبيت ابتدي اول مشاركه لي بقصه من كتاباتي واتمنى انها تحوز على اعجابكم
ومنتظره ردودكم الطيبه التي ستزيدني دعم لإكمالها ....
اترككم معها مع تمنياتي لكم بقضاء وقت ممتع بقراءتها ،،
-·=»‡«=·-(الجزء الاول) -·=»‡«=·-
تعال يامن سكن في وسط قلبّي
تعال انا محتـــــاجلك والله وابيكـ
ابوصفلك غلاك ويشهد علي ربّي
اني اغليك واغليك واغليك واغليكـ
ومهما كتبت ,,اغليك,, مابان حبّي
من كثر حبي لك انا كلي افديـــكـ
اشتاق لــــك حتى ولو كنت جنبّي
يذبحني الشـــــوق وآموت انا فيكـ
" للشاعره لهفه الشوق "
في بيت الجد سعد
كان الجد سعد قاعد في مجلسه الخارج بيت الجد
ي الكبير وهو عباره عن بيت شعر حديث على أحدث طراز ومعاه ولده عبدالله وعيال ولده سعد ومحمد ويتناقشون في أمورهم ....
الجد : ها عبدالله ما قلت لي شرايك في المعرس المتقدم لعلياء ؟؟
عبدالله بو سعد : والله يبه ريال سنافي وما عليه زود بس لازم ناخذ راي عليا بالأول
سعد : يبه ترى الوالده تقول إن المعرس له إخت مزيونه شرايكم نشرط عليهم بدل بدل أنا آخذ بنتهم وهم ياخذون إختي
بو سعد : والله الفكرة مب شينه بنعرض عليهم الأمر بعد راي إختك وهذا الولد ولد صديقي والنعم فيه
محمد : أقول صارت السالفه صفقه خل يتم زواج عليا بعدين نخطب لك إنت
الجد : إن شاء الله بنشوف وبتشاور ويصير خير
الجد عايش في الشمال ويعتبر من السكان القدامى للمنطقه وبيته كبير وواسع من بيوت أول بس مع التطور جدد عبدالله ولده البيت وصار كنه قصر وزوجه سعد الجده مريم
عبدالله ساكن مع أبوه في الشمال ومتزوج نوره وعنده ولدين " سعد ومحمد " وثلاث بنات " عليا وظبيه ومزون " يشتغل في شركه خاصه بالعايله
أما العيال
" سعد ومحمد "
سعد خريج هندسه ويشتغل في شركه للبترول وعمره 28 سنه ومحمد خريج يشتغل قطاع عام عمده 26 سنه أثنينهم عزابيه
والبنات " عليا وظبيه ومزون "
عليا خريجه بس ما تشتغل عمرها 24 سنه
ظبيه سنه ثالثه جامعه عمرها 21 سنه
مزون "بضم الزاي" سنه أولى جامعه عمرها 19 سنه دلوعه يدها وعندها أخو من الرضاعه راح تعرفونه من تسلسل الأحداث
عايشه عمة العيال عمرها 50 سنه أرمله وعندها ولد إسمه خالد عمره 23 سنه يشتغل مع خاله عبدالله في شركه العايله .
وعايشه من ترملت سكنت يم أبوها سعد في بيت خاص فيها ولولدها
يات أم سعد لغرفه البنات وقعدت مع بناتها شوي بعدها دخلت في السالفه إلي هي يايه عشانها
نوره أم سعد : عليا ترى ياج خطاب وأبوج مطرشني أشوف رايج
عليا وهي مستحيه : يوووه يمه بعدني صغيره على الزواج
نوره : علينا .. وهي تطالع بناتها ظبيه ومزون إلي ميتات ضحك على شكل إختهن وهي محمره
عليا : من الي تقدم لي ؟؟
نوره : والله واحد والنعم فيه ولد صديق أبوج وأنا أعرف امه نشوف بعض في المناسبات ولهم بنيه مزيونه الله يكتبها لسعد
عليا : إنزين بفكر وبستخير وبرد عليكم
نوره : خلاص فكري عدل وتشاوري مع خواتج تراه ما ينرد بيحط لج بيت خاص وهله ناس أياوييد وكل شروطج مجابه
وبعد ما طلعت إمهن قامن البنات يباركن لإختهن
ظبيه : والله البيت بيحلو بعدج برتاح من حنتج ههههههههه
عليا : وجع يوجع العدو ما دريت إني مضايقتج لهدرجه
ظبيه وهي تلم إختها : فديتج والله بالعكس بفقدج بتروحين وبتخليني بروحي
عليا : ليه ومزون وينها عنج ؟!؟
ظبيه : في ذمتج مزون فاضيه لنا ولا تشوفينها قاعده معانا
مزون : شسوي أحب أطلع مع يدي أركب خيل ، أتمشى في المزرعه ، أشوف حلالنا دام أبوي وإخواني ما يهتمون في شي
عليا : إنزين خفي شوي إهتمي بدراستج وعمرج
مزون : إلي يسمعج يقول إني راسبه ترى معدلاتي مرتفعه
ظبيه : ولا لبسها حشا صبي مب بنت
عليا : على قولة القايل مستصبنه " المسترجله "
مزون : شتبيني أسوي عشان أعجب حضره جنابج !!
ظبيه : حتى شعرج كل ما طال قصيتيه خليه يطول دايما حده لنص ظهرج شوفيني أنا وعليا نقعد عليه من الطول
مزون : خلاص مب قاصته بخليه يطول لعرسج وفكت شعرها شوفيه شحلوه لين نص ظهري شتبون بالطويل ؟
عليا : ما علينا من هالموضوع شرايكم في موضوع خطبتي
ظبيه : فكري زين وردي عليهم وإلي أعرفه إنج من زمان ما تفكرين في وظيفه كله تبين تتزوجين وتأسسين أسره وهذا المعرس وياج لا وأبوي راضي عنه وعنده إخت إمج وإخوج حاطين عيونهم عليها
عليا : أوكيه إلي فيه الخير بيقدمه ربنا
بعد إسبوع ردت عليا على أهلها بالموافقه وفرحوا لها والكل كانوا متيمعين في المجلس الداخلي وإلا ودخلت عمتهم عايشه عليهم
عايشه : السلام عليكم
الكل : وعليكم السلام .. إقلطي حياج
عايشه : ألحين لو خالد ما قالي كان أنا آخر من يعلم بنت إخوي تنخطب ولا حد يقولي
بو سعد : تعالي الغاليه ما بعد صار لين ألحين وأنا قلت لخالد يقولج إتيين عشان نتناقش مع بعض
عايشه : حطوني على بالكم عدل ترى ظبوي محجوزه لولدي خالد عشان ما يييكم حد بعدها تفكرون تقولون لي تراني قلت لكم من زمان وأنا أذكركم
ظبيه من سمعت هالكلام قامت ركض طالعه من المستحى
الجد : غربل الله بليسج يا عووش أحرجتي البنيه
عايشه : يبه لا إحراج ولا شي ذا الشي معروف من عادهم صغار
عبدالله : وأنا قلت لج ولدج خالد ولدي ولو كانت ظبيه موافقه ما عندي مانع بإني أملك بهم ألحين يكفي إنه يده بيدي وشايل عني الشغل وسوى إلي ما سووه عيالي
سعد : والله يالوالد ترى تخصصي هندسه بترول وإشتغلت بشهادتي في أكبر شركه بترول وهذا برضاك
محمد : وأنا بعد يبه تراني لو تبي أساعدك ما أقصر معاك ويدي على يدك ويد خالد
عبدالله : الله يبارك فيكم ما تقصرون .. المهم سعد ما تبي أمك تجس نبضهم من ناحيه البنت ولا نخلي السالفه بعدين ؟؟؟
سعد : لا يبه خلها بعدين مب حلوه ألحين بعد زواج عليا تشوف لي الموضوع
محمد : قلنا لكم بس من يقتنع !!
