جهزي بعد الولادة ......
بس اخذي ملابس للنونو من 0 الى 3 اشهر

السلام عليكم ورحمة الله وبركاته ان شاء الله تنجح عمليتك ويرزقك بالذرية الصالحة السليمة دينا وخلقا وخلقة اللهم آمين.
بصراحة انا ودي افيدك بي مالي خبرة بمحلات اليبيي في السعودية لكن يتهيألي انا تقريبا نفس اللي بالكويت ويمكن بعد تجيلك فرصة وتجين الكويت وتنورينها شوفي اختي بالنسبة لمحلات تجهيزات البيبي عندنا وايد : عندك ناتالي وهو محل فرنسي اذا ماكنت غلطانة وعنده كاتالوج بالسراير وغيرها من مستلزمات البيبي اللي ممكن تطلبينها اذا مو متوفرة في المحل وعندهم شغلات وايد حلوة مميزة وكشخة ومودرن, محل جاكادي , محلات مذر كير معروفة طبعا. فيه ماركة شيكو بعد . محل لغز الأطفال هذول يبيعون هدوم استقبال للبيبي وهدوم عملية ولفات راقية وماركات كشخة وهمن عندهم تجهيزات للبيبي . عندك محلات سنتر بوينت (لاند مارك سابقا) وعندهم كل تجهيزات البيبي بس اكثرها عملي وحلو وناعم لكن ماهو ماركات كشخة يعني يعتبر عملي وظريف للبيت والطلعات العادية لللأهل وعندهم كل الملابس واجهزة البيبي المطلوبة لكن عندهم أجهزة البيبي مثل العربانات والسراير وهالشغلات حلوة وماركات كشخة وعملية في نفس الوقت وعندهم الرخيص والغالي وفي محلات لحظة من فضلك ولحظات عندها أجهزة قليلة للبيبي لأنهم مو مختصين فيها لكنهم مختصين بالملابس وبدلات التقديم الراقية الكشخة وعندهم أطقم كاملة الفستان او البدلة مع لفة التقديم والحذاء والشراب وكله ماركات باربريز وديور وغيرها من هالشغلات الحلوة وفيه بعد محل ديبنهامز عنده هدوم حلوة وأكياس تقديم لليبيبي وعندك محلات اللجين عندهم تجهيزات للبيبي ومحلات آدمز عندهم هدوم وشغلات حلوة للبيبي .

