لو كنت غبية قولوا لا تستحون

كتبت موضوعي هدا في قسم الحياة الاسريه ولكنني لم اجد الحل وعرفت ان انسب مكان هو هدا القسم لانه فعلا مشكله اجتماعية واتمني من كل اللي يدخلون يقولون رأيهم حتي اعرف مصيري وين؟؟؟؟؟؟

0000قد يكون طلبي غريب وقد تقولون اللي يبيعك بيعيه او الزم ماعلي الانسان كرامته 00
لكن اسمعوا قصتي من البداية وان رأيتم اني لست علي حق فقولوا فما كتبت لكم الا طالبة العون والمشورة منكم 00
قبل زواجي كانت علاقتي باهل زوجي اكثر من ممتازة ولكن بعد الزواج لااعرف مادا حصل...
في بداية زواجي كنت احاول جادة ان اتقرب من اهل زوجي وكانو يعتبروني مجرد تسلية لهم للسهر والافلام والمجلات فإن لم تتوفر لا يجلسوا معي.. وكانو دائرة مغلقة يبعدوني عنهم وانا اشاورهم في كل شئ وفي كل سفر لازم اعرض عليهم يسافروا اقول حرام بنات ومايخرجوا00 حتي في شبكه اخت زوجي شاورتهم اني البس ساري هندي لكن اخته الثانية قالت لا البسي فستان ناعم احلي واشيك00 وقدرالله اني لا احضر الشبكة فإدا بي اتفاجأ ان اخت زوجي لابسه ساري زعلت لكني كتمت في نفسي وكنت اقولها دحين فلانة تتزوج وانتي تجلسي لوحدك تقولي الله يعيني وتمثل دور البريئة وطلع ان زواجها بعد اختها بثلاث اسابيع فقط وتضحك علي00
وكرهوني في سلفتي وكرهو زوجي في اخوه وكنت ادا جيتهم يقولو قومي الغرفة الثانية ويدخلو اخوهم ويجلسو معاه ويتركوني لوحدي ويجي زوجي يشوفني كدا ويزعل وانا كنت اقوله خلاص انا راضية اقوم لكنه ما يرضي ويعتبرها اهانة لي00
وهدي الحركه تتكرر حتي في طلعات البر وكل الجمعات00
وبصراحة اخواته البنات مع انهم اصغر منه لكنه يتريقو ويضحكوا عليه ولو معاه اولادي يبدأوا يضحكو فيهم فصار يحس بقلة قيمته عندهم .. حتي في زواجات اخواته ماندري الا قبل الشبكه بيوم يقولو انتم معزومين0

وانا طبعي هادية وكلامي علي قدي لكنهم لازم اكون اراجوز لهم عشان ارضيهم وانكت او يستقبلوني ببرود واسير استحي اني جالسة معهم ودايم يحسسوني اني اقل منهم في كل شئ00

كتبت قبل مشاركه اشكي حالي منهم والبنات ماقصروا زادوا ثقتي 00
وقررزوجي نبعد شويه يمكن نقدر نرتاح00


لما بعدت عنهم شفت ان سلفتي انسانة رائعة عكس ماقالو وصرت احاول ازورها 00 وشفت اني بدون مجامله احلي منهم وجسمي اروع وانا ماأمدح نفسي لكن عرفت انهم يغاروا مني00

الان احاول في زوجي اني اواصلهم وابر امه وابوه000 صراحة عمتي طيبه جدا لولا التأثير الخارجي00 وعمي من بداية زواجي وهو مجافيني ويعاملني غير اخواتي والله اني ابكي واقول معقوله ان دنبي اني متزوجه ولده وهو مو راضي عن طيشه وهو صغير يبقي للان00 خصوصا بعد مامات ابوي صرت اشوف فيه صوره ابوي لكني كل ماقابلته زادت جراحي 00 انا افكر كمان في اولادي ايش دنبهم يكبروا ومايلقوا لهم عائلة تضمهم0 والله صرت احس اني وزوجي ايتام ضايعين00 قولوا ايش اسوي عشان اكسبهم 0 نفسي اعرف ليه معاديني انا وزوجي00 والله مو دنبي ان زوجي مايزورهم انا اساسا مايبغاني اطلع لهم كل شوي 0بس في المناسبات0

ياناس ابغي ام زوجي تكون امي اللي محرومه من حنانها وهي عايشة00
ابغي ابر عمي زي ابوي ماكان يحبه00
والله من الدموع موقادره اكتب...........