الجد : ذكرتوني ترى ولد خالي قلت له عن الموضوع وخذت رايه وإستانس وبييون ذا الإسبوع بدري عشان عندنا فرس تعبانه بنعالجها
مزون : أي فرس يدي ما قلت لي ؟؟
نوره أم سعد : بس وإنتي من سمعتي فرس تعبانه فزيتي إهيعي يا بنت ترى كبرتي والمزرعه ملها رياييل ؟
مزون : أي رياييل خالي بو سلطان وعياله الإثنين كلهم بحسبة إخواني
نوره : لا والله مب إخوانج واحد بس إخوج
الجد : الله يهداج يا بنتي يا نوره تراني معاها عمرها ما راحت بروحها والمزرعه مزرعتنا بالمناصفه مثل مالنا لهم
الجد وولد خاله بو سلطان ورثوا بالمناصفه مزرعه كبيره مب بعيده عن بيت الجد .. وبو سلطان ساكن في الدوحه هو وعياله وييون يوم العطل الرسميه للمزرعه ويسكن فيها يومين أما العطل الصيفيه فهي يا يكونون في المزرعه أو يسافرون برا
الجده أم عبدالله: ياربهم يايين كلهم
بو عبدالله : أكيد كلهم هم يقدرون ما ييون تعرفين أم سلطان تموت فيج وفي مرت ولدج ولا ولدهم فيصل حاشرهم يبي ييي ألحين قبل بكره
بو سعد : يحليله هو الوحيد من بدة إخوانه إلي يحب جو المزرعه المهم ترى غداهم بكره عندنا ما أوصيكم هالله هالله بالغدا السنع
أم سعد : أبشر بسعدك ما طلبت شي
مزون : يدي قوم الله يعافيك نروح نشوف الفرس وشفيها
الجد : خليها بكره عقب الريوق من الصبح بوديج قبل ما ييون الجماعه
مزون : إنزين الله يصبرني
اليوم الثاني
من الصبح الساعه 6:30
قامت مزون وعلى طول بعد ما لبست راحت ليدها لقته قاعد يتقهوى مع يدتها وأمها صبحت عليهم وتريقت معاهم
مزون : يله يدي قوم عشان نروح نشوف الفرس من البارحه وأنا أحاتيها
أم سعد : حشا الفرس صارت مثل وحده من هلج
مزون : يبتيها يا يمه
أم سعد : الله يخلف عليج يا بنتي
طلع الجد مع حفيدته المدللـه وراحوا للمزرعه وهم في الطريق سوالف وضحك وطبعا مزون هي إلي تسوق السياره
الجد : أقول محد خربج غيري مخليج تسوقين بي وأنا أضحك
مزون : يعلني أفداك يا بو عبدالله محد واقف معاي لين خذت الليسن غيرك مع إنهم مب راضيين وعلمتني ركوب الخيل من وانا صغيره
الجد : شوفي ترى السواقه بس قريب من هنيه وفي نطاق مزرعتنا وهذا شرط أبوج وإخوانج وأنا معاهم أما عن الخيل فلازم تخفضين من ولعج بها بكره لا تزوجتي ترى ريلج مب راضي إنج تركبين خيل
مزون : والله ريلي إلي في علم الغيب شرطي عليه لما أتزوجه مهري يكون عنده خيل ولا يقعد عند أمه
الجد : أقول إظاهر صدق خربتج مثل ما يقولون ههههههه
وصلوا للمزرعه وعلى طول راحت لاسطبل الخيول تتفقدهم وآمرت السايس يروح بعيد عشان تآخذ راحتها
الجد : لا تتاخرين لأن الجماعه على وصول
مزون : ماعتقد يدي ترى تو الناس
الجد : لا بو سلطان توه مكلمني ويقول بييون المزرعه أول بعدين بيروحون لبيتنا
مزون نست العالم لما دخلت الاسطبل وقعدت تدلع فرسها وتطمن على باقي الخيول وهفتها نفسها تآخذ شوط على ظهر العنيده " إسم فرسها " تلفتت يمين شمال ما شافت حد سمت بالله وركبت وقعدت تتمشى فيها في أنحاء المزرعه ...
شوي إلا وسياره قربت منها وما تدري وإلا بواحد يكلمها : هيييه إنتي من إلي عطاج الإذن تتمخترين قدام العالم
إلتفتت ونزلت وعدلت لبسها وسلمت على بو سلطان حبته على راسه وأم سلطان وسلطان ونوف تحضنهم ورحبت بهم وتجاهلت إلي كلمها
فيصل : إنتي ما تبين تسلمين علي ؟!!
