رمضانكم مبارك وكل عام وانتو بخير بعد الزحمه .
أولا هذا المعرف مو لي لصديقتي فلا تستغربون المواضيع والردود .
الموضوع إني أنا بنت عمري 27 سنه و بدون ما امدح نفسي فيني كل المواصفات اللي يتمناها أي رجل
انخطبت كثير قبل كذا ولكن لأني معلمه صرت أشك إن كل من يتقدم لي طمعان براتبي خاصة إن أغلبهم أصغر مني سنا و رواتبهم ضعيفه و دخلهم على قدهم و بصراحه واضح إنهم طمعانين بالراتب لأنهم يعرفوني من زمان وما خطبوني إلا بعد ما توظفت
و أنا أرفض تماما أتزوج واحد أصغر مني و لكن للأسف كل اللي أكبر مني أغلبهم تزوجوا أو منفصلين .
مالكم بالطويله ، تقدم لي رجل فيه كل المواصفات المناسبه لي ، عمره مناسب ودينه و أخلاقه ومستواه المادي و لكن .... مطلق ولديه ولد وبنت
و الولد والبنت في حضانته أمهم تنازلت له عنهم ولا تسأل فيهم
الرجال كويس بصراحه وفيه كل ما تتمناه أي امرأه بس أنا خايفه من تحمل مسؤولية أولاده و أمي تقول خذي فقير و ما عنده أولاد أحسن من غني وعنده أولاد .
وأنا بصراحه عارفه إن أمي كل همها كلام الناس لأنه من قبيله غير قبيلتنا بالاضافه لظروفه اللي ذكرتها .
على الرغم إنه قال لأهلي أنا |أبغاها زوجه لي ومالها شغل في أولادي راح أجيب لهم مربيه .
بس أنا أحس إنه حتى لو جاب لهم مربيه راح يكونون مسؤوليتي برضو وراح يكونون ورايا ورايا
شوروا علي يا أخواتي والله محتاره والموضوع صار له فتره و أنا معلقته لأني متردده و ما أدري إيش أسوي .
طبعا أنا استخرت كثير و الله يكتب اللي فيه الخير لكن ما يمنع استشير أخواتي .
كل وحده تدخل تقول لو كانت مكاني توافق أو لا ، و إيش أسبابك في حالة الرفض والقبول ؟
تحياتي لكم جميعا
اولا تقولين انه مايعيبك شئ + انك موظفه + بازيدهم من عندي
فليش تدفنين نفسك مع شخص سبق له الزواج !
انا لو مكانك .. راح ارفضض .. لانه ماناقصني شئ .. ليش ادفن نفسي مع شخص معه اطفال ومتزوج قبلي وعارف الحريم
وكمان مو انا فرحه حياته ..
مم وايه .. لا تنجرفين كثير .. لانه الان يفرش لك الارض ورود .. ومربيه ومااردي ايش ..
فما تدرين ايش الخافي بالمستقبل .. حكمي عقلك واختاري مستقبلك بعقل ويعيد عن الكلام اللي يقوله ..
يعني خلي تفكيرك منطقي وعملي ..
وعموما الله يكتب لك اللي فيه الخير ..