لو كنتوا مكاني وش الحل!

الله يعينك من زمان و أنا أشوفك متضايقه من اخوك العله
الحين وش يبي بأختك و هي تحتاجك اكثر منه انتي اعرف لها و بمتطلباتها
ليش يتعلق فيها بقوه لا هو اللي تزوج و ريحك و لا انتي شفتي حياتك
اذا تعرفين احد مقرب من الرجال يكلمه تاخذين اختك معك
يا عمري لا تخلينها في هالدنيا مالها إلا أنتي
و خلي ولدك يعقد عليك ماشاءالله رجال بس تفاهمي مع اخوك بخصوص اختك


اخوك ماعنده مشكله تتزوجين بس ماسك يدك باختك كأنه أبتزاز
اختك تقدر تتكلم و تسولف معك اللي بخاطرها ؟
ودي افهم سر تعلق اخوك هل هو خايف من الفقد ام يحس أختك من ريحة امك الله يرحمها بالذات قلتي انها ولدت فيها بعدها توفت فيرحمها كونها يتيمه

جيلو احمر


مستحيل اتخلا عن اختي
هي قطعك من روحي
الحمدلله تتكلم وتفهم
لو فعلا يحبها يتركها معاي لان هي تبيني وعيالي
ودام الرجال راضي خلاص
تعبت منه ادعوا لي يتزوج ويبعد عو حياتي

أجل خلاص توكلي على الله و أجزمي و خلي ولدك يعقد عليك بس عطي خبر أخوك أن قررتي

هذي حياتك يجي يوقفها ليش

توكلي على الله و الله يكتب لك السعاده بتربية الأيتام

انا بصراحة ماأيد زواجك وعندك اخت وبنت ماشاء الله بنات ينخاف عليهن من زوج الام الاخت...لكن اذا ماعندك مصروف وبحاجة لمن يصرف عليكي فمن حقك لكن يااختي الخوف ع بنتك واختك هذا مهما كان الرجال يبقى غريب عن اختك وبنتك بتكون ربيبه
واخوك ماتقدر تخلي اختك عنده دام مايأدي فروضه وصلاواته
دام اللي بتأخذيه خلي بنتك واختك لهم جناح مستقل مايشوفهن ابدا ....لان بهالعمر البنتين تخافين عليهن اكيد ماشاء الله كبرن ويلفتن النظر
واخاف تخسري اخوك عشان زواج ممكن يفشل ....مهما كان اخوكي ادرسي كل الاحتماليات واستخيري
مع اني ماايد زواجك وعندك مسؤولية بنتين بهالعمر وبتاخذيهن معك...والقرار اولا واخيرا يرجع لك
وش موقفك ولدك يعقد لك واخوك موجود معناته تزوجتي بدون موافقته ماحسبتي حساب لهشي...ترا الرجل اذا عرف ان المراءة اخذته غصب عن اخوها بيعرف انها خسرت سندها ولابيقدم لك حياة افضل ماعنده...فانتبهي لنفسك وقرار الولد بداله ولد والزوج بداله زوج بس الاخ مابداله اخ...واهلك متوفين الله يرحمهم انتبهي تخسرين اخوكي الوحيد اللي من ريحة اهلك عشان رجال
وبالنسبه لصلاته ادعي له هذا بينه وبين ربه وان شاء الله به خير والله يهديه...انك لاتهدي من احببت ولكن الله يهدي من يشاء...عم الرسول عليه الصلاة والسلام كان فيه خير ولا اسلم وام ابو بكر رضي الله عنه كانت كويسه بس مااسلمت...الله يهديه بس لاتخسريه عشان رجل انتبهي اختي والله بتحسفين حاولي تقنعيه مااقتنع لعلها خيره لاتخسرينه وتكسرين نفسك
استخيري يااختي وزواجك ذا حطي احتماليه كمان انو مايستحمل يصرف عليكي وع اطفالك واختك تبين تجربين جربي بعد الاستخاره
والله يكتب لك اللي فيه الخير يارب

السلام عليكم و رحمة الله و بركاته
اخوك ما دام لا يسيء معاملتك إذن هو ليس مضيق عليك كثيرا و بالنسبة لما يقوم به ربما لأنه فعلا يرى أنه لا يجوز اختك تعيش مع رجل اجنبي(طبعا هو مخطئ في هذا لأنه اختك مريضة و تحتاجك ) لكن ما أريد قوله هو أنه حتى و لو ولدك ممكن يزوجك حاولي أن تقنعي اخوك حتى يوافق أفضل لأنه يبقى اخوك و لا يمكن أن تستغني عنه حتى و إن تزوجتي هذا بالإضافة إلى أنه ربما اخوك يفعل هذا لأنه يحبكما انت و اختك و تعود على وجودهما بالبيت ☺.
ربي يسر امورك ءامين