مزون طنشته وراحت عنه
سلطان : شلونج مزون وشلون الأهل كلهم عساكم كلكم بخير ؟؟
مزون : بخير إنتوا شلونكم ؟؟
فيصل : لا والله سلمتي عليهم كلهم وأنا الوحيد الأقرب لج منهم ولا عبرتيني
مزون : لما تعرف تسلم بالأول أسلم عليك وإنت تعرف إني ما أحب حد يقولي هيه
فيصل : هههههههه ومسكها ولمها وحب راسها وفرص خدها عشان يحرها ويقهرها
شخبار أحلى إخت ؟؟؟ " فيصل إخو مزون بالرضاعه "فيصل :
إبو سلطان حمد رجل أعمال كبير وله عمر طويل في السوق ومتزوج هيا وعنده
أربع عيال
" سلطان وسعود وفيصل وثامر "
سلطان : كمل الثانويه العامه وإشتغل مع أبوه في شركتهم وعمره 30 سنه
سعود : يدرس طب في الخارج وبقى له سنه ويتخرج وعمره 28 سنه
فيصل : يدرس في الجامعه وعمره 20 سنه
ثامر : توه مخلص ثانويه عامه وعمره 18 سنه
لهم عمه أرمله إسمها نوف عمرها 26 سنه عايشه معاهم ..... يتبع
بنت من دآر بو مشعل @bnt_mn_dar_bo_mshaal
عضوة جديدة
*®*´¯`*.¸¸.*´¯`*®*´ لو كآن آلحب كلمآاآت تكتب ~ لأنهيت أقلآمي `*®*´¯`*.¸¸.*´¯`*®
5
1K
يلزم عليك تسجيل الدخول أولًا لكتابة تعليق.
الاميرة الهادئه
•
يسلمواوااااايدالقصه حلوه وياليت نهايتهابعد حلووووووووووه
يسلمواوااااايدالقصه حلوه وياليت نهايتهابعد حلووووووووووهيسلمواوااااايدالقصه حلوه وياليت نهايتهابعد حلووووووووووه
الله يسلمج حبيبتي ..
وشكرآ على مرورج ..
وشكرآ على مرورج ..
-·=»‡«=·-(الجزء الثاني) -·=»‡«=·-
شفني حبيبي وشف عيوني كيف تهواكـ
شف نار قلبي تشتعل يااااااااااااااااعيونيـ
اكذب عليك لو قلــت يـــوم انــي بنساكـ
وشلون ابنســاك وانـــت ســـبة جنونيـ
"تستاهل الحب" والغلا وكـــــــل ماجاكـ
واستاهل اني داخل بقلبك مشجـــونيـ
نسيني همي وكل حزني وكل مافـــاتـ
ونسيني كل منهو تركني ومن نسونيـ
" للشاعره لهفه الشوق "
بعد ما وصلت عايله بو سلطان وإستقروا في البيت اللي بالمزرعه راحت مزون مع نوف وقعدت شوي وإستأذنت منهم تسبقهم للبيت وهم بييون للغدا على راحتهم
أم سلطان : مزون حبيبتي صبر أبيج شوي وإنتي نوف تعالي باخذ رايكن في موضوع
مزون ونوف : تفضلي
كان فيصل في غرفته يستريح .. وسلطان توه بيدخل عليهم إلا ويسمع إسمه في السالفه وقف يسمع ؟!!
أم سلطان : مزون إنتي تعرفين غلاتج عندي وعشان كذا بغيتج في بيتي
مزون ونوف يطالعنها بإستغراب ما فهمن شي !!
أم سلطان : أبيج زوجه لولدي سلطان
وقلت أشاورج بما إنج بنتي قبل ما أكلم سلطان وهلج يعني فيصل أخوج من الرضاعه وسعود يدرس برا وبيقعد هناك وقت زياده وأنا خايفه تروحين لحد ثاني شرايج ؟؟؟
مزون : يمه فاجئتيني بالموضوع وعمره ما خطر على بالي لأني أعد عيالج بحسبة خواني ولو كان ولدج سلطان آخر ريال ما بفكر أتزوجه
وإلا وسلطان داخل عليهن في قمه إنفعاله : على فكره إنتي آخر وحده أفكر فيها يالبزر ههه ما عاد إلا البزارين ليش خلصن بنات الديره عشان أتزوجج وإنتي يا يمه الله يهداج المفروض تشاوريني قبل وألحين زين إن ولدج بكرج ينرفض من هالداداه
مزون : سلطان والله مب قصدي .......
قاطعها سلطان : قصدج ونص وإسمعي ترى ........
فيصل : هيييه إنت شلون تسمح لنفسك تكلم إختي بهالطريقه ؟؟؟
سلطان وهو موصل حده : مالت عليكم يالمبزره وتوه بيطلع إلا مزون تناديه : وقف سلطان أبيك شوي
سلطان : شتبين بقى عندج شي ؟!
أم سلطان : وقف وإسمع شتبي منك
مزون : سلطان أنا قلت إنك مثل أخوي يمكن ما عطيتك حقك من قدرك عندي ،
إنت أخوي وعزوتي وتاج راسي غصبا عن الراضي والزعلان ، والدليل رقمك مسجلته في تيلفوني بإسم " عزوتي " وطلعت تليفونها وخذت تليفونه وإتصلت منه على تليفونها وطلع رقمه على الشاشه بإسم عزوتي يتصل بك
فيصل بلقافه : وأنا مسجلتني بأي إسم ؟؟؟
مزون ما ردت عليه
فيصل : آفااا وإنتي كله مطنشتني !!
مزون : سلطان يوم كنت صغيره لا طحت ولا إنضربت أروح لمن تذكر رد علي إخواني سعد ومحمد مخليتهم وأعتز بمن ويوم إنفلعت وصب دمي من شلني وخيس ثيابه ووداني للمستشفى وهو بينهبل من الخوف علي .. رد ليش ساكت ؟
سلطان : كفايه مزون
مزون : لا عادني ما خلصت وعندي طلب ترى بتنفذه غصبن عنك
أم سلطان : هههههههه أول مره حد يتحكم فيك يا سلطانوه
نوف : أقول مزون وشو ذا الطلب إلي بينفذه وهو يضحك ؟؟
فيصل : وأنا كلي فضول أعرف
سلطان : آمريني يا صغيرونتي
مزون : آآه ألحين إنت سلطان أخوي تذكر لما تقولي هالكلمه أخوك سعود يتطنز عليك وعلي ويقول صغيرونه أهلها لا تنسى
سلطان يقولها وهو مستحي من كلامه لها : تدللي آمري
مزون : يكون بعلمك لما أتزوج وحط خط تحت كلمه أتزوج بيكون شاهدي إنت وإلي بيييب لي الدفتر أوقع عليه ولو ما فيها ملامه كان خليتك إنت إلي تدخلني يوم عرسي تزفني على عريس الغفله
سلطان : وأنا والله ومحمد رسول الله محد يخطب لي غيرج
الأم : أشوف تعديتني ؟!!
سلطان : لا يمه إنتي وعمتي نوف وصغيرونتي مع بعض ولا شرايكم ؟؟
نوف : شورك وهدايه الله يله إنت إنوها وعلينا الباقي
فيصل : أقول ترى ما تنعطين ويه سكت لج كل ذا الوقت قلت بتعرف قيمتي وإنتي ولا معبرتني بس دواج عندي
مزون وهي رايحه يم فيصل وتضحك : إنت حشاشه يوفي إنت إلي أقط غطى راسي قدامك ولا أهتم إنت .... وإنت ......
