لو ماعليكم امر احتاج مساعدتكم

السلام عليكم ورحمة الله وبركاته
خواتي حوائيات المميزات
حابه اخذ ارائكم وتجاربكم
انا بنت بصراحي مالي بأي شيء بصراحه احيانا اشك اني بنت لأني ما اعرف اي شيء عن مواضيع الخطوبه والشوفه والزواج وكل شيء

قصتي بقولها لكم

انا السنه الي راحت واحد جى لأبوي وكلمه يبي يطلب يدي من ابوي ( ابوي انسان طيب واحن منه بالدنيا هذي كلها ما القى والله) المهم ابوي جاوبه والله ما اعرف بالظبط ايش قال يمكن لنا الشرف او حياكم

بس بعدها جى ولمح لأبوي عن انه يبي يجون الحريم ويشوفوني والوالد برضو جاوبه قال حياكم بأي وقت
بعدها امي اتصلت على زوجة عمي حبت تسألها عن بعض الامور الي متعلقه بالشوفه والخطوبه
بحكم ان زوجة عمي قد تزوج ولدها اول ( امي ما تعرف عن ها الامور اي شيء ما تعرف ايش تسوي ووش تحط وزي كذا حتى هي يوم تزوجت اول ما جى ابوي دخلوه يشوفها وهي تطبخ بالمطبخ )

بعدها بكم يوم الا وراحت زوجة عمي خطبت بنت الرجال الي جى يطلب يدي لولده وجلست زوجة عمي تقول عندنا
هذا الولد جانا من اول ورفضناه ومدري ايش
واحنا ببالنا من اول ناخذ بنتهم لولدنا

المهم مر الوقت وسالفة الخطبه اتنست حتى الرجال الي جى لأبوي ماعاد شفناه مدري ايش صار
الله يسامح الي كان السبب

خواتي حابه استفسر منكم امور لو ما بكون ثقل عليكم
اشرحو لي كيف الشوفه
وكيف الخطوبه والامور الي تحصل
وايش اسوي واذا جانا احد وش نقول ومثل ها الامور

وهذا موضوعي وان شاء الله اشوف ردودكم الطيبه على صفحاتي