لو كنتي مكاني .........!!!!

السلام عليكم ورحمة الله وبركاته

اخواتي في المنتدى حابة اطرح عليكم مشكلتي اللي اترددت كثير فيها بس صار لي يومين بس افكر فيها

امكن البعض يشوفها تافه بس اللي يده في المويه مو زي اللي يده في النار

مشكلتي انا عندي بنتين بس يعني ماجبت ولد صح انه بدري بس انا في مجتمع شغله الشاغل

اللي ماتجيب اولاد من اول بنت وانا اسمع كلمات تجرح بس كنت ماابالي ابدا ولا اعتبر اني سمعت شيء

وبعد فترة حملت ومن الشهور الاولى كنت اسمع كلام اني ماراح اجيب اولاد وكلام والله يبكي بس والله

ماكنت احط في بالي شيء لان هذا رزق من الله والحمدلله على كل حال كانت وحده تقولي ترى مجتمعنا

يعتبر اللي ماتجيب اولاد مسكينة طبعا لانها عندها اولاد والبعض يقول لزوجي ابو البنات

المهم ولدت وجبت بنت والله اني فرحت فيها كثير وزوجي فرح ونسينا اننا نبغى ولد وهذا بفضل الله وقدر الله

على اني احمل هالمرة ومعاي ثلاث من العائلة حوامل المهم انا لسه ماادري اش عندي واللي يجي من الله

حياه المهم اني اقوم بالسلامة وطفلي يكون معافى يارب المهم وحدة من هالحريم طلع عندها ولد وجاء وحدة

وقالت لي ترى فلانة عندها ولد الله يولدها بالسلامة والله ثم والله اني فرحت لها من كل قلبي واخذت الموضوع عادي

وقبل يومين جاءت الثانية عندي وسمعت امها تقولها لاتقولي ان فيك ولد عشان الحسد المشكلة انها اعز وحدة

في حياتي حتى امها اعتبرها امي حاولت اصارحه في الموضوع حسيت انها تصرف وهذا اللي خلاني اتأكد من اللي

سمعته والله نفسيتي زفت من هالموضوع بالذات لانه من اعز انسانه اتمنى اني فاهمة الموضوع غلط ولا هالصدمة

وغير هذا كثيييييير الله يصبرني

اسفة على الاطالة بس اتمنى انكم تحطوا مكاني وتنصحوني وش اسوي ولا تنسوا من فرج كربة عن مسلم في

الدنيا فرج الله عليه كربة من كرب الاخرة