فيصل : إيه إكلي بعقلي حلاوه وكل الكلام الحلو حق سلطان
سلطان : مالت عليك تغار مني ؟!
فيصل : إيه أغار لما أشوفك تفضلها علي وتدلعها ياما كرهتك يومني صغير بسبه إهتمامك بها وأنا لا
مزون : ول ول كل هذا حاطه بقلبك !!!
أم سلطان : خلاص ياعيال إنتهينا وكنا ما قلنا شي وألحين خلونا نروح لبيتكم ونشوف الغاليين والله وحشوني
إلا تليفون سلطان يرن وكانت مكالمه من أمريكا من سعود أخوه
سلطان : هلا وغلا ببو حمد شخبارك ؟؟ واحشنا يالغالي
سعود : والله مشغول عارف إني هالسنه آخر سنه ولازم أطبق إلي درسته .. المهم إنتوا شلونكم ؟ وبشرني عن الوالده ..؟
وهو يتكلم خذت أمه السماعه وكلمته وبكت من شوقها له وسلمت عليه نوف وفيصل وآخر المكالمه قاله يسلمون عليك ناس !!
سعود : من ؟
فيصل : خذ كلمهم .. وعطى مزون السماعه بس هي ما خذتها
سعود : ألو .. ألو ...
فيصل : هلا سعود
سعود : من إلي عطيته السماعه وما يبي يكلمني
فيصل : وحده كله تسميك المغرور
سعود : هههههههه محد مغرور غيرها صغيرونه سلطانوه
فيصل : هيه تراها كبرت ولا هي مغروره
سعود : وإنت لين ألحين منصب نفسك دفاع عنها
فيصل وهو يغمز لمزون ويرسل لها بوسه : لين أموت وأنا فدوى لها ولعيونها الشهل
سعود : أقول تغازلها وترسل لها بوسه تراها إختك يا الشاذ
فيصل : يوووه صدق ما عندك سالفه هاك سلطان
سعود : سلطان إطلع شوي برا أبيك في كلمه راس
طلع سلطان : ها سعود بغيت شي ؟
سعود : الموضوع الى كلمتك عنه ذاك اليوم إيش سويت لي فيه ؟
سلطان : والله ياخوي شوري عليك انك تحطهم جدام الامر الواقع لان مافي يدك شي
سعود : تهقى أأجل السالفه لما ارد
سلطان : ماقدامك الا ذا الحل
سعود : عموما استودعك الله وبينا اتصال قريب
سلطان : مع السلامه .. ورد لهم داخل
لقى مزون راحت هي ونوف لبيت ابو سعد وأمه وفيصل قاعدين يسولفون ..
فيصل : يمه ترى بعد كم يوم بسافر مع النادي بنروح المعسكر صوب اسبانيا " فنسيا"
سلطان : كم يوم ان شاء الله ؟
فيصل : 17 يوم وبنلعب 5 مباريات وديه اول مباراه مع فوتشن الاسباني
سلطان : اي درجه ؟
فيصل : الثالثه وعلى الله نرد واحنا رافعين لياقتنا ونرفع من المعنويات وان شاء الله نرد وطموحنا نوصل لمنصات التتويج
سلطان : ههههههههه اتمنى .. يوووووه "الريان" من متى ماخذ كأس الامير هو كله يتأهل للنهائي ويخسر
>> ولاحد يزعل هع تراني ريآنيه
فيصل : لا لا الله لايقوله السنه غيير واحنى مهتمين بكل النواحي البدنيه والفنيه
سلطان : الله يوفقكم .. فصووول اشفيك احرجت اختك انت تعرف انها تستحي من سعود
فيصل : آآآوه وهي لين الحين ..
سلطان : هي عدها به من ست سنين كل جياته لنا في الاجازات كانت ماتشوفه ولا تصادفه فهي كبرت على عدم شوفته وهي ماخذه علي وعليك بس
فيصل : بس هو بيي بعد اقل من سنه ولازم تتعود على وجوده لان مثلك عارف احنا مع بعض دوم مب يوم
سلطان : ذيك الساعه يحلها الف حلال .. المهم انا طالع شوي وبييكم وقت الغداء في بيت عمي بو سعد
وراحت ام سلطان لرفيقة عمرها أم سعد وبعد السلامات .. اقعدن يتقهون ويتشاورون في خطبه عليا
في غرفه البنات
كانن قاعدات وهات ياضحك على عليا وهي تواعدهن يوم خطبنهن انها تردها لهن
نوف : انا خلاص ماتقدرين تردينها لي لاني جربت وخلصت
عليا : لا عادج صغيره والحياه قدامج وبييج نصيبج
نوف : ما أعتقد ومالي نفس اجرب بعد الي صار لي
عليا : شلي صار لج .. تزوجتي وترملتي وانتي صغيره
مزون : صحيح نوف عادج في 26 سنه ولا كلج حلاوه وجمال
ظبيه : اقول نوف سلفيني عيونج عشان اذبح خالد فيهم
نوف : حرام عليج عيونج احلا من عيوني ولا ناسيه شقالج عنهم ؟
ظبيه : أوه منكم انتوا ماتنسون شي ماني بقايله لكم شي مره ثانيه
مزون : شسالفه وخلود متى شافج عشان يتغزل في عيونج ؟
عليا : اووه انتي ماتعرفين بالسالفه تعالي بقولج
مزون : لا والله وانا وين يوم انكم سولفتوا مع بعض
عليا : والله كنتي عند يدج الغالي اتفحصون الخيل من اسبوعين
مزون : أنزين رجعت لكم ترى ماسافرت ليه ماقلتوا لي
نوف : اوه خلاص ياكثر ماتحنين قولوا لها وخلصونا
عليا : السالفه الله يسلمج ان ابوج طرش ظبوي لبيت عمتج لان كان يتصل عليها ولا ترد وقال لظبوي روحي بسرعه شوفيها وردي
ظبيه : أول شي ترددت لاني كنت خايفه اشوف خالد قالي ابوي وهو يضحك روحي تراه مب هناك مطرشه مهمه بعيييييييييده وكنت ببدل مخلاني قالي بسرعه وشفيه لبسج اخلصي
مزون : وشكنتي لابسه ؟
ظبيه : جلابيه عاديه نص كم ولا كنت متعدله المهم اني حاطه قلوووس وردي وقطت امي علي شال على شعري ورحت ركض لبيتهم ودخلت من الفريه
" الفريه تكون باب بين بيتين بحيث ان اهل البيتين يقدرون يتزورون بعض بدون محد يدري عنهم ولا يستعملون الباب الخارجي لكل حد مهم "
المهم دخلت ركض ولا علي من حد
ظبيه : عمووووه وينج ؟
ومحد يرد واروح ركض لغرفه عميمه الا اصك في واحد طالع مستعيل وارفع عيوني
والا خالد يطالعني وهو يفرك جبهته لاني دعمته ذيك الدعمه الي اخخخ سببت لي دوار في راسي بغيت اطيح مسكني في اخر لحظه وهو يسمي علي
خالد: اسم الله عليج اشفييج ظبيه شوي شوي ياربج ماتعورتي
ظبيه وانا منصدمه من الي انا فيه : هاه لا ماتعورت
وتوني بتحرك الا الاخ كان ماسكني تحركت ابغي امشي
خالد : ظبيه أشلونج ؟
ظبيه وهي تعدل الشال على راسها وتحطه على طرف وييها