بالنسبة اللشغلات اللي لازم تجيبينها: عربانة للبيبي مع الكارير وهو كرسي هزاز صغير متنقل يجي عادة طقم مع العربانة تحطين البيبي فيه وتاخذينه معاكي وتقدرين تثبتينه بالسيارة عندك بكل أمان, غلاية خاصة للممات (البزازات) لتعقيمها, مجموعة بزازات حتى لو البيبي راح يرضع طبيعي مالك غنى عنها لشرب الماي واليانسون والحليب عند الضرورة ويفضل ان اغلبها تكون بحجم صغير لأن البيبي مايتهلك كميات كبيرة, حامل للبزازت مثل سلة صغيرة ترصينهم فيها راح يكون شكلهم أنيق ومرتب, مصاصات للضرورة, فوط للاستحمام تنشفيتن فيها البيبي وياريت تجيبيله روب استحمام بعد يكون شكله جميل, سيدريات بأحجام وألوان مختلفة ويفضل اللي تكون مبطنة بنايلون بلاستيك عشان ماينزل شي على هدوم البيبي خصوصا انه يكون كثير الترجيع في افترة الأولى طبعا هالسيدريات جيبي منهم النوع العملي مال البيت وجيبي منهم النوع الكشخة مال الاسقبال والطلعة تدرين كل بدلة اسقبال لازم معاها سيدريتها اللي تمشي معاها, مونيتور لمراقبة البيبي عن بعد ويفضل اللي ينقل الصوت والصورة معا, ترمومتر لقياش درجة حرارة الغرفة يعلق على الحائط يعطي شكل جميل حسب ديكور الغرفة وترمومتر اخر لقياس درجة حرارة الطفل, مكان تبديل وتغيير حفاظ الطفل ما اعرف اسمه بالعربي لكن منه انواع يكون فيها بس ارفف لهدوم البيبي وتكون مكشوفة او على شكل أدراج مسكرة وعلى القمة فيه حوض للأستحمام وعليه غطا بحيت تسعملينه لتغير حفاظ اليبي وتغيير ملابسه وانا افضل هالنوع بدل ما البيبي يتبهدل وتسبحينه في الحمام وفي نوع ثاني بس عبارة عن غطاء لتغيير حفظ وهدوم البيبي وتحته ارفف اكشوفة لملابسه من غير حوض فشوفي اي نوع تفضلين, فوط صغيرة توضع على كتفك عشان لما تنيمين البيبي على كتفك لاخراج الهواء ما يوصخ هدومك وايضا ممكن تستعملينها لمسح فم الطفل ووجهه, اسفنجة ناعمة مخصصة لتحميم البيبي, بودرة مخصصة للبيبي مع بعض العطورات الخفيفة المخصصة للبيبي, طقم مشط وفرشاة لشعر البيبي مع مقراضة صغيرة لتقليم اظافره, شرابات, أحذية للبيبي طبعا في ناس يقولون ماله داعي هذا ياهل ولا يمشي ولا شي بس باصراحة حلات الكشخة تصير كاملة يعني اذا الياهل ملبسته وامكشخته وحافي راح يطلع شكله كلش مو حلو ومبهدل وطبهعا في احذية كشخة للخروج والاسقبال واحذية عادية عملية, لفات كشخة ولفات عادية, فانيلات بكم او نص كم او حفر حسب الجو اللي راح تولدين فيه وانا افضل انك تجيبين كم فانيلة لف (اووفر لاب) عشان المستفى تدرين الممرضات مالهم خلق فأسهل لهم هالنوع وجيبي النوع العادي اللي بطباقي من تحت لاستعمالك انتي او شوفي اللي يناسبك, راح تحتاجين لزقات الكحول لتطهير السر, ماء الغريب, هدوم اوفر اوولات وايد للبيت وللطلعة وجيبلك بعد شغلات رسمة للخروج والاسقبال, جاونتي تلبسينه البيبي عشان ما يخدش وجهه بأظافره , كم طاقية شكلهم ظريف وحلو, كم مشمع للبيت وواحد للطلعات , شنطة مستلزامات البيبي جيبي وحدة عملية للطلعات العادية وجيبي وحدة كشخة طع طقم الغرفة ككل وعادة هالنوع يجي معاه مشمع منه وفيه ومعاها طقم البزازات ووغيرها .

بصراحة هذا اللي اذكره الحين انا ما عندي عيال لكن حامل الحين بالشهر 6 وجبت جزء من اغراض البيبي لما كنت حامل اول مرة بس اجضت لكن عندي خبرة من اختي وأمي كنت علطول معاهم في أمور تجهيز البيبي ويحبون الشغلات المميزة والذربة. ان شاء الله اكون أفدتك واذا تبين أي توضيح انا في الخدمة وانا اذا تذكرت شي ثاني بعد راح اكتبه.

وعلى فكرة ماله داعي تبتدين من ألحين نطري بس الله يسهل أمورك على خير وبعدين جهزي يعني على السادس او السابع لكن ما يمنع انك كل ماتنزليم السوق تجيبين لك كم غرض بس لا تتعبين نفسك من ألحين ونصيحة لا تعتمدين على الهدايا هذا ان شا ءالله بيكون اول بيبي ونفسك تجيبين له على مزاجك ومو كل الهدايا تيجي على مزاجك يعني في شغلات تافهة ممكن تجيبن جزء منها وتتركين الباقي على الهدايا بحيث انها لو ما عجبتك تكونين جايبة منها جزء على الأقل لكن في شغلات وايد مهمة ما تقدرين تعتمدين فيها على هدايا الناس الا لو كانوا مقربين جدا منك مثل اختك ووالدتك .

الله يتمم عمليتك على خير وعلى فكرة ماله داعي تتكلمين عن تجهيز البيبي وايد لما تحملين ان شاء الله بصراحة عيون الناس ماترحم انا في نفس الأسبوع اللي ابتديت اجهز فيه أجهظت وكنت حامل بتوام والأثنين ماتو حمدلله على كل حال.

يارب ان العملية تنجح وان شاء لله لاحقه على هالامور لسة بدري :D

الله ينولك اللي بالك ياااااااااااااااارب ..