وحيده 111 @ohydh_111

محررة برونزية

لو كنتي بمكاني كيف راح تتصرفين

السلام عليكم يابنات

انا مواقفي مع اهل زوجي ماتنتهي ولاتخلص وسبق نزلت كذا مووووضع عن مواقفي معهم الي تجرح

انا ماراح امدح نفسي لان مداح نفسه كذاب بس شوفوا انا وش اسوي وهم وش يسوون
زوجي عنده اخوان مشاء الله مستقلين بحياتهم وبيوتهم ملك ورواتبهم حلوه مشاء الله تبارك الله
وعنده اختين متزوجات مالي قلوبهم الغيره والحسد والعياذ بالله ويتظاهرون بالطيبه ازواجهم شداد عليهم واهالي ازواجهم كذالك لذالك ينتقدوني بكل شي شريت لبس انهبلوا طلعت تمشيت انهبلوا
عنده اخت مو متزوجه تدرس بالجامعه
انا ساكنه بجناح فوق اهله وبابي مو مستقل كل طلعاتي لازم يدرون عنها

الحين بقولكم اول ماتزوجنا قلت لزوجي خصص مبلغ لامك ومبلغ لاختك احتايجات البنات كثيره ومكافة الجامعه ماتكفي وفعلا طبقناها اول شهر وبدات تضيق ماديتنا بسبب قروض على زوجي ولايصفى من الراتب شي فقررنا نخلي المقطوعه الي لامه واخته اذا تحسن الوضع

وضع زوجي المادي سيئ جدا وصدم بسيارته وراحت تشليح عطته امي مبلغ كبير لشراء سياره ونقص 4000 عطته امه المبلغ امي قالت اذا تيسرت معكم سددوها مع العلم امي وضعها سيئ مطلقه لادخل ولاراتب ولا شي هي بحاجة الفلوس مع ذالك ماطلبتها وامه لو تسمع صوت كيس معنا تقول راحوا يتقضوون ماسددو الي اطلبهم

اخته الي كنت ارحمها واقول مكافئتها ماتكفي وخصصنا لها مبلغ
اذا تخرج احد من اخوانها او ترقى او صار اي شي راحت شرت له جاتوه وانا زوجي صار لها عمليه ماهان عليهم يجبون خاطره لو بقهوه وشاي بمناسبة خروجه بالسلامه امي الله يطول عمرها ذبحت ذبيحه وجابت العشاء لبيت حمولتي
ترقى زوجي ولاهان عليهم يقولون مبروك مع انه الضعيف في اخوانه

كل هذا مايهم
انا انسانه من النوع الي احب اطبخ واتفنن بالطبخ واكثر وانزل لاهله ماعمري سمعت شكرا او يعطيها العافيه انا ما انتظر منهم حمدا ولا شكورا ومازال هذا عاده فيني اطبخ وانزل وبين فتره وفتره اسوي قهوتي وحلاي وانزل اتقهوى مع امه وابوه او اناديهم عندي فوق رغم اني جناحي صغير مره وكان ساكن فيه حريم اخوانه قبل ولا عمرهم رقوا اهل الزوج عندهم بس انا فاتحه لهم الباب وهم من زود التدخل عندهم مفتاح لجناحي وانا ماودي بس وش اقول

من خذيت ولدهم وانا بحالي ومسالمه اتنرفز من الدق والحكي ومن كل الي يصير وارجع بيتي ابكي وجاني سكر وضغط لاني مريت بظروف صعبه منهم واسكت اشكي لزوجي يقولي تكلمي ردي اعتبارك مابي اتكلم ويطلعوني غلطانه اسمع الدق واسكت وربي

اخر موقفين صارت

طلعنا حديقه وجلس اخو زوجي يستهبل بسيكل ولد اخته قالت امه عسى ماشر يافلان وش فيك انهبلت قال انا عاقل يايمه بس فلان هو الي خربني يقصد زوجي قالت امه لاوالله وليدي حليو وطيب ماخرب الا يوم جت عنده فلانه هي الي علمته علوم شينه ماعلمته علوم زينه قهرتني وربي خنقتني العبره اي علوم شينه علمته تحملت الضيم والقهر واخرتها انا علمته علوم شينه

