معقوله عمرك 21 وماعندك حتى ابتدائي ؟
انتي توك صغيره ليه ما دخلتي مدارس
عموما الي راح راح
ابدي من جديد الشهاده مهمه بهالزمن والمفروض يكون طموحك لين تاخذين الجامعه ترا بهالزمن اقل من الجامعه ماعاد ينفع الناس الحين صار طموحها ماستر ودكتوراه وشهادات عليا الشهاده سلاح باذن الله لك حتى لو ماتوظفتي فيها ماتدرين متى تحتاجينها + عشان تعرفين تدرسين بناتك واولادك
المناهج كل سنه تزداد صعوبه واذا ماكملتي ماراح تقدرين تتابعينهم وتمشين معهم في دراستهم ضروري تكملين عشان نفسك ثم عشان عيالك .. والله نصيحه لوجه الله ارمي اي كلام ورا ظهرك وخلي قدامك هدف واحد ( الشهاده والعلم لا غير ) كل سنه الشهاده تكون اهم من السنه الي قبلها وتخيلي نفسك بعد عشر سنين وانتي محلك سر ما بديتي تكملين بتندمين

ولاتقولين انا كبرت وانا وانا لان هذي صعوبات انتي بتحطينها قدامك والا اكبر منك بسنين وسنين ودرسو وتخررجو وتوظفو بعد درست معي حرمه كبيره بنتها معها تدرس بنفس الجامعه كملت من المتوسط لين تخرجت من الجامعه وعمرها في نص الاربعين وتوظفت بنفس الجامعه الي تخرجت منها وماشاءالله انسانه طموحه ما عاقها العمر ولا غيره
تقرين وتكتبين وتعرفين كم كلمه انجليزي هذي ماتنفع بهالوقت الانسان يحتاج للعلم والمعرفه بكل شي ويحتاج للشهادات



كلام الناس وش فادك فيه ؟
تتفشلين انك بتكملين دراسه وما تتفشلين ان ماعندك اي شهاده !!
يعني وش الاهون تقولين انا ادرس واكمل وابي اخذ شهادات وتبينين للناس ان عندك طموح وهدف
والا الاهون اذا احد سألك وش شهادتك او عيالك بكره قالو يمه الى وين وصلتي بالدراسه تقولين مـــــاعندي شهاده وماكملت ابتدائي ؟
ترا الحاله الاولى الواحد يفتخر فيها وياما ناس الحين موظفين وشياب ومع هذا يكملون ويقطون مسافات ويروحون لمدن ثانيه عشان يختبرون ما قالو خلاص كبرنا ومتوظفين وش نبي بالشهاده مالها فائده


فزعة زوجك لك هذا سبب قوي يخليك تصرين انك تكملين اذا زوجك عنده شهاده فا انصحك يكون هذا دافع قوي لك انك تكملين لان واضح انه يبيك تاخذين شهاده ويمكن يشوفك اقل منه وهو ما يحب هالشي ومتفشل منه وممكن لاسمح الله بعد كم سنه يقول ابي وحده متعلمه ومثقفه وتعرف تدرس عيالي


ان شاءالله كلامي تكون دافع لك تكملين وتصرين على الدراسه ..
ومثل ماقالو البنت تعليم الكبيرات يختصر عليك سنوات كثيره وبلمحه بصر بتخلصين المدرسه وتقدمين ع الجامعه انتساب اوتعليم عن بعد

العلم ماله عمر محدد كملي

اختي العزيزه فيه نظام اسمه القفز التعليمي ابحثي عنه في قوقل وتوجهي لادراة التعليم في منطقتك واسألي وان شاء الله تدخلي الثانوي على طول لااه يختبروك اختبارات مستوى
انا من فترة مادخلت المنتدى ودخلت عشانك ادعي لي بالتوفيق وبصلاح زوجي واولادي
واتمنى لك التوفيق

نسيت اقولك انه القفز التعليمي نظام لتصحيح اوضاع السعوديات الااتي لم يحصلن على اي شهاده او لم يسبق لهن الدخول للمدرسه
وربي يفوقك ان شاء الله

ادرسي  ولاتترددي

امي  اخذت الابتدائيه  ب  3  اشهر   اختبروها ونجحت  لان  ابوها  الي هو جدي   معلمها  كل  الي  بالكتب  بس اختبروها  ونجحت  بامتياز


والعلم  يخلي  الوحده  تعرف  تتكلم  وتناقش زيها زي غيرها


على فكره  ضحكتني  كلمة   ( شهايد )

 من فين  سمعتيها  ذي   الله   يسعدك  لاااازم تدرسين   

احمدي ربك  زوجك  بيساعدك


احسن من لما تكبري وما يمديك  تدرسي  ويقول ابغا  وحده  متعلمه
القرائه وحدها ماتكفي  
عالاقل  خوذي  الثانويه ....




موفقه