اخباركم حبيباتي
انا بطرح لكم ماهي مشكله لكن شي يضايقني اود انا اعرف ارائكم وخبراتكم في مجال مشكلتي :44:
انا فكرة اشتري جوال لمي هديه من عندي لها
واستشرة خواتي قلت لهم وشو رايكم في جوال الجالكسي وجوال ان 8 وجوال ان 97
قالوا ماتصلح لمي وكلها لمس وماتنفع وربي جلست اسبوع كامل وكل يوم اسئلهم
قالوا شوفي اي جوال اهم شي مايكون لمس
قلت طيب وماخليت محل جوال برياض الا واتصلت واسئل واتصلت على 3 محلات بجده واتصلت على محلين في المدينه
وطفشت من كثر ماتصل واسئل عن الجولات لين حصلت على جوال اسمه 6700 وروعه وناعم وطلبت الجوال هذا لمي وكان اخوي طلب جوال ان 97 لمس وصلني امس
وجبته لمي قلت هذا لك مني قالت الله يكبر حظك
بعدين فكته وشافت شكله تغير وجها ماعجبها مره
قالت شاشته صغيره جت وشافت جوال اخوي قالت كان شريتي لي مثل هذا الجوال
قلت والله كنت بشتريه بس هم عارضوا قالوا مايصلح لها وشو اسوي انا شفت لك الافضل
بعدين جاء ابوي وقال لمي وروني الجولات قامت امي واخذة جوال اخوي وقلت لمي امسكي جوالك وقولي له انه مني
قامت واخذته ورمته على الكنبه وطنشته ولا اهتمت فيه
بعدين جت اختي ودخلت الشريحه فيه وجيت انا دخلت الارقام وكل شي فيه
طبعا ماتدري بس انا سئلت اختي قالت امي تقول خلي الشريحه فيه ودخلي ارقامي قلت حلو
يوم جاء الصباح صحتني ومعصبه قالت الحين مين قالك دخلي الشريحه من زين الجوال ومابغاها وتهاوش علي ورجعي ارقامي ورجعي الشريحه في جوال القديم :mad:
والله انقهرة امس بكيت من رميتها واليوم كمان
شوي تتصل خالتي وتكلمها وتعلمها بالسالفه
قالت ملقوفه حتى جوال صاحي مافكرة تشتريه جوال لو احد بيشتريه 100 بعته وسبت كثير وجت اختي قالت معفن مدري شلون فكرة تشتريه قالت المشكله ابغا ارجع الشريحه ارقامي الي هناك انمسحت ودخولها في ذا الجهاز
يوم سكرة قلت لها خلاص هاتي جوال ادخلك شريحه وانسخ الارقام قالت لا خلاص روحي ترى الي فيني كافيني قلت الجوال بعطيه اخوي هديه واشتري لك مثل جوال اخوي قالت لا مابغا شي وخلاص
:44:والله ماقصرة وربي كنت بشتري لها جوال الجالكسي ب2000 ومن فلوسي بس خواتي عارضوني :icon33:
وربي ماقصرة ماخليت محل الا وكلمته
بذلت مجهودي وماقصرة
اخر شي ترفض هديتي ولا حتى فرحت فيه
وتعصب علي كمان :icon33:
ايش رايكم:44:
من امس الى الحين وربي دموعي ماهي راضيه تتوقف :icon33:
هذا الجوال الي شريته لمي
وخذيها نصيحه من وحده فاقده أمها في عز إحتياجها لها مهما قالت ومهما
سوت يكفيك أنها حواليك ياليت أمي فيه وتصفقني صباح وليل مو إعتراض
الحمد لله على كل حال الله يحفظلكم أمكم ويخليها لكم ولا يحرمكم رضاها