ظبيه : الحمد الله بخير وعمتي وين ؟ ابوي مطرشني لها وقال لي انك مب هنيه
خالد وهو يضحك على حياها ويقول في نفسه يآآآآحبي لج فديت هالحيا
خالد : عمتج فالحمام تتسبح وانا كنت في الشغل ونسيت كم ورقه ومريت اخذهم
تو ظبيه بتمشي
خالد : ظبيه تو الناس اقعدي الحين امي بتلبس وبتيي
ظبيه : لا خلاص ابطيت بروح انت قول لها ان ابوي يبيها
خالد : اشدعوى ظبيه ترى انا ولد عمتج ولا أعض واحنا مخطوبين لبعض
وهو قال كلامه والبنت اشتعل خدها وويها من المستحى
خالد : فدييت هالغمازات الي ذبحني من يوم يومي
ظبيه : آوه خالد
خالد : لبيه يابعد كل طوايف خالد
ظبيه : وبعدين ؟
خالد : ظبيه لا تلوميني لا قلت لج اني متولع بج من عادني صغير وكلمه أحبج ولا شي بالي احسه تجاهج تدرين اني مسميج عسولتي ؟
ظبيه : تصدق عاد انك ماتستحي وتوها بتحرك إلا ودخله عمتها
عمتها : اي والله مايستحي ولدي لعنبوه أستح كلت البنت الحين بترفضك وانا توني مكلمه ابوها يخلي ملكتك مع ملكة اختها
خالد : قوووولي والله الغاليه ويطب يحب راسها ويدها وهو يطالع ظبيه بكل حب وحنان
ام خالد : أقوول قوم اطلع وبعدين اقولك على كل شي
خالد : يمه الله يخليج لي
ام خالد : ويخليك لي انت وام غمازات حلوه
خالد وهو طالع : أقوول هالغمازات ماركه مسجله لخطيبتي بس غيرها لا
ام خالد : تعالي يمه واعذريه من زود حبه لج
ظبيه : عموه كلمتي ابوي عن الملكه
ام خالد : ايه يمه
ظبيه : بس تو الناس عادني صغيره وباقي لي سنتين دراسه
ام خالد : معليه نملك بكم وبعد عشان يشوفج ويقعد وياج
ظبيه : لا عموه استحي اقعد وياه
ام خالد : ما ألومج ولدي شافج دقيقه وطار عقله لاملكنا كل يوم وهو مطيح عندكم وبتتعودين عليه هو صح ملقوف ومينعطى ويه بس حبوب
ظبيه: لا مب ملقوف هو جريء شوي
ام خالد : من الحين بدا الدفاع يابختك ياخويلد الله يسعدك ياوليدي
ظبيه : آآوه عمتي نسيت أبوي يبيج
ام خالد : ايه بتفق ان شاء الله على كل شي وتراج يالغاليه بتكونين في عيوني .. وضمن بعض
مزون : الله كل هذا ومحد يقولي .. ؟
عليا : نسينا المهم شصار اليوم في المزرعه مع الاخ سلطان
التفتت مزون على نوف وقالت : مسررررع ماتنقل الاخبار هنيه وشرحت لهم كل الي صار
نوف : مزون صحيح إنتي تستحين من سعود
مزون : إيه اخر مره شايفته وانا بزر عمري 13 سنه وهو بغل شكبره
نوف : عدلي ألفاظج بغل .. الريال دكتور ومنصب ورزه وانتي محلك سر ولا مانسيتي له إنه أيرج من شعرج ورزل فيج يوم انج بدون ماتقصدين خربتي أوراقه
مزون : لا مانسيت ولا ريال ير شعر بنيه ويهزها يمين وشمال
عليا : وشو يرج من كشتج قولي شسالفه الظاهر اليوم يوم الاعترافات المتأخره والذكريات الحلوه .. قوولي شسالفه ؟
نوف : الله يسلمج كانت مزون قاعده على مكتب سعود وتلعب في أوراقه وطاحت ورقتين تحت المكتب ويا وشافها قاعده وتطوطح بريولها على الكرسي الهزاز
ودخل وهاوشها وقعد يلم اوراقه وماحصل الورقتين لين تعب مالقاهن
سعود : انتي ام كشه وين أوراقي ؟
مزون : ما أدري انا ما لعبت في اوراقك ودور عدل ولاني ام كشه يالمغرور
" كان عمره 22 سنه ومزون 13 سنه وهي تسميه المغرور وهو يسميها ام كشه البزر "
سعود وهو يقرب منها ويرها من شعرها يالبزر يالعله وين اوراقي ؟
وفي هذي الاثناء دخل سلطان
سلطان : سعودوه شتسوي وير مزون منه
سعود : شوف أوراقي مهمه وبسافر بعد باجر وأبي اجهز كل شي والاخت قاعده تلعب على مكتبي
مزون : يالمغرور محد يا اوراقك وقعدت تدوور على الاوراق وقلتهم تحت المكتب وقطتهن في ويهه وهي طالعه مبوزه
نوف : وهذا الي صار ومن يومها ماشافوا بعض وكل واحد شايل للثاني ذكرى مب ذاك الزود
عليا : حررررركات .. المهم تعالوا قولولي باجر بيي عبد العزيز ويبي يشوفني المغرب والملكه على صلاه العشا وانا ميته من المستحى
أشلون يشوني بدون غطاء للراس ولا بعد محد منكم بيكون وياي والله حاله
نوف : هذي سنه الحياه .. زين شتلبسين بكره ؟
عليا : يعني شلبس شي غتر "جلابيه مغربيه " مثلا شي محتشم
ظبيه : لاتحملي بيقول عنج سووفاج شنو جلابيه ؟!! ترى النظره الاولى ماتنتسى وبعدين تراها نظره شرعيه إلبسي تنوره وبدي ملفت ولا أقولج بدي مشخلع
عليا : مشخلع في عينج ألبس جذي من أول مره بل شبيقول عني الريال ماشفت خير ولا ما صدقت على الله وبعدين انتي ناسيه انه ملكتج بكره وياي ياحلووه عاد البسي المشخلع انتي على الاقل ولد عمتج وباغيج ولا انا لا أعرفه ولا قد شفته
وقضوا اليوم كله يتكلمون ويخططون للي بيسونه باجر
شفني حبيبي وشف عيوني كيف تهواكـ
شف نار قلبي تشتعل يااااااااااااااااعيونيـ
اكذب عليك لو قلــت يـــوم انــي بنساكـ
وشلون ابنســاك وانـــت ســـبة جنونيـ
"تستاهل الحب" والغلا وكـــــــل ماجاكـ
واستاهل اني داخل بقلبك مشجـــونيـ
نسيني همي وكل حزني وكل مافـــاتـ
ونسيني كل منهو تركني ومن نسونيـ
" للشاعره لهفه الشوق "
بعد ما وصلت عايله بو سلطان وإستقروا في البيت اللي بالمزرعه راحت مزون مع نوف وقعدت شوي وإستأذنت منهم تسبقهم للبيت وهم بييون للغدا على راحتهم
أم سلطان : مزون حبيبتي صبر أبيج شوي وإنتي نوف تعالي باخذ رايكن في موضوع
مزون ونوف : تفضلي
كان فيصل في غرفته يستريح .. وسلطان توه بيدخل عليهم إلا ويسمع إسمه في السالفه وقف يسمع ؟!!
