لو كنت مكاني شو بتسوين فيها ؟؟؟

السلام عليكم
شحالكم بناات
انا اليوم وااايد ضايجه ومن امس ما رقدت
وعندي مشكله الله يحقق كل لي في بالها لي بترد علي
:( عندي شغاله اندونيسيه لها عندي 5 شهوور نظيفه ومرتبه وعارفه شغلها زين
وريلي الله يخليه لي انا اقوم بكل واجباته يعني معودتنه انه ما يطلب من الشغاله اي شي انا اسويله كل شي
وهي فهمتها من اول ما يت المكان اللي بيكون فيه تطلع على طووول وشهاده لله دايما عينها في الارض
بس من كم يوم كانت يايبه شي وما تدري اني في الغرفه وزوجي كان مجابل الباب فقامت تنادي على ولدي بطريقه ما عيبتني انا مشيتها
وامس طلب منها ولدي شي وزوجي كان وااقف وانا ما كنت وياهم بس اقدر اسمعهم ورجعت نادت عليه بنفس الطريقه
انا قلت لها خلاص سويتي لي طلبه منج وخلاص شو تبين ؟؟
اللي مضايقني ان هي جدامي ما تسوي شي
شو اسوي وياها
واللي مر عليها مثل هالموقف كيف تتصرف
الله يسعدكم ردوا علي لان مالي غيركم