الموقف الثاني حضرت معي زواج ولد عمي قالت ليه ربعكم قرويين مع العلم كان بقاعه فخمه جدا جدا جدا وما اشوف انهم قروى مو لانهم اهلي لكن لاني اعرف اميز الناس هي ام زوجي الي من قريه وقراوى بجد حتى بزواجي كل الناس يقولون اخوات العريس ماكنهم اخواته كنهم ضيووف عاددين لاكشخه ولا لبس لا ميك اب زي الناس

وقالت لي اكيد اهل العروس اخذوا القاعه مستحقره ان اهلي ياخذون قاعه فخمه زي كذا

وقالت لي من البيض الي يرقصون قلت عماتي قالت لا البيض قلت ايه عماتي مستهينه باهلي مو من مقامها مع العلم ان ام زوجي تكون بنت خالتي يعني فيه قرابه بينا

يابنات انا تعبت والله مرات اقول انا على خطاء بس مو حاسه وامسك زوجي واقوله بين اخطائي قال ماشفت منك خطاء بس لاتسكتين ردي
وهذا الشي مابيه لاني ماعرف ارد ابكي ويدق قلبي قبل اتكلم

يابنات انا من دخلت على هالبيت وانا متنكده منهم يسبون في قبيلتي واهلي الفان السنتهم طويله والفلان السنتهم وصخه مع العلم انهم ماقد سمعوا مني صوت او اهانه او كلمه وصخه
يقولون الفلان بخلاء وامي وهي حرمه ماتعشيهم الا ذبايح

وحده من اخوات زوجي ااي شي علي تنتقده وانا ادري انه غيره وذبني هالشي منها والثانيه تقولي خافي الله ليه تحرمين امي من ولدها وانا والله وربي ماربطته عندي 3 مرات يوميا يشوف اهله الباب الي بينا اساسا مفتوح بس حرق قلبي كلامها

هذا نقطة من بحر الهم

اه يابنات وش غلطت فيه علموني

يلزم عليك تسجيل الدخول أولًا لكتابة تعليق.

تسجيل دخول

ʟσvє мє • 13 سنة

غلطتك انك طيبه وماعندك شخصيه لازم تكون ثقتك بنفسك قويه الزوج واهله يحبو الحرمه القويه ياخوفي بكرا زوجك يصير زيهم صدقيني لازم تقووووي شخصيتك حاولي ماراح يفيدك سكوتك وتقعدي تاكلي بنفسك ماراح تضري الا صحتك حقك خذذذذيه حتى لو كان تافه حسبي الله زمن مايرحم الطيب:(

.همس الليل. • 13 سنة

الله يعينك ويصبر قلبك..

أم ميان الحلوه • 13 سنة

اولا الله يكون بعونك
تانبا ما لك الا حاجتين ياتردي عليهم وتحطي حد لكل شخص يغلط عليك باستثناء امه(ام زوجك) لانه ست كبيره ويمكن تصغري بعين زوجك لاني تطاولتي على امه
او
اسكتي عنهم وطنشيهم ولاتردي على احد فيهم واذا قالوا شي ابتسمي ولاكانك سمعتي شي
صدقيني راح هما يدوروا على رضاك ويشيلوكي على رووسهم
وخلك بزوج وبس
وادا عالكلام لاتهتمي كله غيره وحسد وحقد
ويارب يسعدكم وهدي بالكم

وحيده 111 • 13 سنة

انا مدري كيف ارد اعتباري وكيف اتصرف معهم كرهت النزله لهم والجلوس معهم وقالو كابر راسها ماتبينا ياربيه انا مابيكم لاني انسم اذا قعدت معكم وش يبوني اسوي :(

وحيده 111 • 13 سنة

امين ام ميان الله يسعدك