أم سلطان : مزون إنتي تعرفين غلاتج عندي وعشان كذا بغيتج في بيتي
مزون ونوف يطالعنها بإستغراب ما فهمن شي !!
أم سلطان : أبيج زوجه لولدي سلطان
وقلت أشاورج بما إنج بنتي قبل ما أكلم سلطان وهلج يعني فيصل أخوج من الرضاعه وسعود يدرس برا وبيقعد هناك وقت زياده وأنا خايفه تروحين لحد ثاني شرايج ؟؟؟
مزون : يمه فاجئتيني بالموضوع وعمره ما خطر على بالي لأني أعد عيالج بحسبة خواني ولو كان ولدج سلطان آخر ريال ما بفكر أتزوجه
وإلا وسلطان داخل عليهن في قمه إنفعاله : على فكره إنتي آخر وحده أفكر فيها يالبزر ههه ما عاد إلا البزارين ليش خلصن بنات الديره عشان أتزوجج وإنتي يا يمه الله يهداج المفروض تشاوريني قبل وألحين زين إن ولدج بكرج ينرفض من هالداداه
مزون : سلطان والله مب قصدي .......
قاطعها سلطان : قصدج ونص وإسمعي ترى ........
فيصل : هيييه إنت شلون تسمح لنفسك تكلم إختي بهالطريقه ؟؟؟
سلطان وهو موصل حده : مالت عليكم يالمبزره وتوه بيطلع إلا مزون تناديه : وقف سلطان أبيك شوي
سلطان : شتبين بقى عندج شي ؟!
أم سلطان : وقف وإسمع شتبي منك
مزون : سلطان أنا قلت إنك مثل أخوي يمكن ما عطيتك حقك من قدرك عندي ،
إنت أخوي وعزوتي وتاج راسي غصبا عن الراضي والزعلان ، والدليل رقمك مسجلته في تيلفوني بإسم " عزوتي " وطلعت تليفونها وخذت تليفونه وإتصلت منه على تليفونها وطلع رقمه على الشاشه بإسم عزوتي يتصل بك
فيصل بلقافه : وأنا مسجلتني بأي إسم ؟؟؟
مزون ما ردت عليه
فيصل : آفااا وإنتي كله مطنشتني !!
مزون : سلطان يوم كنت صغيره لا طحت ولا إنضربت أروح لمن تذكر رد علي إخواني سعد ومحمد مخليتهم وأعتز بمن ويوم إنفلعت وصب دمي من شلني وخيس ثيابه ووداني للمستشفى وهو بينهبل من الخوف علي .. رد ليش ساكت ؟
سلطان : كفايه مزون
مزون : لا عادني ما خلصت وعندي طلب ترى بتنفذه غصبن عنك
أم سلطان : هههههههه أول مره حد يتحكم فيك يا سلطانوه
نوف : أقول مزون وشو ذا الطلب إلي بينفذه وهو يضحك ؟؟
فيصل : وأنا كلي فضول أعرف
سلطان : آمريني يا صغيرونتي
مزون : آآه ألحين إنت سلطان أخوي تذكر لما تقولي هالكلمه أخوك سعود يتطنز عليك وعلي ويقول صغيرونه أهلها لا تنسى
سلطان يقولها وهو مستحي من كلامه لها : تدللي آمري
مزون : يكون بعلمك لما أتزوج وحط خط تحت كلمه أتزوج بيكون شاهدي إنت وإلي بيييب لي الدفتر أوقع عليه ولو ما فيها ملامه كان خليتك إنت إلي تدخلني يوم عرسي تزفني على عريس الغفله
سلطان : وأنا والله ومحمد رسول الله محد يخطب لي غيرج
الأم : أشوف تعديتني ؟!!
سلطان : لا يمه إنتي وعمتي نوف وصغيرونتي مع بعض ولا شرايكم ؟؟
نوف : شورك وهدايه الله يله إنت إنوها وعلينا الباقي
فيصل : أقول ترى ما تنعطين ويه سكت لج كل ذا الوقت قلت بتعرف قيمتي وإنتي ولا معبرتني بس دواج عندي
مزون وهي رايحه يم فيصل وتضحك : إنت حشاشه يوفي إنت إلي أقط غطى راسي قدامك ولا أهتم إنت .... وإنت ......
فيصل : إيه إكلي بعقلي حلاوه وكل الكلام الحلو حق سلطان
سلطان : مالت عليك تغار مني ؟!
فيصل : إيه أغار لما أشوفك تفضلها علي وتدلعها ياما كرهتك يومني صغير بسبه إهتمامك بها وأنا لا
مزون : ول ول كل هذا حاطه بقلبك !!!
أم سلطان : خلاص ياعيال إنتهينا وكنا ما قلنا شي وألحين خلونا نروح لبيتكم ونشوف الغاليين والله وحشوني
إلا تليفون سلطان يرن وكانت مكالمه من أمريكا من سعود أخوه
سلطان : هلا وغلا ببو حمد شخبارك ؟؟ واحشنا يالغالي
سعود : والله مشغول عارف إني هالسنه آخر سنه ولازم أطبق إلي درسته .. المهم إنتوا شلونكم ؟ وبشرني عن الوالده ..؟
وهو يتكلم خذت أمه السماعه وكلمته وبكت من شوقها له وسلمت عليه نوف وفيصل وآخر المكالمه قاله يسلمون عليك ناس !!
