أختي الله يصلح لك عيالك ويسخر لك زوجك وعياله أحترت كيف أنصحك ووش أكتب صح المسؤوليه صعبه وثقيله بس والله راح تجنين ثمرتها قريب عيال زوجك خلاص كبار كلها سنوات قليله وراح تصرين تعتمدين عليهم أنا قبل كنت ماحب كثرة الاولاد في البيت أحب الهدؤء والراحه وزوجي يحن علي يبي أجيب الواحد ورا الثاني وانا طبعا أقوله أهم ماعلي صحتي ونفسي والحين تو اقتنعت في رايه لما كبر ولدي خ سند لي لما اتعب يساعدوني ولازهقت يونسوني بالبيت حسهم مالي علي الدنياودايم ولدي يقولوا ماما ليش مالي اخوان كثير زي عيال خالتي ويلومني انه وحيد بين بنتين صدقيني العيال سند لك ونعمه من الله لاتفكرين ابد انهم مو عيالك انسي انهم عياله من اليوم اعتبريهم عيالك ورزق ساقه ربي لك عامليهم انك امهم الناس يتمنون ريحه الولد وانتي ربي عطاك ضعف فلاترفسين النعمه بيدك والرسول صلى الله عليه وسلم وصانا في اليتيم من اليوم قولوا خلاص هذولي عيالي ولاتفرقين في المعامله وخليهم ينادونك ماما صدقيني راح ترتاحين وراح تشوفين الخير في الدنيا قبل الاخره ولاتقولين انا صغيره وبجيب عيال ربي قادر يبتليك ويحرمك من هالنعمه لاسمح الله مابي اخوفك واعرف وحده تحاول في زوجها تكفل ايتام يقربون لزوجها وهو موراضي وهي عندها عيال .

حبيهم وأحتويهم ولاتخلين الشيطان يفرق بينكم وبعد بقولك قصه وحده عيالها من كبرت تزوجوا ونسوها وعيال زوجها اللي ربتهم قاموا بها وصاروا أحسن من عيالهاوهم اللي لو طزة الشوكه مايبونها تلمسها سبحان الله الواحد مايدري الخيره وين فيه

كثرة العيال حلاتها في لاكبروا التوا عليك بسوالفهم وضحكهم ويملون عليك الدنيا بيصيرون اهلك وكل شي بحياتك وبدعيلك الله يوفقك ويعينك على عمل الخير.

المشكلة كلها في زوجك
لو هو يخاف الله ويراعيك كنتي صبرتي على اولاده عادي
بس هو غاسل يده من المسئولية وهذي المشكلة

خذي منه موقف حازم
ولازم احد كبير يكلمه

اختي ماالومك الوحده مننا يالله تشيل مسؤوليه عيالها فمابالك بأيتام لكن بقولك على شغله يمكن هالايتام لو احسنتي تربيتهم يبرون فيك لاكبرتي افضل من عيالك احتسبي الاجر وربي بيجازيك على تربيتهم كل خير.