لو كنت مكاني وش تسوين؟

مرحبا عزيزاتي الشهر مبارك عليكم الله يعينَّا على الصيام والقيام ويجعلنا من المقبولين ..
أنا الزوجة الثانية وعلى خلاف كبير مع زوجي وطالبة الطلاق لكنه رافض ويترجاني بالمكالمات والرسايل والواسطات أعطيه فرصة وأرجع له .. الموضوع مو هنا لأن الأمر الآن بيد القضاء لكن ..
تفاجأت بزوجته الأولى اللي ما قد شفتها أبد ولا احتكيت فيها تنهال علي بوابل رسائل شتم وسب ووصلت للقذف الصريح والتهديد بالسحر والإيذاء لو رجعت بعد ما شافت لي حالة واتس فسرتها هي إن الأمور بتنحل مع زوجي وبأرجع له (للعلم طلعت تراقبني وأنا يا غافلين لكم الله) .. واللي يقهر إنها تقول ادري بترجعين عشان ما تدفعين فلوس مع إني فعليا عرضت مهري وزيادة على زوجي عشان يطلق لكن يقول ما أبيعك بكنوز الدنيا .. طبعا أكيدهو يمهد لرجعتي فقال لها هي تبي ترجع لي عشان ما ادفع!
اتصلت عليه عدة مرات ويعطيني مشغول يتعذر انه عند رجال وهو طبعا عندها وقال باتصرف معها
لكن أنا أعرف إنه ما بيسوي شي لضعف شخصيته أمامها وهي امرأة سليطة وغير متربية أبدا ..
كيف أتصرف وأرد اعتباري عزيزاتي؟