سعود : من ؟
فيصل : خذ كلمهم .. وعطى مزون السماعه بس هي ما خذتها
سعود : ألو .. ألو ...
فيصل : هلا سعود
سعود : من إلي عطيته السماعه وما يبي يكلمني
فيصل : وحده كله تسميك المغرور
سعود : هههههههه محد مغرور غيرها صغيرونه سلطانوه
فيصل : هيه تراها كبرت ولا هي مغروره
سعود : وإنت لين ألحين منصب نفسك دفاع عنها
فيصل وهو يغمز لمزون ويرسل لها بوسه : لين أموت وأنا فدوى لها ولعيونها الشهل
سعود : أقول تغازلها وترسل لها بوسه تراها إختك يا الشاذ
فيصل : يوووه صدق ما عندك سالفه هاك سلطان
سعود : سلطان إطلع شوي برا أبيك في كلمه راس
طلع سلطان : ها سعود بغيت شي ؟
سعود : الموضوع الى كلمتك عنه ذاك اليوم إيش سويت لي فيه ؟
سلطان : والله ياخوي شوري عليك انك تحطهم جدام الامر الواقع لان مافي يدك شي
سعود : تهقى أأجل السالفه لما ارد
سلطان : ماقدامك الا ذا الحل
سعود : عموما استودعك الله وبينا اتصال قريب
سلطان : مع السلامه .. ورد لهم داخل
لقى مزون راحت هي ونوف لبيت ابو سعد وأمه وفيصل قاعدين يسولفون ..
فيصل : يمه ترى بعد كم يوم بسافر مع النادي بنروح المعسكر صوب اسبانيا " فنسيا"
سلطان : كم يوم ان شاء الله ؟
فيصل : 17 يوم وبنلعب 5 مباريات وديه اول مباراه مع فوتشن الاسباني
سلطان : اي درجه ؟
فيصل : الثالثه وعلى الله نرد واحنا رافعين لياقتنا ونرفع من المعنويات وان شاء الله نرد وطموحنا نوصل لمنصات التتويج
سلطان : ههههههههه اتمنى .. يوووووه "الريان" من متى ماخذ كأس الامير هو كله يتأهل للنهائي ويخسر
>> ولاحد يزعل هع تراني ريآنيه
فيصل : لا لا الله لايقوله السنه غيير واحنى مهتمين بكل النواحي البدنيه والفنيه
سلطان : الله يوفقكم .. فصووول اشفيك احرجت اختك انت تعرف انها تستحي من سعود
فيصل : آآآوه وهي لين الحين ..
سلطان : هي عدها به من ست سنين كل جياته لنا في الاجازات كانت ماتشوفه ولا تصادفه فهي كبرت على عدم شوفته وهي ماخذه علي وعليك بس
فيصل : بس هو بيي بعد اقل من سنه ولازم تتعود على وجوده لان مثلك عارف احنا مع بعض دوم مب يوم
سلطان : ذيك الساعه يحلها الف حلال .. المهم انا طالع شوي وبييكم وقت الغداء في بيت عمي بو سعد
وراحت ام سلطان لرفيقة عمرها أم سعد وبعد السلامات .. اقعدن يتقهون ويتشاورون في خطبه عليا
في غرفه البنات
كانن قاعدات وهات ياضحك على عليا وهي تواعدهن يوم خطبنهن انها تردها لهن
نوف : انا خلاص ماتقدرين تردينها لي لاني جربت وخلصت
عليا : لا عادج صغيره والحياه قدامج وبييج نصيبج
نوف : ما أعتقد ومالي نفس اجرب بعد الي صار لي
عليا : شلي صار لج .. تزوجتي وترملتي وانتي صغيره
مزون : صحيح نوف عادج في 26 سنه ولا كلج حلاوه وجمال
ظبيه : اقول نوف سلفيني عيونج عشان اذبح خالد فيهم
نوف : حرام عليج عيونج احلا من عيوني ولا ناسيه شقالج عنهم ؟
ظبيه : أوه منكم انتوا ماتنسون شي ماني بقايله لكم شي مره ثانيه
مزون : شسالفه وخلود متى شافج عشان يتغزل في عيونج ؟
عليا : اووه انتي ماتعرفين بالسالفه تعالي بقولج
مزون : لا والله وانا وين يوم انكم سولفتوا مع بعض
عليا : والله كنتي عند يدج الغالي اتفحصون الخيل من اسبوعين
مزون : أنزين رجعت لكم ترى ماسافرت ليه ماقلتوا لي
نوف : اوه خلاص ياكثر ماتحنين قولوا لها وخلصونا
عليا : السالفه الله يسلمج ان ابوج طرش ظبوي لبيت عمتج لان كان يتصل عليها ولا ترد وقال لظبوي روحي بسرعه شوفيها وردي
ظبيه : أول شي ترددت لاني كنت خايفه اشوف خالد قالي ابوي وهو يضحك روحي تراه مب هناك مطرشه مهمه بعيييييييييده وكنت ببدل مخلاني قالي بسرعه وشفيه لبسج اخلصي
مزون : وشكنتي لابسه ؟
ظبيه : جلابيه عاديه نص كم ولا كنت متعدله المهم اني حاطه قلوووس وردي وقطت امي علي شال على شعري ورحت ركض لبيتهم ودخلت من الفريه
" الفريه تكون باب بين بيتين بحيث ان اهل البيتين يقدرون يتزورون بعض بدون محد يدري عنهم ولا يستعملون الباب الخارجي لكل حد مهم "
المهم دخلت ركض ولا علي من حد
ظبيه : عمووووه وينج ؟
ومحد يرد واروح ركض لغرفه عميمه الا اصك في واحد طالع مستعيل وارفع عيوني
والا خالد يطالعني وهو يفرك جبهته لاني دعمته ذيك الدعمه الي اخخخ سببت لي دوار في راسي بغيت اطيح مسكني في اخر لحظه وهو يسمي علي
خالد: اسم الله عليج اشفييج ظبيه شوي شوي ياربج ماتعورتي
ظبيه وانا منصدمه من الي انا فيه : هاه لا ماتعورت
وتوني بتحرك الا الاخ كان ماسكني تحركت ابغي امشي
خالد : ظبيه أشلونج ؟
ظبيه وهي تعدل الشال على راسها وتحطه على طرف وييها
ظبيه : الحمد الله بخير وعمتي وين ؟ ابوي مطرشني لها وقال لي انك مب هنيه
