لو كنتي مكاني......!!!!!!؟؟؟؟؟

اهلين بنات,,,,,,اول شي اشكر كل من مر على موضوعي ..واتمنى انكم تحلون مشكلتي..


انا مشكلتي مع اهل زوجي....
اهل زوجي فيهم نوع من الوقاحه<<<اعتذر عن هذي الكلمه بس والله من قهري..

اهل زوجي يحبون يتدخلون بزوجات اولادهم..في الصغيره والكبيره..ما اقصد انهم يعلمون اخوانهم عن زوجاتهم او يتشكون منهم لا ..هم يقهرون بطريقه غير مباشره..انا ابتكلم عن نفسي
مثال,,,,,انا ساكنه بمدينه وهم بمدينه وانا وزجي عندنا غرفه في بيتهم...وحنا اذا رحنا ننام عندهم..كم يوم وكم يوم عند اهلي في نفس مدينتهم..المهم ...في عيد الاضحى اللي فات..بعد ما خلصو الرجال ذبحو الضحايا وحنا الحريم خلصنا شغلنا بعدها رقيت لغرفتي..ابقولكم بالتفصيل علشان تفهمون..(((غرفتي عباره عن غرفة نوم صغيره..وحمام الله يكرم السامعين..وموزع اللي بين الحمام والغرفه تقريبا مترين في متر..هذا الموزع..فيه زي الدولاب هذا الدولاب يحطون فيه الصابون والشامبو..والمناديل..((مع العلم ان فيه غرفه قريبه عند غرفتي فاضيه..ما فيها الا المكوى ودولاب الجزم..الله يكرمكم..))
والغرفه هذي كبيره..
المهم تخيلو يدخلون غرفتي ويطلعون اذا كنت مو موجوده في البيت..يعني غرفتي صايره زي المستودع..)))
انا قلت لكم التفاصيل علشان تفهمون زين انهم وسيعين وجه وعادي يدخلون في غرفتي....
المهم رقيت بعدها..زوجي بعد الضحايا..طبعا ملابسه وصخه ودم وفضلات غنم ..يعني بالعربي خياس..المهم انا في نفس اليوم ابروح لاهلي..قمت نزلت الملابس وحطيتها عند الشغالات علشان يغسلونها..((للمعلوميه انا اذا كنت عندهم ما انزل الا ثياب زوجي علشان يغسلونها يعني ثيابي ما انزلها اخذها معي علشان اغسلها في بيتي))
رحت لاهلي جلست عندهم تقريبا اسبوع او اقل..وزوجي بعد العيد سافر,,المهم رجعت لهم بعد اسبوع رقيت لغرفتي..توقعو وش لقيت..لقيت الملابس اللي نزلتها محطوطه في الغرفه ..انا عصبت انجنيت...نزلت عند الشغالات..وسألت وحده منهم قلت لها من رقى الملابس الوسخه اللي نزلتها في العيد..قالت الشغاله..فلانه اللي هي اخت زوجي..قلت انتي رقيتيهم قالت لا انا حطيتهم في الدرج وهي رقتهم..
للمعلوميه عندهم اربع شغالات..
وش هالوقاحه تدخل غرفتي وانا مو موجوده ؟؟
وش هالوقاحه ترقي الثياب ثانيه بعد ما نزلتهم..؟؟؟
مع العلم انهم مايلمسون شي في البيت حتى كلوتاتهم يخلون الشغالات يغسلونها..يعني كل ما نزلت ورقيت القى سله وش كبرها عند الدرج حقت البنات وفيها ملابسهم مغسله ومكويه بعد..والبنات كبار اللي في سنهم متزوجات وجايبين عيال..
وشلون !!تبغاني انزل واغسل الثياب مع الشغالات..ولا اخذ ثياب زوجي معي عند اهلي واخلي شغالة اهلي تغسلهم؟؟؟؟؟؟؟
انا طبعا ما قلت لزوجي الا بعد الموقف اللي ابقوله لكم بعد شوي..
طبعا هم اسلوبهم كذا دايما..
وزوجي يقولي تقربي منهم ..بس هم والله يخلون الواحد يكرهم..
الموقف الثاني..
مره كان عندهم عزيمه في البيت وانا توي جايه وزوجة اخو زوجي جايه معي في نفس السياره..يوم وصلت تفاجأت ان عندهم عزيمه في الليل ومجهزين الاكل وكل شي انا ما حسبت حسابي وما جبت ملابس سهره..وزعلت ليش ما عطوني خبر وسلفتي اللي جايه معي عارفه ان
فيه عزيمه..
المهم انا زعلت وجلست بغرفتي ..
جا زوجي بالليل قال ليش ما تنزلين ترى فيه حريم قلت مصدعه وابي انام..
الساعه 10 ونص بالليل يعني الحريم بيتعشون..جت وحده من بناتهم وقالت انزلي ترى فيه حريم..قلت ابي انام مصدعه..
معقوله الساعه عشر ونص يقولون انزلي؟؟؟؟؟؟؟؟؟؟؟؟؟؟؟؟؟
من بكره رحنا طلعنا وانا سويت كل العشاء زوجي كان عازم اهله..والله ولا وحده من اخواته قالت اساعدك..وبعد ما تعشو..ولا وحده قالت الله يعطيك العافيه حتى..(( للمعلوميه العشاء كان ل25 نفر تقريبا)).....
قلت لزوجي انهم ما يقدروني ويحقروني قال انتي حساسه انتي من اهل البيت لازم يعزمونك..قلت ما قلت يعزمزني يعطوني خبر زي ما عطو مرت اخوك قال يمكن انتي مادقيتي عليهم هالاسبوع قلت داقه وما قالو شي..

