لو مكاني ايش ممكن تسوين .. اتمنى تفاعلكم معي

سلام عليكم , مدري كيف ابدأ معكم ف موضوعي انا ف حيره من أمري ولا ادري ايش اسويقلت اخذ رأي اكثر من شخص بالحياه يمكن احد يدلني طريق الحق رغم اني مقتنعه فيقراري ف انا حكمت عقلي وليس قلبي ..
نبدأ ف الموضوع اختكم ف الله متزوجه من ٨ سنوات عندي ولد وبنت الله يخليهم ويصلحهم
مشكلتي مع زوجي صعبه جداً بالنسبه لي حاولت لعل وعسى يتغير ولكن ساء اكثر بعد ما انجبت الاطفال صار مايحترمني ولا يهتم فيني ولاتهمه احتياجاتي الخاصه يعني اهمال بشكل ماتتصورون هذا غير المشاعر برود عاطفي ولا كأني متزوجه احس كل شيء بهت ف حياتي احتاج زوجي يعاملني ب حنيه وحب واحترام اهم شيء ولكن حياتي صارت بلا معنى اذا انتهى الود والاحترام احس ينتهي كل شيء والله العظيم يابنات ماعمري حسيت اني متزوجه لا هدايا لا حب تصدقون ولدت مرتين ماعمره جاب لي هديه ومرات انا اطلبه جيب كذا وكذا رغماني احسها تقليل من شأني ولكن حتى بالطلب مايجيب مره كسر بخاطري لدرجة اني ابكي لاتقولون تافهه ! لا والله جداً تحز بالخاطرخصوصاً ان اللي اطلبه شيء بسيط ولا يكلف
مره سافر عمل وانا زعلانه قلت له خلاص جيب لي معك هديه اي شيء مستوعبين جاب للأولاد هدايا كلفت ٧٠٠﷼ وانا ماجاب لي شيء ! للدرجه هذي مالي قيمه عنده ماتتصورون كيف انجرحت 😭
ماقد قصرت معه بشيء , لكن والله ماتهمني اكثر من انه ودي يكون لي احترام ويعاملني كزوجه ومايخلي بخاطري شيء 😔 هذا غير ان لسانه فض ويكذب كثير وزعلي معد يهمه لانه تعود ازعل وارضى فما صار يهمه + ابكي قدامه لان اعصابي صايره م تتحمل اي شيءيأذيني ابكي بس صارت دموعي عادي عنده 😭 احس خلاص كل شيء فيني عافه ودي اتطلق واشوف حياتي لما اروح عند اهلي احس اني برتاح والله من صار يقل ادبه معي جاني هبوط بالضغط بسببه مرات اقول ليش اكمل مع واحد يجيب لي الامراض وتعب نفسيتي جداًالحين عمري ٢٧ وهو ٤١ العمر يركض وانا مع شخص مايستحقني ..