خالد وهو يضحك على حياها ويقول في نفسه يآآآآحبي لج فديت هالحيا
خالد : عمتج فالحمام تتسبح وانا كنت في الشغل ونسيت كم ورقه ومريت اخذهم
تو ظبيه بتمشي
خالد : ظبيه تو الناس اقعدي الحين امي بتلبس وبتيي
ظبيه : لا خلاص ابطيت بروح انت قول لها ان ابوي يبيها
خالد : اشدعوى ظبيه ترى انا ولد عمتج ولا أعض واحنا مخطوبين لبعض
وهو قال كلامه والبنت اشتعل خدها وويها من المستحى
خالد : فدييت هالغمازات الي ذبحني من يوم يومي
ظبيه : آوه خالد
خالد : لبيه يابعد كل طوايف خالد
ظبيه : وبعدين ؟
خالد : ظبيه لا تلوميني لا قلت لج اني متولع بج من عادني صغير وكلمه أحبج ولا شي بالي احسه تجاهج تدرين اني مسميج عسولتي ؟
ظبيه : تصدق عاد انك ماتستحي وتوها بتحرك إلا ودخله عمتها
عمتها : اي والله مايستحي ولدي لعنبوه أستح كلت البنت الحين بترفضك وانا توني مكلمه ابوها يخلي ملكتك مع ملكة اختها
خالد : قوووولي والله الغاليه ويطب يحب راسها ويدها وهو يطالع ظبيه بكل حب وحنان
ام خالد : أقوول قوم اطلع وبعدين اقولك على كل شي
خالد : يمه الله يخليج لي
ام خالد : ويخليك لي انت وام غمازات حلوه
خالد وهو طالع : أقوول هالغمازات ماركه مسجله لخطيبتي بس غيرها لا
ام خالد : تعالي يمه واعذريه من زود حبه لج
ظبيه : عموه كلمتي ابوي عن الملكه
ام خالد : ايه يمه
ظبيه : بس تو الناس عادني صغيره وباقي لي سنتين دراسه
ام خالد : معليه نملك بكم وبعد عشان يشوفج ويقعد وياج
ظبيه : لا عموه استحي اقعد وياه
ام خالد : ما ألومج ولدي شافج دقيقه وطار عقله لاملكنا كل يوم وهو مطيح عندكم وبتتعودين عليه هو صح ملقوف ومينعطى ويه بس حبوب
ظبيه: لا مب ملقوف هو جريء شوي
ام خالد : من الحين بدا الدفاع يابختك ياخويلد الله يسعدك ياوليدي
ظبيه : آآوه عمتي نسيت أبوي يبيج
ام خالد : ايه بتفق ان شاء الله على كل شي وتراج يالغاليه بتكونين في عيوني .. وضمن بعض
مزون : الله كل هذا ومحد يقولي .. ؟
عليا : نسينا المهم شصار اليوم في المزرعه مع الاخ سلطان
التفتت مزون على نوف وقالت : مسررررع ماتنقل الاخبار هنيه وشرحت لهم كل الي صار
نوف : مزون صحيح إنتي تستحين من سعود
مزون : إيه اخر مره شايفته وانا بزر عمري 13 سنه وهو بغل شكبره
نوف : عدلي ألفاظج بغل .. الريال دكتور ومنصب ورزه وانتي محلك سر ولا مانسيتي له إنه أيرج من شعرج ورزل فيج يوم انج بدون ماتقصدين خربتي أوراقه
مزون : لا مانسيت ولا ريال ير شعر بنيه ويهزها يمين وشمال
عليا : وشو يرج من كشتج قولي شسالفه الظاهر اليوم يوم الاعترافات المتأخره والذكريات الحلوه .. قوولي شسالفه ؟
نوف : الله يسلمج كانت مزون قاعده على مكتب سعود وتلعب في أوراقه وطاحت ورقتين تحت المكتب ويا وشافها قاعده وتطوطح بريولها على الكرسي الهزاز
ودخل وهاوشها وقعد يلم اوراقه وماحصل الورقتين لين تعب مالقاهن
سعود : انتي ام كشه وين أوراقي ؟
مزون : ما أدري انا ما لعبت في اوراقك ودور عدل ولاني ام كشه يالمغرور
" كان عمره 22 سنه ومزون 13 سنه وهي تسميه المغرور وهو يسميها ام كشه البزر "
سعود وهو يقرب منها ويرها من شعرها يالبزر يالعله وين اوراقي ؟
وفي هذي الاثناء دخل سلطان
سلطان : سعودوه شتسوي وير مزون منه
سعود : شوف أوراقي مهمه وبسافر بعد باجر وأبي اجهز كل شي والاخت قاعده تلعب على مكتبي
مزون : يالمغرور محد يا اوراقك وقعدت تدوور على الاوراق وقلتهم تحت المكتب وقطتهن في ويهه وهي طالعه مبوزه
نوف : وهذا الي صار ومن يومها ماشافوا بعض وكل واحد شايل للثاني ذكرى مب ذاك الزود
عليا : حررررركات .. المهم تعالوا قولولي باجر بيي عبد العزيز ويبي يشوفني المغرب والملكه على صلاه العشا وانا ميته من المستحى
أشلون يشوني بدون غطاء للراس ولا بعد محد منكم بيكون وياي والله حاله
نوف : هذي سنه الحياه .. زين شتلبسين بكره ؟
عليا : يعني شلبس شي غتر "جلابيه مغربيه " مثلا شي محتشم
ظبيه : لاتحملي بيقول عنج سووفاج شنو جلابيه ؟!! ترى النظره الاولى ماتنتسى وبعدين تراها نظره شرعيه إلبسي تنوره وبدي ملفت ولا أقولج بدي مشخلع
عليا : مشخلع في عينج ألبس جذي من أول مره بل شبيقول عني الريال ماشفت خير ولا ما صدقت على الله وبعدين انتي ناسيه انه ملكتج بكره وياي ياحلووه عاد البسي المشخلع انتي على الاقل ولد عمتج وباغيج ولا انا لا أعرفه ولا قد شفته
وقضوا اليوم كله يتكلمون ويخططون للي بيسونه باجر
مرحبا ,.
القصه شكلها ما أعجبتكم ..
انا ماحصلت أردودكم ..
واذا القصه مو عاجبتكم أنا ماراح أنزل الأجزاء البافيه ..
القصه شكلها ما أعجبتكم ..
انا ماحصلت أردودكم ..
واذا القصه مو عاجبتكم أنا ماراح أنزل الأجزاء البافيه ..
الصفحة الأخيرة