المهم زوجي قال لا تكونين حساسه..
قبلهابكم يوم كنت شاريه لاخته المتزوجه هديه..علشان مناسبه والله اخوها ما درى عن المناسبه وانا اللي صجيته..وكل يوم اقوله يالله..نشتري الهديه..
بعد الطلعه اللي طلعناها..رحت لاهلي وما عطيتها الهديه انسدت نفسي..وقلت لزوجي عطها انت الهديه واكتب بس اسمك قال لا علشان خاطري ابكتب اسمك وتعالي معي وانا اعطيها والله انها بتفرح...قلت يالله ما عليه علشانك بس....وكتبنا اسمي واسمه على البطايق..كانو بطاقتين..
المهم يوم عطيناها الهديه..وانا واقفه تخيلو..تقول شكرا يا اخوي ياخزياه فيك يا اخوي..الله يعافيك والله ما فيه داعي ..يوم جا ولدها قالت شف وش جاب لك خالك..قله شكرا يالله قله شكرا..................................وانا ما قالت لي ولا كلمه تخيلو مع العلم انها قاريه البطايق قبل ما تشكر في اخوها وعارفه انها مننا انا وزجي مع بعض....والله من القهر طلعتو قعدت اصيح..
والله ما نطقت ولا كلمه لي وانا اللي تاعبه ومقدرتها..مع انها ما قدرتني....
قلت لزوجي شفت اذا قلت لك اهلك يحقروني قال انتي بسرعه رحتي..ما جلستي معنا الا دقيقتين ..قلت له في هالدقيقتين هذي فيه 120 ثانيه وتقدر تقول مع كل ثانيه كلمة شكر وانا ما ابغى الا كلمه وحده يعني ثانيه وحده..وشلون ما قدرت...وقلت له عن اللي صار قبل..سالفة الثياب والطلعه..قال معليش امسحيها بوجهي..وانا ما ابغاك تقولين لهم شي او تردين عليهم بكلمه حتى لو يغلطون....
ومو هذا بس اللي يصير منهم اشياء كثيره..
ومن امهم اللي هي خالتي..كلهم ملاقيف وحبون الشر..
معقوله بنات كل مره امسحها بوجهه على حساب كرامتي؟؟؟؟؟؟؟؟؟؟؟؟؟؟؟؟؟؟؟؟
جاوبوني تكفون..

وآآآآآآآآآآآآآآآسفه جدا على الاطاله,,,,,,,,,,,,,,,,,,,,,,,,,,