لو كنتو مكاني وش تسوون؟

اول شي رمضان كريم بنات و الله يتقبل منا جميعا قبل كم يوم صارلي موقف للحين قاهرني و مو قادره انساه كل شوي اذكره انا عمري ١٨ سنه و عايشه مع ابوي و زوجته صارلنا عايشين معهم شهرين ونص صراحة بنات الحق ينقال من جينا عشنا معاهم و هي كويسة معي و مع خواتي تطلعنا بسيارتها و الي حسيته من تعاملها انها تحبنا
قبل ٤ ايام كنت جالسه جنب ابوي كالعادة بعد الفطور اجلس واسولف معاه بس هالمره كنت اسولف مع اختي و زوجه ابوي كانت موجوده كانت سوالفي انا واختي عادية مررة و كان واضح ان زوجه ابوي مو عاجبها كل شوي كانت تتدخل بسوالفنا رغم اني يبنات لما احد يتدخل بيني انا واختي اتنرفزززز بالعادة بس هالمرة سكت المهم كملنا سوالف وهي كل ما نطقت كلمة قاطعتني و بنفس الوقت تناظر ابوي و تتكلم (صح اني ما فهمت وش قالت له لانها اجنبيه بس والله يبنات متاكدة تتكلم عني) المشكله انها من ردودها حسستني اني جالسه اهاوش اختي ! بس لاااا كنا نتكلم عادي و كل وحدة كانت عندها رأي مخالف كنت اقول لاختي وجهة نظري و اختي نفس الشي المهم بعدها قاطعتني مرة ثانية قالت لي انتي دايم تحبين تثبتين انك الصح و مو لازم كل شي تسويه تقولي لنا عشان تورينا انك تسوين اشياء كويسة انا على طول تذكرت موقف صار زمان الموقف هو كنا نتغدى و انا كنت متحمسة لاني شفت طريقة هنا بالموقع كانت طريقة تساعد على قراءة سورة البقرة بيوم و قلت لابوي عنها و اني ببدا اسويها يبنات فجأة ناظرتني قالت لي انتي تقرين قران عشان ربك ولا عشان ابوك؟ استغربت قلت لها طبعا عشان ربي قالت لي اجل لا تقولين لابوك خلي بينك و بين ربك المهم فهمتها اني متعوده اقول كل شي لابوي و بالعكس هو يشجعني لما اقوله وانا احتاج هالتحفيز فا سكتت و ما تكلمت
عرفت انها تقصد هالموقف ما بكذب عليكم بنات وقتها تنرفزت قلت لها تراه ابوي من حقي اقول له الي ابيه تخيلو قامت تضحك لما شافتني معصبه و ناظرت ابوي و تكلمت معه(طبعا ما فهمت كلامها بس الاشارات الي سوتها واضحه كانت تقصد بنتك تتكلم كثير) بابا قال لا تعصبو دلوعتي (يقصدني) صراحة انصدمت
بس كذا ؟؟ هذا رد عليها ؟؟ انا بنته ليش ما سكتها و دافع عني ؟ عصبت منه و عصبت من نفسي لاني بكيت اانقهرت يبنات لاني سمحت لها تنرفزني
عقب الي صار كل شوي اتذكر الموقف وكيف كانت تضحك لما عرفت اني ابكي وطبعا دعيت عليها، بنفس الليلة و قبل ننام ابوي خلانا نتراضى و هي حضنتني و اعتذرت بس انا للحين معصبه من نفسي تمنيت لو دافعت على نفسي تمنيت لو ما بكيت بس شسوي ما قدرت امسك نفسي ما اتحمل الاستفزاز و الدم البارد
اسفة بنات لاني طولت بس حبيت افضفض اعتبروني اختكم...