بسم الله الرحمن الرحيم..
السلام عليكم ورحمة الله وبركاته..
الله يصبحكم/ يمسيكم بكل خير ورضا وراحة بال وإطمئنان...
والله ثم والله إني جداً جداً فرحاااااانه..
تدرون ليش؟؟!!
لأن حققت أمنيتي وأمنية الكثييييييير منكم ومن خارج هالمنتدى..
أنا لي فتره أدور عن مقطع صوت (استغفار) لأني ابي أشغله عالجوال .. وعالجهاز لا قعدت عالنت ..
دورت دووووووووووووورت مالقييييييت..
قررت أني أنا أحقق لي ولكم هالأمنية..
تذكرت أن الشيخ العفاسي الله يجزاه بالجنه له مقطع صوت لأذكار الصباح والمساء وتذكرت أنه يكرر الأسغفار كذا مره.. قلت ابي اقص مقطع الإستغفار وأكرره..
وبيني وبينكم ما أفهم كثير في هالشغلات .. ولا عندي برنامج لها اصلا..
عندي برنامج يقص الاصوات .. بس مايكررها..
جلست أدور برنامج لتتكرار الصوت والله يابنات حست فيه حوسه مايعلمها إلا رب العالمين.. والله العظيم انها اكثر من 5 ساعات وأنا ادور من دون فايده..
القى برامج لكن بعضها مايرضى يتحمل لي واللي يتحمل وبالأخير مايشتغل .. يعني حاله..
لين طحت في برنامج الله يوفق اللي نزله ويجزاه خير تحمل معاي البرنامج واشتغل..
وعلى طوووول اشتغلت عالمقطع وخلصته ولله الحمد والمنه..
وجيتكم على طول وأهديكم إياه .. وأتمنى من الجميع تحميله..
ووضعه في الجوال والإستماع اليه وانتي تشتغلين بالمطبخ .. او ترتبين بيتك وبأي وقت..
لأني انا احيان وانا اشتغل اقعد استغفر شوي افكر بشي ويلهيني عن الاستغفار بعدين انتبه اني وقفت عن الاستغفار فكنت اتمنى مقطع زي هذا يكون شغال عندي لا سهيت اسمعه ويذكرني وأردد معاه..
وقت ماكنت ادور .. لقيت ناس كثيييييييير مثلي يطلبون مقطع استغفار مكرر ..
ماكنت اتوقع اني انا اللي بحطه .. والحمد لله..
تكفوون تكفوووووووووووون.. انشرووووووه لوجه الله في المنتديات وبالايميلات وحطيه بالجوال وأرسليه بلوتوث انشروووه وبكل مكان ...
الله يكتب أجري وأجركم..
وأرجووووكم أدعولي بكل خير وبالتوفيق والسعاده وبكككككككل شي حلو وبما تجود به انفسكم ...
وحبيت أحطه بكذا قسم حتى تعم الفائده .. ويشوفه اكبر عدد منكم ..
الله يوفقني واياكم لما يحبه ويرضاه..
استودعكم الله..:26:
لتحميل المقطع من هنا..
http://up-06.com/do.php?id=33
☼فدِيتَنِي? بَسْ☼ @fdytny_bs_1
عضوة فعالة
يلزم عليك تسجيل الدخول أولًا لكتابة تعليق.
شربة عسل
•
جزاك الله خيراا
الصفحة الأخيرة